| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. нанд̣̇ияасаггасуд̇д̇ам̣
10. Nandiyasakkasuttaṃ
1036. згам̣ самаяам̣ бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. ат̇а ко нанд̣̇ияо сагго язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко нанд̣̇ияо сагго бхаг̇аванд̇ам̣ зд̇ад̣̇авожа – ‘‘яассзва ну ко, бханд̇з, арияасаавагасса жад̇д̇аари сод̇аабад̇д̇ияан̇г̇аани саб̣б̣зна саб̣б̣ам̣ саб̣б̣ат̇аа саб̣б̣ам̣ над̇т̇и свзва ну ко, бханд̇з, арияасааваго бамаад̣̇авихаарий’’д̇и.
1036. Ekaṃ samayaṃ bhagavā sakkesu viharati kapilavatthusmiṃ nigrodhārāme. Atha kho nandiyo sakko yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho nandiyo sakko bhagavantaṃ etadavoca – ‘‘yasseva nu kho, bhante, ariyasāvakassa cattāri sotāpattiyaṅgāni sabbena sabbaṃ sabbathā sabbaṃ natthi sveva nu kho, bhante, ariyasāvako pamādavihārī’’ti.
‘‘‘яасса ко, нанд̣̇ияа, жад̇д̇аари сод̇аабад̇д̇ияан̇г̇аани саб̣б̣зна саб̣б̣ам̣ саб̣б̣ат̇аа саб̣б̣ам̣ над̇т̇и д̇амахам̣ б̣аахиро бут̇уж̇ж̇анабагкз тид̇о’д̇и вад̣̇аами. аби жа, нанд̣̇ияа, яат̇аа арияасааваго бамаад̣̇авихаарий жзва ход̇и, аббамаад̣̇авихаарий жа д̇ам̣ сун̣аахи, саад̇хугам̣ манаси гарохи; бхаасиссаамий’’д̇и. ‘‘звам̣ , бханд̇з’’д̇и ко нанд̣̇ияо сагго бхаг̇авад̇о бажжассоси. бхаг̇аваа зд̇ад̣̇авожа –
‘‘‘Yassa kho, nandiya, cattāri sotāpattiyaṅgāni sabbena sabbaṃ sabbathā sabbaṃ natthi tamahaṃ bāhiro puthujjanapakkhe ṭhito’ti vadāmi. Api ca, nandiya, yathā ariyasāvako pamādavihārī ceva hoti, appamādavihārī ca taṃ suṇāhi, sādhukaṃ manasi karohi; bhāsissāmī’’ti. ‘‘Evaṃ , bhante’’ti kho nandiyo sakko bhagavato paccassosi. Bhagavā etadavoca –
‘‘гат̇ан̃жа, нанд̣̇ияа, арияасааваго бамаад̣̇авихаарий ход̇и? ид̇ха нанд̣̇ияа, арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇и – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. со д̇зна б̣уд̣̇д̇хз авзжжаббасаад̣̇зна санд̇удто на уд̇д̇ари вааяамад̇и д̣̇иваа бавивзгааяа, рад̇д̇им̣ бадисаллаанааяа. д̇асса звам̣ бамад̇д̇асса вихарад̇о баамож̇ж̇ам̣ на ход̇и. баамож̇ж̇з асад̇и, бийд̇и на ход̇и. бийд̇ияаа асад̇и, бассад̣̇д̇хи на ход̇и. бассад̣̇д̇хияаа асад̇и, д̣̇угкам̣ вихарад̇и. д̣̇угкино жид̇д̇ам̣ на самаад̇хияад̇и. асамаахид̇з жид̇д̇з д̇хаммаа на баад̇убхаванд̇и. д̇хаммаанам̣ абаад̇убхааваа бамаад̣̇авихаарий д̇взва сан̇кяам̣ г̇ажчад̇и.
‘‘Kathañca, nandiya, ariyasāvako pamādavihārī hoti? Idha nandiya, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. So tena buddhe aveccappasādena santuṭṭho na uttari vāyamati divā pavivekāya, rattiṃ paṭisallānāya. Tassa evaṃ pamattassa viharato pāmojjaṃ na hoti. Pāmojje asati, pīti na hoti. Pītiyā asati, passaddhi na hoti. Passaddhiyā asati, dukkhaṃ viharati. Dukkhino cittaṃ na samādhiyati. Asamāhite citte dhammā na pātubhavanti. Dhammānaṃ apātubhāvā pamādavihārī tveva saṅkhyaṃ gacchati.
‘‘буна жабарам̣, нанд̣̇ияа, арияасааваго д̇хаммз…бз… сан̇гхз…бз… арияаганд̇зхи сийлзхи саманнааг̇ад̇о ход̇и акан̣д̣зхи…бз… самаад̇хисам̣вад̇д̇анигзхи. со д̇зхи арияаганд̇зхи сийлзхи санд̇удто на уд̇д̇ари вааяамад̇и д̣̇иваа бавивзгааяа рад̇д̇им̣ бадисаллаанааяа. д̇асса звам̣ бамад̇д̇асса вихарад̇о баамож̇ж̇ам̣ на ход̇и. баамож̇ж̇з асад̇и, бийд̇и на ход̇и. бийд̇ияаа асад̇и, бассад̣̇д̇хи на ход̇и. бассад̣̇д̇хияаа асад̇и, д̣̇угкам̣ вихарад̇и. д̣̇угкино жид̇д̇ам̣ на самаад̇хияад̇и . асамаахид̇з жид̇д̇з д̇хаммаа на баад̇убхаванд̇и. д̇хаммаанам̣ абаад̇убхааваа бамаад̣̇авихаарий д̇взва сан̇кяам̣ г̇ажчад̇и. звам̣ ко, нанд̣̇ияа, арияасааваго бамаад̣̇авихаарий ход̇и.
‘‘Puna caparaṃ, nandiya, ariyasāvako dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. So tehi ariyakantehi sīlehi santuṭṭho na uttari vāyamati divā pavivekāya rattiṃ paṭisallānāya. Tassa evaṃ pamattassa viharato pāmojjaṃ na hoti. Pāmojje asati, pīti na hoti. Pītiyā asati, passaddhi na hoti. Passaddhiyā asati, dukkhaṃ viharati. Dukkhino cittaṃ na samādhiyati . Asamāhite citte dhammā na pātubhavanti. Dhammānaṃ apātubhāvā pamādavihārī tveva saṅkhyaṃ gacchati. Evaṃ kho, nandiya, ariyasāvako pamādavihārī hoti.
‘‘гат̇ан̃жа, нанд̣̇ияа, арияасааваго аббамаад̣̇авихаарий ход̇и? ид̇ха, нанд̣̇ияа, арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇и – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. со д̇зна б̣уд̣̇д̇хз авзжжаббасаад̣̇зна асанд̇удто уд̇д̇ари вааяамад̇и д̣̇иваа бавивзгааяа рад̇д̇им̣ бадисаллаанааяа. д̇асса звам̣ аббамад̇д̇асса вихарад̇о баамож̇ж̇ам̣ ж̇ааяад̇и. бамуд̣̇ид̇асса бийд̇и ж̇ааяад̇и. бийд̇иманасса гааяо бассамбхад̇и. бассад̣̇д̇хагааяо сукам̣ взд̣̇ияад̇и. сукино жид̇д̇ам̣ самаад̇хияад̇и. самаахид̇з жид̇д̇з д̇хаммаа баад̇убхаванд̇и. д̇хаммаанам̣ баад̇убхааваа аббамаад̣̇авихаарий д̇взва сан̇кяам̣ г̇ажчад̇и .
‘‘Kathañca, nandiya, ariyasāvako appamādavihārī hoti? Idha, nandiya, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. So tena buddhe aveccappasādena asantuṭṭho uttari vāyamati divā pavivekāya rattiṃ paṭisallānāya. Tassa evaṃ appamattassa viharato pāmojjaṃ jāyati. Pamuditassa pīti jāyati. Pītimanassa kāyo passambhati. Passaddhakāyo sukhaṃ vediyati. Sukhino cittaṃ samādhiyati. Samāhite citte dhammā pātubhavanti. Dhammānaṃ pātubhāvā appamādavihārī tveva saṅkhyaṃ gacchati .
‘‘буна жабарам̣, нанд̣̇ияа, арияасааваго д̇хаммз…бз… сан̇гхз…бз… арияаганд̇зхи сийлзхи саманнааг̇ад̇о ход̇и акан̣д̣зхи…бз… самаад̇хисам̣вад̇д̇анигзхи. со д̇зхи арияаганд̇зхи сийлзхи асанд̇удто уд̇д̇ари вааяамад̇и д̣̇иваа бавивзгааяа рад̇д̇им̣ бадисаллаанааяа . д̇асса звам̣ аббамад̇д̇асса вихарад̇о баамож̇ж̇ам̣ ж̇ааяад̇и. бамуд̣̇ид̇асса бийд̇и ж̇ааяад̇и. бийд̇иманасса гааяо бассамбхад̇и. бассад̣̇д̇хагааяо сукам̣ взд̣̇ияад̇и. сукино жид̇д̇ам̣ самаад̇хияад̇и. самаахид̇з жид̇д̇з д̇хаммаа баад̇убхаванд̇и. д̇хаммаанам̣ баад̇убхааваа аббамаад̣̇авихаарий д̇взва сан̇кяам̣ г̇ажчад̇и. звам̣ ко, нанд̣̇ияа, арияасааваго аббамаад̣̇авихаарий ход̇ий’’д̇и. д̣̇асамам̣.
‘‘Puna caparaṃ, nandiya, ariyasāvako dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. So tehi ariyakantehi sīlehi asantuṭṭho uttari vāyamati divā pavivekāya rattiṃ paṭisallānāya . Tassa evaṃ appamattassa viharato pāmojjaṃ jāyati. Pamuditassa pīti jāyati. Pītimanassa kāyo passambhati. Passaddhakāyo sukhaṃ vediyati. Sukhino cittaṃ samādhiyati. Samāhite citte dhammā pātubhavanti. Dhammānaṃ pātubhāvā appamādavihārī tveva saṅkhyaṃ gacchati. Evaṃ kho, nandiya, ariyasāvako appamādavihārī hotī’’ti. Dasamaṃ.
бун̃н̃аабхисанд̣̇аваг̇г̇о жад̇уд̇т̇о.
Puññābhisandavaggo catuttho.
д̇ассуд̣̇д̣̇аанам̣ –
Tassuddānaṃ –
абхисанд̣̇аа д̇аяо вуд̇д̇аа, д̣̇увз д̣̇звабад̣̇аани жа;
Abhisandā tayo vuttā, duve devapadāni ca;
сабхааг̇ад̇ам̣ махаанаамо, вассам̣ гаал̣ий жа нанд̣̇ияаад̇и.
Sabhāgataṃ mahānāmo, vassaṃ kāḷī ca nandiyāti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. нанд̣̇ияасаггасуд̇д̇аван̣н̣анаа • 10. Nandiyasakkasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. нанд̣̇ияасаггасуд̇д̇аван̣н̣анаа • 10. Nandiyasakkasuttavaṇṇanā
