| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[144] 4. нан̇г̇удтаж̇аад̇агаван̣н̣анаа
[144] 4. Naṅguṭṭhajātakavaṇṇanā
б̣ахумбзд̇ам̣ асаб̣бхи ж̇аад̇авзд̣̇аад̇и ид̣̇ам̣ сад̇т̇аа ж̇зд̇аванз вихаранд̇о ааж̇ийвагаанам̣ мижчаад̇абам̣ аараб̣бха гат̇зси. д̇ад̣̇аа гира ааж̇ийвагаа ж̇зд̇аванабидтияам̣ наанаббагаарам̣ мижчаад̇абам̣ жаранд̇и. самб̣ахулаа бхигкуу д̇зсам̣ уггудигаббад̇хаанаваг̇г̇уливад̇аган̣дагаабассаяабан̃жаад̇абад̇абанаад̣̇ибхзд̣̇ам̣ мижчаад̇абам̣ д̣̇исваа бхаг̇аванд̇ам̣ бужчим̣су ‘‘ад̇т̇и ну ко, бханд̇з, имам̣ мижчаад̇абам̣ ниссааяа гусалам̣ ваа вуд̣дхи ваа’’д̇и. сад̇т̇аа ‘‘на, бхигкавз, зваруубам̣ мижчаад̇абам̣ ниссааяа гусалам̣ ваа вуд̣дхи ваа ад̇т̇и, буб̣б̣з бан̣д̣ид̇аа ‘зваруубам̣ д̇абам̣ ниссааяа гусалам̣ ваа вуд̣дхи ваа бхависсад̇ий’д̇и сан̃н̃ааяа ж̇аад̇аг̇г̇им̣ г̇ахзд̇ваа аран̃н̃ам̣ бависид̇ваа аг̇г̇иж̇уханаад̣̇ивасзна гин̃жи вуд̣дхим̣ абассанд̇аа аг̇г̇им̣ уд̣̇агзна ниб̣б̣аабзд̇ваа гасин̣абаригаммам̣ гад̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа б̣рахмалогабарааяан̣аа ахзсу’’нд̇и вад̇ваа ад̇ийд̇ам̣ аахари.
Bahumpetaṃ asabbhi jātavedāti idaṃ satthā jetavane viharanto ājīvakānaṃ micchātapaṃ ārabbha kathesi. Tadā kira ājīvakā jetavanapiṭṭhiyaṃ nānappakāraṃ micchātapaṃ caranti. Sambahulā bhikkhū tesaṃ ukkuṭikappadhānavaggulivatakaṇṭakāpassayapañcātapatapanādibhedaṃ micchātapaṃ disvā bhagavantaṃ pucchiṃsu ‘‘atthi nu kho, bhante, imaṃ micchātapaṃ nissāya kusalaṃ vā vuḍḍhi vā’’ti. Satthā ‘‘na, bhikkhave, evarūpaṃ micchātapaṃ nissāya kusalaṃ vā vuḍḍhi vā atthi, pubbe paṇḍitā ‘evarūpaṃ tapaṃ nissāya kusalaṃ vā vuḍḍhi vā bhavissatī’ti saññāya jātaggiṃ gahetvā araññaṃ pavisitvā aggijuhanādivasena kiñci vuḍḍhiṃ apassantā aggiṃ udakena nibbāpetvā kasiṇaparikammaṃ katvā abhiññā ca samāpattiyo ca nibbattetvā brahmalokaparāyaṇā ahesu’’nti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о уд̣̇ижжаб̣раахман̣агулз ниб̣б̣ад̇д̇и. д̇асса ж̇аад̇ад̣̇ивасз маад̇аабид̇аро ж̇аад̇аг̇г̇им̣ г̇ахзд̇ваа табзсум̣. ат̇а нам̣ сол̣асавассагаалз зд̇ад̣̇авожум̣ ‘‘маяам̣ д̇з, буд̇д̇а, ж̇аад̇ад̣̇ивасз аг̇г̇им̣ г̇ан̣химха. сажзси аг̇аарам̣ аж̇жхаавасид̇угаамо, д̇аяо взд̣̇з уг̇г̇ан̣ха. ат̇а б̣рахмалогам̣ г̇анд̇угаамо, аг̇г̇им̣ г̇ахзд̇ваа аран̃н̃ам̣ бависид̇ваа аг̇г̇им̣ барижаранд̇о махааб̣рахмаанам̣ аараад̇хзд̇ваа б̣рахмалогабарааяан̣о хохий’’д̇и. со ‘‘на маяхам̣ аг̇аарзна ад̇т̇о’’д̇и аг̇г̇им̣ г̇ахзд̇ваа аран̃н̃ам̣ бависид̇ваа ассамабад̣̇ам̣ маабзд̇ваа аг̇г̇им̣ барижаранд̇о аран̃н̃з вихааси. со згад̣̇ивасам̣ бажжанд̇аг̇аамагз г̇од̣̇агкин̣ам̣ лабхид̇ваа д̇ам̣ г̇он̣ам̣ ассамабад̣̇ам̣ нзд̇ваа жинд̇зси ‘‘аг̇г̇ибхаг̇аванд̇ам̣ г̇омам̣сам̣ каад̣̇аабзссаамий’’д̇и. ат̇асса зд̇ад̣̇ахоси ‘‘ид̇ха лон̣ам̣ над̇т̇и, аг̇г̇ибхаг̇аваа алон̣ам̣ каад̣̇ид̇ум̣ на сагкиссад̇и, г̇аамад̇о лон̣ам̣ аахарид̇ваа аг̇г̇ибхаг̇аванд̇ам̣ салон̣агам̣ каад̣̇аабзссаамий’’д̇и. со д̇ам̣ д̇ад̇т̇зва б̣анд̇хид̇ваа лон̣ад̇т̇ааяа г̇аамагам̣ аг̇амааси. д̇асмим̣ г̇ад̇з самб̣ахулаа луд̣̇д̣̇агаа д̇ам̣ таанам̣ ааг̇ад̇аа. г̇он̣ам̣ д̣̇исваа вад̇хид̇ваа мам̣сам̣ бажид̇ваа каад̣̇ид̇ваа нан̇г̇удтан̃жа ж̇ан̇гхан̃жа жамман̃жа д̇ад̇т̇зва чад̣д̣зд̇ваа авасзсамам̣сам̣ аад̣̇ааяа аг̇амам̣су.
Atīte bārāṇasiyaṃ brahmadatte rajjaṃ kārente bodhisatto udiccabrāhmaṇakule nibbatti. Tassa jātadivase mātāpitaro jātaggiṃ gahetvā ṭhapesuṃ. Atha naṃ soḷasavassakāle etadavocuṃ ‘‘mayaṃ te, putta, jātadivase aggiṃ gaṇhimha. Sacesi agāraṃ ajjhāvasitukāmo, tayo vede uggaṇha. Atha brahmalokaṃ gantukāmo, aggiṃ gahetvā araññaṃ pavisitvā aggiṃ paricaranto mahābrahmānaṃ ārādhetvā brahmalokaparāyaṇo hohī’’ti. So ‘‘na mayhaṃ agārena attho’’ti aggiṃ gahetvā araññaṃ pavisitvā assamapadaṃ māpetvā aggiṃ paricaranto araññe vihāsi. So ekadivasaṃ paccantagāmake godakkhiṇaṃ labhitvā taṃ goṇaṃ assamapadaṃ netvā cintesi ‘‘aggibhagavantaṃ gomaṃsaṃ khādāpessāmī’’ti. Athassa etadahosi ‘‘idha loṇaṃ natthi, aggibhagavā aloṇaṃ khādituṃ na sakkhissati, gāmato loṇaṃ āharitvā aggibhagavantaṃ saloṇakaṃ khādāpessāmī’’ti. So taṃ tattheva bandhitvā loṇatthāya gāmakaṃ agamāsi. Tasmiṃ gate sambahulā luddakā taṃ ṭhānaṃ āgatā. Goṇaṃ disvā vadhitvā maṃsaṃ pacitvā khāditvā naṅguṭṭhañca jaṅghañca cammañca tattheva chaḍḍetvā avasesamaṃsaṃ ādāya agamaṃsu.
б̣раахман̣о ааг̇анд̇ваа нан̇г̇удтаад̣̇имад̇д̇амзва д̣̇исваа жинд̇зси ‘‘аяам̣ аг̇г̇ибхаг̇аваа ад̇д̇ано санд̇агамби рагкид̇ум̣ на саггод̇и, мам̣ бана гад̣̇аа рагкиссад̇и. иминаа аг̇г̇ибарижаран̣зна нирад̇т̇агзна бхавид̇аб̣б̣ам̣, над̇т̇и ид̇онид̣̇аанам̣ гусалам̣ ваа вуд̣дхи ваа’’д̇и. со аг̇г̇ибарижарияааяа виг̇ад̇ажчанд̣̇о ‘‘хамбхо аг̇г̇ибхаг̇аваа, д̇вам̣ ад̇д̇аноби санд̇агам̣ рагкид̇ум̣ асаггонд̇о мам̣ гад̣̇аа рагкиссаси, мам̣сам̣ над̇т̇и, зд̇д̇агзнаби д̇уссаахий’’д̇и нан̇г̇удтаад̣̇ийни аг̇г̇имхи багкибанд̇о имам̣ г̇аат̇амааха –
Brāhmaṇo āgantvā naṅguṭṭhādimattameva disvā cintesi ‘‘ayaṃ aggibhagavā attano santakampi rakkhituṃ na sakkoti, maṃ pana kadā rakkhissati. Iminā aggiparicaraṇena niratthakena bhavitabbaṃ, natthi itonidānaṃ kusalaṃ vā vuḍḍhi vā’’ti. So aggiparicariyāya vigatacchando ‘‘hambho aggibhagavā, tvaṃ attanopi santakaṃ rakkhituṃ asakkonto maṃ kadā rakkhissasi, maṃsaṃ natthi, ettakenapi tussāhī’’ti naṅguṭṭhādīni aggimhi pakkhipanto imaṃ gāthamāha –
144.
144.
‘‘б̣ахумбзд̇ам̣ асаб̣бхи ж̇аад̇авзд̣̇а, яам̣ д̇ам̣ ваалад̇хинаабхибууж̇аяаама;
‘‘Bahumpetaṃ asabbhi jātaveda, yaṃ taṃ vāladhinābhipūjayāma;
мам̣саарахасса над̇т̇аж̇ж̇а мам̣сам̣, нан̇г̇удтамби бхавам̣ бадиг̇г̇ахаад̇уу’’д̇и.
Maṃsārahassa natthajja maṃsaṃ, naṅguṭṭhampi bhavaṃ paṭiggahātū’’ti.
д̇ад̇т̇а б̣ахумбзд̇анд̇и зд̇д̇агамби б̣ахум̣. асаб̣бхийд̇и асаббуриса асаад̇хуж̇аад̇ига. ж̇аад̇авзд̣̇аад̇и аг̇г̇им̣ аалабад̇и. аг̇г̇и хи ж̇аад̇амад̇д̇ова взд̣̇ияад̇и бан̃н̃ааяад̇и баагадо ход̇и, д̇асмаа ‘‘ж̇аад̇авзд̣̇о’’д̇и вужжад̇и. яам̣ д̇ам̣ ваалад̇хинаабхибууж̇аяаамаад̇и яам̣ аж̇ж̇а маяам̣ ад̇д̇аноби санд̇агам̣ рагкид̇ум̣ асамад̇т̇ам̣ бхаг̇аванд̇ам̣ ваалад̇хинаа абхибууж̇аяаама, зд̇амби д̇ава б̣ахумзваад̇и д̣̇ассзд̇и. мам̣саарахассаад̇и мам̣сам̣ арахасса д̇уяхам̣ над̇т̇и аж̇ж̇а мам̣сам̣. нан̇г̇удтамби бхавам̣ бадиг̇г̇ахаад̇ууд̇и ад̇д̇ано санд̇агам̣ рагкид̇ум̣ асаггонд̇о бхавам̣ имам̣ саж̇ан̇гхажаммам̣ нан̇г̇удтамби бадиг̇г̇ан̣хаад̇ууд̇и.
Tattha bahumpetanti ettakampi bahuṃ. Asabbhīti asappurisa asādhujātika. Jātavedāti aggiṃ ālapati. Aggi hi jātamattova vediyati paññāyati pākaṭo hoti, tasmā ‘‘jātavedo’’ti vuccati. Yaṃ taṃ vāladhinābhipūjayāmāti yaṃ ajja mayaṃ attanopi santakaṃ rakkhituṃ asamatthaṃ bhagavantaṃ vāladhinā abhipūjayāma, etampi tava bahumevāti dasseti. Maṃsārahassāti maṃsaṃ arahassa tuyhaṃ natthi ajja maṃsaṃ. Naṅguṭṭhampi bhavaṃ paṭiggahātūti attano santakaṃ rakkhituṃ asakkonto bhavaṃ imaṃ sajaṅghacammaṃ naṅguṭṭhampi paṭiggaṇhātūti.
звам̣ вад̇ваа махаасад̇д̇о аг̇г̇им̣ уд̣̇агзна ниб̣б̣аабзд̇ваа исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа б̣рахмалогабарааяан̣о ахоси.
Evaṃ vatvā mahāsatto aggiṃ udakena nibbāpetvā isipabbajjaṃ pabbajitvā abhiññā ca samāpattiyo ca nibbattetvā brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘ниб̣б̣уд̇аг̇г̇ид̇аабасо ахамзва д̇зна самаязнаа’’д̇и.
Satthā imaṃ dhammadesanaṃ āharitvā jātakaṃ samodhānesi – ‘‘nibbutaggitāpaso ahameva tena samayenā’’ti.
нан̇г̇удтаж̇аад̇агаван̣н̣анаа жад̇уд̇т̇аа.
Naṅguṭṭhajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 144. нан̇г̇удтаж̇аад̇агам̣ • 144. Naṅguṭṭhajātakaṃ
