| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
наббадиббассамбханаваг̇г̇аван̣н̣анаа
Nappaṭippassambhanavaggavaṇṇanā
420. аяанд̇и гаммагад̇о бхигку, на вад̇д̇ад̇ийд̇и самб̣анд̇хо. ануломавад̇д̇зд̇и гад̇агаммасса ануломз вад̇д̇з. ассаад̇и бхигкусса. сараж̇ж̇угод̇и саха гаммасан̇каад̇ааяа раж̇ж̇уяаад̇и сараж̇ж̇уго.
420.Ayanti kammakato bhikkhu, na vattatīti sambandho. Anulomavatteti katakammassa anulome vatte. Assāti bhikkhussa. Sarajjukoti saha kammasaṅkhātāya rajjuyāti sarajjuko.
421. самаг̇г̇зхи бхигкуухийд̇и самб̣анд̇хо. хийд̇и сажжам̣. ажжаяам̣ д̣̇зсаабзд̇ваад̇и ан̃н̃аман̃н̃ам̣ д̣̇осам̣ д̣̇зсаабзд̇ваа. д̇ин̣авад̇т̇аарагасамат̇ам̣ ваад̇и ваасад̣̇д̣̇о ад̇т̇анд̇аравигаббо. д̇ад̇ра жзд̇и зд̇т̇а д̇асад̣̇д̣̇о гаммависаяо, жзсад̣̇д̣̇о сажзбарияааяод̇и ааха ‘‘сажз д̇аад̣̇исз гаммз’’д̇и. д̣̇идтаавигаммамби гад̇ваад̇и д̣̇идтаавигаммам̣ гад̇ваабийд̇и яож̇анаа. бисад̣̇д̣̇зна агад̇ваабийд̇и самбин̣д̣зд̇и. яад̇ра банаад̇и гаммз бана. д̇ад̇т̇аад̇и гаммз. баггамид̇аб̣б̣анд̇и сан̇г̇аамааважарзна баггамид̇аб̣б̣ам̣.
421. Samaggehi bhikkhūhīti sambandho. Hīti saccaṃ. Accayaṃ desāpetvāti aññamaññaṃ dosaṃ desāpetvā. Tiṇavatthārakasamathaṃ vāti vāsaddo atthantaravikappo. Tatra ceti ettha tasaddo kammavisayo, cesaddo sacepariyāyoti āha ‘‘sace tādise kamme’’ti. Diṭṭhāvikammampi katvāti diṭṭhāvikammaṃ katvāpīti yojanā. Pisaddena akatvāpīti sampiṇḍeti. Yatra panāti kamme pana. Tatthāti kamme. Pakkamitabbanti saṅgāmāvacarena pakkamitabbaṃ.
422. уссид̇аманд̇ийд̇и зд̇т̇а уссид̇ам̣ манд̇ий уссид̇аманд̇ийд̇и д̣̇ассзнд̇о ааха ‘‘лобха…бз… бхаасид̇аа’’д̇и. д̇ад̇т̇а ‘‘лобхад̣̇оса мохамаануссаннам̣ ваажа’’нд̇и иминаа уссид̇абад̣̇асса ад̇т̇ам̣ д̣̇ассзд̇и. ‘‘бхаасид̇аа’’д̇и иминаа ‘‘манд̇ий’’д̇и бад̣̇асса ад̇т̇ам̣ д̣̇ассзд̇и. ниссид̇аж̇аббийд̇и зд̇т̇а ан̃н̃аниссид̇ам̣ ж̇аббамзд̇ассаад̇и ниссид̇аж̇аббийд̇и д̣̇ассзнд̇о ааха ‘‘ад̇д̇ано’’д̇иаад̣̇и. зд̇т̇а ж̇аббанд̇и важанам̣. ж̇абба важанзд̇и хи д̇хаад̇убаатзсу вуд̇д̇ам̣. уссад̣̇аяуд̇д̇анд̇и лобхаад̣̇иуссад̣̇аяуд̇д̇ам̣, важананд̇и самб̣анд̇хо. зваман̃н̃анд̇и звам̣ ад̇д̇анаа ан̃н̃ам̣. гат̇аанусанд̇хиважанзд̇и жод̣̇агажуд̣̇ид̇агаанам̣ гат̇ааяа анусанд̇хиважанз. зд̇т̇а ‘‘важанз’’д̇и иминаа ‘‘бхаасаанусанд̇хий’’д̇и зд̇т̇а бхаасасад̣̇д̣̇о важанабарияааяод̇и д̣̇ассзд̇и.
422.Ussitamantīti ettha ussitaṃ mantī ussitamantīti dassento āha ‘‘lobha…pe… bhāsitā’’ti. Tattha ‘‘lobhadosa mohamānussannaṃ vāca’’nti iminā ussitapadassa atthaṃ dasseti. ‘‘Bhāsitā’’ti iminā ‘‘mantī’’ti padassa atthaṃ dasseti. Nissitajappīti ettha aññanissitaṃ jappametassāti nissitajappīti dassento āha ‘‘attano’’tiādi. Ettha jappanti vacanaṃ. Jappa vacaneti hi dhātupāṭhesu vuttaṃ. Ussadayuttanti lobhādiussadayuttaṃ, vacananti sambandho. Evamaññanti evaṃ attanā aññaṃ. Kathānusandhivacaneti codakacuditakānaṃ kathāya anusandhivacane. Ettha ‘‘vacane’’ti iminā ‘‘bhāsānusandhī’’ti ettha bhāsasaddo vacanapariyāyoti dasseti.
уссаарзд̇ийд̇и уд̣̇д̇хам̣ г̇амаабзд̇и. иминаа уссаад̣̇зд̇и убари г̇амаабзд̇ийд̇и уссаад̣̇зд̇аад̇и важанад̇т̇ам̣ д̣̇ассзд̇и. зд̇т̇а хи д̣̇агаарарагаараа сад̣̇исад̇т̇аа . д̇з хи д̣̇вз агкараа гад̣̇аажи гад̇т̇ажи сад̣̇исад̇т̇аа хонд̇и. авасаарзд̇ийд̇и хийнабхаавам̣ г̇амаабзд̇и. иминаа авасаад̣̇зд̇и ад̇хобхаавам̣ г̇амаабзд̇ийд̇и авасаад̣̇зд̇аад̇и важанад̇т̇ам̣ д̣̇ассзд̇и. ‘‘абасаад̣̇зд̇аа’’д̇иби баато, убасаг̇г̇амад̇д̇амзва наанам̣. сампан̃жа б̣ахум̣ бхаасад̇ийд̇и зд̇т̇а сампасад̣̇д̣̇о нирад̇т̇агагат̇ааважанод̇и ааха ‘‘нирад̇т̇агагат̇а’’нд̇и. нирад̇т̇агагат̇аа хи яасмаа сам̣ хид̇асукам̣ палад̇и винаасзд̇и, д̇асмаа сампанд̇и вужжад̇и. паа д̇хаад̇ууд̇и жа палад̇хаад̇ууд̇и жа д̇хаад̇убаатзсу (сад̣̇д̣̇анийд̇ид̇хаад̇умаалааяам̣ 16 лагааранд̇ад̇хаад̇у) вуд̇д̇ам̣.
Ussāretīti uddhaṃ gamāpeti. Iminā ussādeti upari gamāpetīti ussādetāti vacanatthaṃ dasseti. Ettha hi dakārarakārā sadisatthā . Te hi dve akkharā kadāci katthaci sadisatthā honti. Avasāretīti hīnabhāvaṃ gamāpeti. Iminā avasādeti adhobhāvaṃ gamāpetīti avasādetāti vacanatthaṃ dasseti. ‘‘Apasādetā’’tipi pāṭho, upasaggamattameva nānaṃ. Samphañca bahuṃ bhāsatīti ettha samphasaddo niratthakakathāvacanoti āha ‘‘niratthakakatha’’nti. Niratthakakathā hi yasmā saṃ hitasukhaṃ phalati vināseti, tasmā samphanti vuccati. Phā dhātūti ca phaladhātūti ca dhātupāṭhesu (saddanītidhātumālāyaṃ 16 lakārantadhātu) vuttaṃ.
бхаарз анааробид̇зд̇и ‘‘д̇ава бхааро’’д̇и сан̇гхзна бхаарз анааробид̇з. аж̇жход̇т̇арид̇ваад̇и абхибхавид̇ваа . иминаа басаяха бавад̇д̇аад̇и зд̇т̇а басаяхасад̣̇д̣̇асса абхибхаванад̇т̇ам̣ д̣̇ассзд̇и. анад̇хигаарзд̇и анад̇хибажжадтаанз. ‘‘гат̇зд̇аа’’д̇и иминаа вад̇уд̇хаад̇уяаа гат̇анад̇т̇ам̣ д̣̇ассзд̇и. аногаасагаммам̣ гаарзд̇ваад̇и зд̇т̇а нагаарасса аяуд̇д̇аяог̇абхаавад̇о яуд̇д̇адтаанам̣ д̣̇ассзнд̇о ааха ‘‘огаасагаммам̣ агаарзд̇ваа’’д̇и. яассаад̇и яаа асса. асса бхигкуно ад̇д̇ано яаа д̣̇идти ад̇т̇ийд̇и яож̇анаа, ат̇аваа ад̇д̇ано яаа д̣̇идти бхавзяяаад̇и яож̇анаа. д̇анд̇и д̣̇идтим̣. ‘‘гат̇зд̇аа’’д̇и иминаа б̣яаагад̇аад̇и зд̇т̇а ви аа буб̣б̣агарад̇хаад̇уяаа гат̇анад̇т̇ам̣ д̣̇ассзд̇и.
Bhāre anāropiteti ‘‘tava bhāro’’ti saṅghena bhāre anāropite. Ajjhottharitvāti abhibhavitvā . Iminā pasayha pavattāti ettha pasayhasaddassa abhibhavanatthaṃ dasseti. Anadhikāreti anadhipaccaṭṭhāne. ‘‘Kathetā’’ti iminā vatudhātuyā kathanatthaṃ dasseti. Anokāsakammaṃ kāretvāti ettha nakārassa ayuttayogabhāvato yuttaṭṭhānaṃ dassento āha ‘‘okāsakammaṃ akāretvā’’ti. Yassāti yā assa. Assa bhikkhuno attano yā diṭṭhi atthīti yojanā, athavā attano yā diṭṭhi bhaveyyāti yojanā. Tanti diṭṭhiṃ. ‘‘Kathetā’’ti iminā byākatāti ettha vi ā pubbakaradhātuyā kathanatthaṃ dasseti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 2. наббадиббассамбханаваг̇г̇о • 2. Nappaṭippassambhanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / наббадиббассамбханаваг̇г̇аван̣н̣анаа • Nappaṭippassambhanavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убаалибан̃жагаван̣н̣анаа • Upālipañcakavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / наббадиббассамбханаваг̇г̇аван̣н̣анаа • Nappaṭippassambhanavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / наббадиббассамбханаваг̇г̇аван̣н̣анаа • Nappaṭippassambhanavaggavaṇṇanā
