| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৯. নন্দিক্খযসুত্তং
9. Nandikkhayasuttaṃ
৫১. সাৰত্থিনিদানং। ‘‘অনিচ্চঞ্ঞেৰ, ভিক্খৰে, ভিক্খু রূপং অনিচ্চন্তি পস্সতি। সাস্স হোতি সম্মাদিট্ঠি। সম্মা পস্সং নিব্বিন্দতি। নন্দিক্খযা রাগক্খযো, রাগক্খযা নন্দিক্খযো। নন্দিরাগক্খযা চিত্তং ৰিমুত্তং সুৰিমুত্তন্তি ৰুচ্চতি। অনিচ্চঞ্ঞেৰ, ভিক্খৰে, ভিক্খু ৰেদনং অনিচ্চন্তি পস্সতি। সাস্স হোতি সম্মাদিট্ঠি। সম্মা পস্সং নিব্বিন্দতি। নন্দিক্খযা রাগক্খযো, রাগক্খযা নন্দিক্খযো। নন্দিরাগক্খযা চিত্তং ৰিমুত্তং সুৰিমুত্তন্তি ৰুচ্চতি। অনিচ্চেযেৰ, ভিক্খৰে, ভিক্খু সঞ্ঞং অনিচ্চন্তি পস্সতি…পে॰… অনিচ্চেযেৰ ভিক্খৰে, ভিক্খু সঙ্খারে অনিচ্চাতি পস্সতি। সাস্স হোতি সম্মাদিট্ঠি। সম্মা পস্সং নিব্বিন্দতি। নন্দিক্খযা রাগক্খযো, রাগক্খযা নন্দিক্খযো। নন্দিরাগক্খযা চিত্তং ৰিমুত্তং সুৰিমুত্তন্তি ৰুচ্চতি। অনিচ্চঞ্ঞেৰ, ভিক্খৰে, ভিক্খু ৰিঞ্ঞাণং অনিচ্চন্তি পস্সতি। সাস্স হোতি সম্মাদিট্ঠি। সম্মা পস্সং নিব্বিন্দতি। নন্দিক্খযা রাগক্খযো, রাগক্খযা নন্দিক্খযো। নন্দিরাগক্খযা চিত্তং ৰিমুত্তং সুৰিমুত্তন্তি ৰুচ্চতী’’তি। নৰমং।
51. Sāvatthinidānaṃ. ‘‘Aniccaññeva, bhikkhave, bhikkhu rūpaṃ aniccanti passati. Sāssa hoti sammādiṭṭhi. Sammā passaṃ nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccati. Aniccaññeva, bhikkhave, bhikkhu vedanaṃ aniccanti passati. Sāssa hoti sammādiṭṭhi. Sammā passaṃ nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccati. Anicceyeva, bhikkhave, bhikkhu saññaṃ aniccanti passati…pe… anicceyeva bhikkhave, bhikkhu saṅkhāre aniccāti passati. Sāssa hoti sammādiṭṭhi. Sammā passaṃ nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccati. Aniccaññeva, bhikkhave, bhikkhu viññāṇaṃ aniccanti passati. Sāssa hoti sammādiṭṭhi. Sammā passaṃ nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccatī’’ti. Navamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৯-১০. নন্দিক্খযসুত্তাদিৰণ্ণনা • 9-10. Nandikkhayasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৯-১০. নন্দিক্খযসুত্তাদিৰণ্ণনা • 9-10. Nandikkhayasuttādivaṇṇanā
