| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༧. ནནྡིཡསུཏྟཾ
7. Nandiyasuttaṃ
༡༠༤༣. ཀཔིལཝཏྠུནིདཱནཾ ། ཨེཀམནྟཾ ནིསིནྣཾ ཁོ ནནྡིཡཾ སཀྐཾ བྷགཝཱ ཨེཏདཝོཙ – ‘‘ཙཏཱུཧི ཁོ, ནནྡིཡ, དྷམྨེཧི སམནྣཱགཏོ ཨརིཡསཱཝཀོ སོཏཱཔནྣོ ཧོཏི ཨཝིནིཔཱཏདྷམྨོ ནིཡཏོ སམྦོདྷིཔརཱཡཎོ’’།
1043. Kapilavatthunidānaṃ . Ekamantaṃ nisinnaṃ kho nandiyaṃ sakkaṃ bhagavā etadavoca – ‘‘catūhi kho, nandiya, dhammehi samannāgato ariyasāvako sotāpanno hoti avinipātadhammo niyato sambodhiparāyaṇo’’.
‘‘ཀཏམེཧི ཙཏཱུཧི? ཨིདྷ, ནནྡིཡ, ཨརིཡསཱཝཀོ བུདྡྷེ ཨཝེཙྩཔྤསཱདེན སམནྣཱགཏོ ཧོཏི – ཨིཏིཔི སོ བྷགཝཱ…པེ॰… སཏྠཱ དེཝམནུསྶཱནཾ བུདྡྷོ བྷགཝཱཏི། དྷམྨེ…པེ॰… སངྒྷེ…པེ॰… ཨརིཡཀནྟེཧི སཱིལེཧི སམནྣཱགཏོ ཧོཏི ཨཁཎྜེཧི…པེ॰… སམཱདྷིསཾཝཏྟནིཀེཧི། ཨིམེཧི ཁོ, ནནྡིཡ, ཙཏཱུཧི དྷམྨེཧི སམནྣཱགཏོ ཨརིཡསཱཝཀོ སོཏཱཔནྣོ ཧོཏི ཨཝིནིཔཱཏདྷམྨོ ནིཡཏོ སམྦོདྷིཔརཱཡཎོ’’ཏི། སཏྟམཾ།
‘‘Katamehi catūhi? Idha, nandiya, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Imehi kho, nandiya, catūhi dhammehi samannāgato ariyasāvako sotāpanno hoti avinipātadhammo niyato sambodhiparāyaṇo’’ti. Sattamaṃ.
