| Library / Tipiṭaka / तिपिटक • Tipiṭaka / जातकपाळि • Jātakapāḷi |
३८५. नन्दियमिगराजजातकं (६-१-१०)
385. Nandiyamigarājajātakaṃ (6-1-10)
७०.
70.
वज्जासि नन्दियं नाम, पुत्तं अस्माकमोरसं।
Vajjāsi nandiyaṃ nāma, puttaṃ asmākamorasaṃ;
माता पिता च ते वुद्धा, ते तं इच्छन्ति पस्सितुं॥
Mātā pitā ca te vuddhā, te taṃ icchanti passituṃ.
७१.
71.
भुत्ता मया निवापानि, राजिनो पानभोजनं।
Bhuttā mayā nivāpāni, rājino pānabhojanaṃ;
तं राजपिण्डं अवभोत्तुं 5, नाहं ब्राह्मण मुस्सहे॥
Taṃ rājapiṇḍaṃ avabhottuṃ 6, nāhaṃ brāhmaṇa mussahe.
७२.
72.
तदाहं सुखितो मुत्तो, अपि पस्सेय्य मातरं॥
Tadāhaṃ sukhito mutto, api passeyya mātaraṃ.
७३.
73.
नन्दियो नाम नामेन, अभिरूपो चतुप्पदो॥
Nandiyo nāma nāmena, abhirūpo catuppado.
७४.
74.
तं मं वधितुमागच्छि, दायस्मिं अज्जुने वने।
Taṃ maṃ vadhitumāgacchi, dāyasmiṃ ajjune vane;
७५.
75.
तस्साहं ओदहिं पस्सं, खुरप्पानिस्स राजिनो।
Tassāhaṃ odahiṃ passaṃ, khurappānissa rājino;
तदाहं सुखितो मुत्तो, मातरं दट्ठुमागतोति॥
Tadāhaṃ sukhito mutto, mātaraṃ daṭṭhumāgatoti.
नन्दियमिगराजजातकं दसमं।
Nandiyamigarājajātakaṃ dasamaṃ.
अवारियवग्गो पठमो।
Avāriyavaggo paṭhamo.
तस्सुद्दानं –
Tassuddānaṃ –
अथ कुज्झरथेसभ केतुवरो, सदरीमुख नेरु लता च पुन।
Atha kujjharathesabha ketuvaro, sadarīmukha neru latā ca puna;
अपनन्द सिरी च सुचित्तवरो, अथ धम्मिक नन्दिमिगेन दसाति॥
Apananda sirī ca sucittavaro, atha dhammika nandimigena dasāti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [३८५] १०. नन्दियमिगराजजातकवण्णना • [385] 10. Nandiyamigarājajātakavaṇṇanā
