| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
9-10. නන්‌දික්‌ඛයසුත්‌තාදිවණ්‌ණනා
9-10. Nandikkhayasuttādivaṇṇanā
51-52. නවමදසමෙසූති සුත්‌තද්‌වයං සහෙව උද්‌ධටං, ද්‌වීසුපි අත්‌ථවණ්‌ණනාය සරික්‌ඛභාවතො. නන්‌දනට්‌ඨෙන නන්‌දී, රඤ්‌ජනට්‌ඨෙන රාගො. සතිපි සද්‌දත්‌ථතො භෙදෙ ‘‘ඉමෙසං අත්‌ථතො නින්‌නානාකරණතායා’’ති වත්‌වාපි පහායකධම්‌මභෙදෙන පන ලබ්‌භතෙව භෙදමත්‌තාති දස්‌සෙතුං ‘‘නිබ්‌බිදානුපස්‌සනාය වා’’තිආදි වුත්‌තං. විරජ්‌ජන්‌තො රාගං පජහතීති සම්‌බන්‌ධො. එත්‌තාවතාති ‘‘නන්‌දික්‌ඛයා රාගක්‌ඛයො’’ති එත්‌තාවතා. විපස්‌සනං නිට්‌ඨපෙත්‌වා විපස්‌සනාකිච්‌චස්‌ස පරියොසානෙන. රාගක්‌ඛයාති වුට්‌ඨානගාමිනිපරියොසානාය විපස්‌සනාය රාගස්‌ස ඛෙපිතත්‌තා. අනන්‌තරං උප්‌පන්‌නෙන අරියමග්‌ගෙන සමුච්‌ඡෙදවසෙන නන්‌දික්‌ඛයොති. තෙනාහ ‘‘ඉධ මග්‌ගං දස්‌සෙත්‌වා’’ති. අනන්‌තරං පන උප්‌පන්‌නෙන අරියඵලෙන පටිපස්‌සද්‌ධිවසෙන නන්‌දිරාගක්‌ඛයා සබ්‌බං සංකිලෙසතො චිත්‌තං විමුච්‌චතීති. තෙනාහ ‘‘ඵලං දස්‌සිත’’න්‌ති.
51-52.Navamadasamesūti suttadvayaṃ saheva uddhaṭaṃ, dvīsupi atthavaṇṇanāya sarikkhabhāvato. Nandanaṭṭhena nandī, rañjanaṭṭhena rāgo. Satipi saddatthato bhede ‘‘imesaṃ atthato ninnānākaraṇatāyā’’ti vatvāpi pahāyakadhammabhedena pana labbhateva bhedamattāti dassetuṃ ‘‘nibbidānupassanāya vā’’tiādi vuttaṃ. Virajjanto rāgaṃ pajahatīti sambandho. Ettāvatāti ‘‘nandikkhayā rāgakkhayo’’ti ettāvatā. Vipassanaṃ niṭṭhapetvā vipassanākiccassa pariyosānena. Rāgakkhayāti vuṭṭhānagāminipariyosānāya vipassanāya rāgassa khepitattā. Anantaraṃ uppannena ariyamaggena samucchedavasena nandikkhayoti. Tenāha ‘‘idha maggaṃ dassetvā’’ti. Anantaraṃ pana uppannena ariyaphalena paṭipassaddhivasena nandirāgakkhayā sabbaṃ saṃkilesato cittaṃ vimuccatīti. Tenāha ‘‘phalaṃ dassita’’nti.
නන්‌දික්‌ඛයසුත්‌තාදිවණ්‌ණනා නිට්‌ඨිතා.
Nandikkhayasuttādivaṇṇanā niṭṭhitā.
අත්‌තදීපවග්‌ගවණ්‌ණනා නිට්‌ඨිතා.
Attadīpavaggavaṇṇanā niṭṭhitā.
මූලපණ්‌ණාසකො සමත්‌තො.
Mūlapaṇṇāsako samatto.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya
9. නන්‌දික්‌ඛයසුත්‌තං • 9. Nandikkhayasuttaṃ
10. දුතියනන්‌දික්‌ඛයසුත්‌තං • 10. Dutiyanandikkhayasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 9-10. නන්‌දික්‌ඛයසුත්‌තාදිවණ්‌ණනා • 9-10. Nandikkhayasuttādivaṇṇanā
