| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. நந்தி³க்க²யஸுத்தங்
9. Nandikkhayasuttaṃ
51. ஸாவத்தி²னிதா³னங். ‘‘அனிச்சஞ்ஞேவ, பி⁴க்க²வே, பி⁴க்கு² ரூபங் அனிச்சந்தி பஸ்ஸதி. ஸாஸ்ஸ ஹோதி ஸம்மாதி³ட்டி². ஸம்மா பஸ்ஸங் நிப்³பி³ந்த³தி. நந்தி³க்க²யா ராக³க்க²யோ, ராக³க்க²யா நந்தி³க்க²யோ. நந்தி³ராக³க்க²யா சித்தங் விமுத்தங் ஸுவிமுத்தந்தி வுச்சதி. அனிச்சஞ்ஞேவ, பி⁴க்க²வே, பி⁴க்கு² வேத³னங் அனிச்சந்தி பஸ்ஸதி. ஸாஸ்ஸ ஹோதி ஸம்மாதி³ட்டி². ஸம்மா பஸ்ஸங் நிப்³பி³ந்த³தி. நந்தி³க்க²யா ராக³க்க²யோ, ராக³க்க²யா நந்தி³க்க²யோ. நந்தி³ராக³க்க²யா சித்தங் விமுத்தங் ஸுவிமுத்தந்தி வுச்சதி. அனிச்சேயேவ, பி⁴க்க²வே, பி⁴க்கு² ஸஞ்ஞங் அனிச்சந்தி பஸ்ஸதி…பே॰… அனிச்சேயேவ பி⁴க்க²வே, பி⁴க்கு² ஸங்கா²ரே அனிச்சாதி பஸ்ஸதி. ஸாஸ்ஸ ஹோதி ஸம்மாதி³ட்டி². ஸம்மா பஸ்ஸங் நிப்³பி³ந்த³தி. நந்தி³க்க²யா ராக³க்க²யோ, ராக³க்க²யா நந்தி³க்க²யோ. நந்தி³ராக³க்க²யா சித்தங் விமுத்தங் ஸுவிமுத்தந்தி வுச்சதி. அனிச்சஞ்ஞேவ, பி⁴க்க²வே, பி⁴க்கு² விஞ்ஞாணங் அனிச்சந்தி பஸ்ஸதி. ஸாஸ்ஸ ஹோதி ஸம்மாதி³ட்டி². ஸம்மா பஸ்ஸங் நிப்³பி³ந்த³தி. நந்தி³க்க²யா ராக³க்க²யோ, ராக³க்க²யா நந்தி³க்க²யோ. நந்தி³ராக³க்க²யா சித்தங் விமுத்தங் ஸுவிமுத்தந்தி வுச்சதீ’’தி. நவமங்.
51. Sāvatthinidānaṃ. ‘‘Aniccaññeva, bhikkhave, bhikkhu rūpaṃ aniccanti passati. Sāssa hoti sammādiṭṭhi. Sammā passaṃ nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccati. Aniccaññeva, bhikkhave, bhikkhu vedanaṃ aniccanti passati. Sāssa hoti sammādiṭṭhi. Sammā passaṃ nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccati. Anicceyeva, bhikkhave, bhikkhu saññaṃ aniccanti passati…pe… anicceyeva bhikkhave, bhikkhu saṅkhāre aniccāti passati. Sāssa hoti sammādiṭṭhi. Sammā passaṃ nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccati. Aniccaññeva, bhikkhave, bhikkhu viññāṇaṃ aniccanti passati. Sāssa hoti sammādiṭṭhi. Sammā passaṃ nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccatī’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9-10. நந்தி³க்க²யஸுத்தாதி³வண்ணனா • 9-10. Nandikkhayasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9-10. நந்தி³க்க²யஸுத்தாதி³வண்ணனா • 9-10. Nandikkhayasuttādivaṇṇanā
