| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. нанд̣̇игкаяасуд̇д̇ам̣
9. Nandikkhayasuttaṃ
51. саавад̇т̇инид̣̇аанам̣. ‘‘анижжан̃н̃зва, бхигкавз, бхигку руубам̣ анижжанд̇и бассад̇и. саасса ход̇и саммаад̣̇идти. саммаа бассам̣ ниб̣б̣инд̣̇ад̇и. нанд̣̇игкаяаа рааг̇агкаяо, рааг̇агкаяаа нанд̣̇игкаяо. нанд̣̇ирааг̇агкаяаа жид̇д̇ам̣ вимуд̇д̇ам̣ сувимуд̇д̇анд̇и вужжад̇и. анижжан̃н̃зва, бхигкавз, бхигку взд̣̇анам̣ анижжанд̇и бассад̇и. саасса ход̇и саммаад̣̇идти. саммаа бассам̣ ниб̣б̣инд̣̇ад̇и. нанд̣̇игкаяаа рааг̇агкаяо, рааг̇агкаяаа нанд̣̇игкаяо. нанд̣̇ирааг̇агкаяаа жид̇д̇ам̣ вимуд̇д̇ам̣ сувимуд̇д̇анд̇и вужжад̇и. анижжзязва, бхигкавз, бхигку сан̃н̃ам̣ анижжанд̇и бассад̇и…бз… анижжзязва бхигкавз, бхигку сан̇каарз анижжаад̇и бассад̇и. саасса ход̇и саммаад̣̇идти. саммаа бассам̣ ниб̣б̣инд̣̇ад̇и. нанд̣̇игкаяаа рааг̇агкаяо, рааг̇агкаяаа нанд̣̇игкаяо. нанд̣̇ирааг̇агкаяаа жид̇д̇ам̣ вимуд̇д̇ам̣ сувимуд̇д̇анд̇и вужжад̇и. анижжан̃н̃зва, бхигкавз, бхигку вин̃н̃аан̣ам̣ анижжанд̇и бассад̇и. саасса ход̇и саммаад̣̇идти. саммаа бассам̣ ниб̣б̣инд̣̇ад̇и. нанд̣̇игкаяаа рааг̇агкаяо, рааг̇агкаяаа нанд̣̇игкаяо. нанд̣̇ирааг̇агкаяаа жид̇д̇ам̣ вимуд̇д̇ам̣ сувимуд̇д̇анд̇и вужжад̇ий’’д̇и. навамам̣.
51. Sāvatthinidānaṃ. ‘‘Aniccaññeva, bhikkhave, bhikkhu rūpaṃ aniccanti passati. Sāssa hoti sammādiṭṭhi. Sammā passaṃ nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccati. Aniccaññeva, bhikkhave, bhikkhu vedanaṃ aniccanti passati. Sāssa hoti sammādiṭṭhi. Sammā passaṃ nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccati. Anicceyeva, bhikkhave, bhikkhu saññaṃ aniccanti passati…pe… anicceyeva bhikkhave, bhikkhu saṅkhāre aniccāti passati. Sāssa hoti sammādiṭṭhi. Sammā passaṃ nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccati. Aniccaññeva, bhikkhave, bhikkhu viññāṇaṃ aniccanti passati. Sāssa hoti sammādiṭṭhi. Sammā passaṃ nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccatī’’ti. Navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9-10. нанд̣̇игкаяасуд̇д̇аад̣̇иван̣н̣анаа • 9-10. Nandikkhayasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9-10. нанд̣̇игкаяасуд̇д̇аад̣̇иван̣н̣анаа • 9-10. Nandikkhayasuttādivaṇṇanā
