| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೯-೧೦. ನನ್ದಿಕ್ಖಯಸುತ್ತಾದಿವಣ್ಣನಾ
9-10. Nandikkhayasuttādivaṇṇanā
೫೧-೫೨. ನವಮದಸಮೇಸೂತಿ ಸುತ್ತದ್ವಯಂ ಸಹೇವ ಉದ್ಧಟಂ, ದ್ವೀಸುಪಿ ಅತ್ಥವಣ್ಣನಾಯ ಸರಿಕ್ಖಭಾವತೋ। ನನ್ದನಟ್ಠೇನ ನನ್ದೀ, ರಞ್ಜನಟ್ಠೇನ ರಾಗೋ। ಸತಿಪಿ ಸದ್ದತ್ಥತೋ ಭೇದೇ ‘‘ಇಮೇಸಂ ಅತ್ಥತೋ ನಿನ್ನಾನಾಕರಣತಾಯಾ’’ತಿ ವತ್ವಾಪಿ ಪಹಾಯಕಧಮ್ಮಭೇದೇನ ಪನ ಲಬ್ಭತೇವ ಭೇದಮತ್ತಾತಿ ದಸ್ಸೇತುಂ ‘‘ನಿಬ್ಬಿದಾನುಪಸ್ಸನಾಯ ವಾ’’ತಿಆದಿ ವುತ್ತಂ। ವಿರಜ್ಜನ್ತೋ ರಾಗಂ ಪಜಹತೀತಿ ಸಮ್ಬನ್ಧೋ। ಏತ್ತಾವತಾತಿ ‘‘ನನ್ದಿಕ್ಖಯಾ ರಾಗಕ್ಖಯೋ’’ತಿ ಏತ್ತಾವತಾ। ವಿಪಸ್ಸನಂ ನಿಟ್ಠಪೇತ್ವಾ ವಿಪಸ್ಸನಾಕಿಚ್ಚಸ್ಸ ಪರಿಯೋಸಾನೇನ। ರಾಗಕ್ಖಯಾತಿ ವುಟ್ಠಾನಗಾಮಿನಿಪರಿಯೋಸಾನಾಯ ವಿಪಸ್ಸನಾಯ ರಾಗಸ್ಸ ಖೇಪಿತತ್ತಾ। ಅನನ್ತರಂ ಉಪ್ಪನ್ನೇನ ಅರಿಯಮಗ್ಗೇನ ಸಮುಚ್ಛೇದವಸೇನ ನನ್ದಿಕ್ಖಯೋತಿ। ತೇನಾಹ ‘‘ಇಧ ಮಗ್ಗಂ ದಸ್ಸೇತ್ವಾ’’ತಿ। ಅನನ್ತರಂ ಪನ ಉಪ್ಪನ್ನೇನ ಅರಿಯಫಲೇನ ಪಟಿಪಸ್ಸದ್ಧಿವಸೇನ ನನ್ದಿರಾಗಕ್ಖಯಾ ಸಬ್ಬಂ ಸಂಕಿಲೇಸತೋ ಚಿತ್ತಂ ವಿಮುಚ್ಚತೀತಿ। ತೇನಾಹ ‘‘ಫಲಂ ದಸ್ಸಿತ’’ನ್ತಿ।
51-52.Navamadasamesūti suttadvayaṃ saheva uddhaṭaṃ, dvīsupi atthavaṇṇanāya sarikkhabhāvato. Nandanaṭṭhena nandī, rañjanaṭṭhena rāgo. Satipi saddatthato bhede ‘‘imesaṃ atthato ninnānākaraṇatāyā’’ti vatvāpi pahāyakadhammabhedena pana labbhateva bhedamattāti dassetuṃ ‘‘nibbidānupassanāya vā’’tiādi vuttaṃ. Virajjanto rāgaṃ pajahatīti sambandho. Ettāvatāti ‘‘nandikkhayā rāgakkhayo’’ti ettāvatā. Vipassanaṃ niṭṭhapetvā vipassanākiccassa pariyosānena. Rāgakkhayāti vuṭṭhānagāminipariyosānāya vipassanāya rāgassa khepitattā. Anantaraṃ uppannena ariyamaggena samucchedavasena nandikkhayoti. Tenāha ‘‘idha maggaṃ dassetvā’’ti. Anantaraṃ pana uppannena ariyaphalena paṭipassaddhivasena nandirāgakkhayā sabbaṃ saṃkilesato cittaṃ vimuccatīti. Tenāha ‘‘phalaṃ dassita’’nti.
ನನ್ದಿಕ್ಖಯಸುತ್ತಾದಿವಣ್ಣನಾ ನಿಟ್ಠಿತಾ।
Nandikkhayasuttādivaṇṇanā niṭṭhitā.
ಅತ್ತದೀಪವಗ್ಗವಣ್ಣನಾ ನಿಟ್ಠಿತಾ।
Attadīpavaggavaṇṇanā niṭṭhitā.
ಮೂಲಪಣ್ಣಾಸಕೋ ಸಮತ್ತೋ।
Mūlapaṇṇāsako samatto.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya
೯. ನನ್ದಿಕ್ಖಯಸುತ್ತಂ • 9. Nandikkhayasuttaṃ
೧೦. ದುತಿಯನನ್ದಿಕ್ಖಯಸುತ್ತಂ • 10. Dutiyanandikkhayasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೯-೧೦. ನನ್ದಿಕ್ಖಯಸುತ್ತಾದಿವಣ್ಣನಾ • 9-10. Nandikkhayasuttādivaṇṇanā
