| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៩-១០. នន្ទិក្ខយសុត្តាទិវណ្ណនា
9-10. Nandikkhayasuttādivaṇṇanā
៥១-៥២. នវមទសមេសូតិ សុត្តទ្វយំ សហេវ ឧទ្ធដំ, ទ្វីសុបិ អត្ថវណ្ណនាយ សរិក្ខភាវតោ។ នន្ទនដ្ឋេន នន្ទី, រញ្ជនដ្ឋេន រាគោ។ សតិបិ សទ្ទត្ថតោ ភេទេ ‘‘ឥមេសំ អត្ថតោ និន្នានាករណតាយា’’តិ វត្វាបិ បហាយកធម្មភេទេន បន លព្ភតេវ ភេទមត្តាតិ ទស្សេតុំ ‘‘និព្ពិទានុបស្សនាយ វា’’តិអាទិ វុត្តំ។ វិរជ្ជន្តោ រាគំ បជហតីតិ សម្ពន្ធោ។ ឯត្តាវតាតិ ‘‘នន្ទិក្ខយា រាគក្ខយោ’’តិ ឯត្តាវតា។ វិបស្សនំ និដ្ឋបេត្វា វិបស្សនាកិច្ចស្ស បរិយោសានេន។ រាគក្ខយាតិ វុដ្ឋានគាមិនិបរិយោសានាយ វិបស្សនាយ រាគស្ស ខេបិតត្តា។ អនន្តរំ ឧប្បន្នេន អរិយមគ្គេន សមុច្ឆេទវសេន នន្ទិក្ខយោតិ។ តេនាហ ‘‘ឥធ មគ្គំ ទស្សេត្វា’’តិ។ អនន្តរំ បន ឧប្បន្នេន អរិយផលេន បដិបស្សទ្ធិវសេន នន្ទិរាគក្ខយា សព្ពំ សំកិលេសតោ ចិត្តំ វិមុច្ចតីតិ។ តេនាហ ‘‘ផលំ ទស្សិត’’ន្តិ។
51-52.Navamadasamesūti suttadvayaṃ saheva uddhaṭaṃ, dvīsupi atthavaṇṇanāya sarikkhabhāvato. Nandanaṭṭhena nandī, rañjanaṭṭhena rāgo. Satipi saddatthato bhede ‘‘imesaṃ atthato ninnānākaraṇatāyā’’ti vatvāpi pahāyakadhammabhedena pana labbhateva bhedamattāti dassetuṃ ‘‘nibbidānupassanāya vā’’tiādi vuttaṃ. Virajjanto rāgaṃ pajahatīti sambandho. Ettāvatāti ‘‘nandikkhayā rāgakkhayo’’ti ettāvatā. Vipassanaṃ niṭṭhapetvā vipassanākiccassa pariyosānena. Rāgakkhayāti vuṭṭhānagāminipariyosānāya vipassanāya rāgassa khepitattā. Anantaraṃ uppannena ariyamaggena samucchedavasena nandikkhayoti. Tenāha ‘‘idha maggaṃ dassetvā’’ti. Anantaraṃ pana uppannena ariyaphalena paṭipassaddhivasena nandirāgakkhayā sabbaṃ saṃkilesato cittaṃ vimuccatīti. Tenāha ‘‘phalaṃ dassita’’nti.
នន្ទិក្ខយសុត្តាទិវណ្ណនា និដ្ឋិតា។
Nandikkhayasuttādivaṇṇanā niṭṭhitā.
អត្តទីបវគ្គវណ្ណនា និដ្ឋិតា។
Attadīpavaggavaṇṇanā niṭṭhitā.
មូលបណ្ណាសកោ សមត្តោ។
Mūlapaṇṇāsako samatto.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya
៩. នន្ទិក្ខយសុត្តំ • 9. Nandikkhayasuttaṃ
១០. ទុតិយនន្ទិក្ខយសុត្តំ • 10. Dutiyanandikkhayasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៩-១០. នន្ទិក្ខយសុត្តាទិវណ្ណនា • 9-10. Nandikkhayasuttādivaṇṇanā
