| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
сан̇г̇ахаваг̇г̇о
Saṅgahavaggo
убаалибан̃жагам̣
Upālipañcakaṃ
наббадиббассамбханаваг̇г̇аван̣н̣анаа
Nappaṭippassambhanavaggavaṇṇanā
421. самаг̇г̇зхи гаран̣ийяаанийд̇и виваад̣̇аад̇хигаран̣зхи буб̣б̣з асамаг̇г̇аа худ̇ваа бажчаа саамаг̇г̇им̣ убаг̇ад̇зхи гад̇д̇аб̣б̣аани. гим̣ бана асан̃н̃ад̇амиссабарисааяа сад̣̇д̇хим̣ лаж̇ж̇ино саамаг̇г̇им̣ гаронд̇ийд̇и ааха ‘‘убосат̇абавааран̣аад̣̇ийсу хий’’д̇иаад̣̇и. д̇ад̇т̇а тид̇аасууд̇и убосат̇абавааран̣аасу аббавад̇д̇ийсу. убад̇т̇амбхо на д̣̇аад̇аб̣б̣од̇и убаруубари аббавад̇д̇анад̇т̇ааяа маяамби убосат̇ам̣ на гариссаамаад̇иаад̣̇инаа галахасса убад̇т̇амбхо на д̣̇аад̇аб̣б̣о, д̇хаммзна винаязна саамаг̇г̇им̣ гад̇ваа самаг̇г̇зхзва асан̃н̃ад̇аа бхигкуу винзд̇аб̣б̣аад̇и ад̇хиббааяо. д̇знааха ‘‘сажз сан̇гхо ажжаяам̣ д̣̇зсаабзд̇ваа’’д̇иаад̣̇и. бхигкуно нагкамад̇ийд̇и гзсужи буг̇г̇алзсу аббамад̇д̇агад̣̇осад̣̇ассанзна на ружжад̇и. д̣̇идтаавигаммамби гад̇ваад̇и ‘‘на мзд̇ам̣ камад̇ий’’д̇и сабхааг̇асса бхигкуно ад̇д̇ано д̣̇идтим̣ аавигад̇ваа. убзд̇аб̣б̣аад̇и саасанахаанияаа абхааваа саамаг̇г̇им̣ агобзд̇ваа гааяасаамаг̇г̇ий д̣̇аад̇аб̣б̣аа, ийд̣̇исз таанз алаж̇ж̇ибарибхог̇о аабад̇д̇игаро на ход̇и, ваддад̇иязва. яз бана саасанавинаасааяа бадибаннаа, д̇зхи саха на вад̇д̇ад̇и, аабад̇д̇и зва ход̇и саасанавинаасо жа. д̇знааха ‘‘яад̇ра бана уд̣̇д̇хамма’’нд̇иаад̣̇и. ‘‘д̣̇идтаавигаммам̣ на ваддад̇ий’’д̇и иминаа д̣̇идтияаа аавигад̇ааяаби аабад̇д̇им̣ д̣̇ассзд̇и.
421.Samaggehikaraṇīyānīti vivādādhikaraṇehi pubbe asamaggā hutvā pacchā sāmaggiṃ upagatehi kattabbāni. Kiṃ pana asaññatamissaparisāya saddhiṃ lajjino sāmaggiṃ karontīti āha ‘‘uposathapavāraṇādīsu hī’’tiādi. Tattha ṭhitāsūti uposathapavāraṇāsu appavattīsu. Upatthambho na dātabboti uparūpari appavattanatthāya mayampi uposathaṃ na karissāmātiādinā kalahassa upatthambho na dātabbo, dhammena vinayena sāmaggiṃ katvā samaggeheva asaññatā bhikkhū vinetabbāti adhippāyo. Tenāha ‘‘sace saṅgho accayaṃ desāpetvā’’tiādi. Bhikkhuno nakkhamatīti kesuci puggalesu appamattakadosadassanena na ruccati. Diṭṭhāvikammampi katvāti ‘‘na metaṃ khamatī’’ti sabhāgassa bhikkhuno attano diṭṭhiṃ āvikatvā. Upetabbāti sāsanahāniyā abhāvā sāmaggiṃ akopetvā kāyasāmaggī dātabbā, īdise ṭhāne alajjiparibhogo āpattikaro na hoti, vaṭṭatiyeva. Ye pana sāsanavināsāya paṭipannā, tehi saha na vattati, āpatti eva hoti sāsanavināso ca. Tenāha ‘‘yatra pana uddhamma’’ntiādi. ‘‘Diṭṭhāvikammaṃ na vaṭṭatī’’ti iminā diṭṭhiyā āvikatāyapi āpattiṃ dasseti.
422. ган̣хаваажод̇и рааг̇ад̣̇осаад̣̇ийхи гилидтаважано. анад̇т̇агаважанасса д̣̇ийбанам̣ багаасанам̣ ассаад̇и анад̇т̇агад̣̇ийбано. маанам̣ ниссааяаад̇и винижчаяагаран̣ам̣ д̇ава бхаарод̇и сан̇гхзна бхаарз агад̇зби ‘‘ахамзвзд̇т̇а вохарид̇ум̣ арахаруубо’’д̇и маанам̣ ниссааяа. яат̇аад̣̇идтияаад̇и ануруубалад̣̇д̇хияаа. яасса хи ад̇т̇асса яаад̣̇исий д̣̇идти ануруубаа, д̇ам̣ г̇ахзд̇ваа на б̣яаагад̇аад̇и ад̇т̇о .асса ад̇д̇анод̇и ад̇хаммаад̣̇иад̇т̇ам̣ санд̇хааяа вад̣̇ад̇и, на буг̇г̇алам̣, асса ад̇хаммаад̣̇иад̇т̇асан̇каад̇асса ад̇д̇ано саруубасса яаа ануруубаа д̣̇идтийд̇и ад̇т̇о. лад̣̇д̇хим̣ нигкибид̇ваад̇и ануруубалад̣̇д̇хим̣ чад̣д̣зд̇ваа, аг̇г̇ахзд̇ваад̇и ад̇т̇о. д̇знааха ‘‘ад̇хаммаад̣̇ийсу д̇хаммаад̣̇илад̣̇д̇хиго худ̇ваа’’д̇и. ат̇а ваа ад̇д̇ано лад̣̇д̇хим̣ ниг̇уухид̇ваа буг̇г̇алаануг̇ун̣ам̣ д̇ат̇аа б̣яаагаронд̇о на яат̇аад̣̇идтияаа б̣яаагад̇аа наама. имасмим̣ багкз ад̇хаммаад̣̇ийсу д̇хаммаад̣̇илад̣̇д̇хиго худ̇ваад̇и зд̇т̇а ад̇хаммаад̣̇ийсу д̇хаммаад̣̇илад̣̇д̇хиго вияа худ̇ваад̇и ад̇т̇о г̇ахзд̇аб̣б̣о.
422.Kaṇhavācoti rāgadosādīhi kiliṭṭhavacano. Anatthakavacanassa dīpanaṃ pakāsanaṃ assāti anatthakadīpano. Mānaṃ nissāyāti vinicchayakaraṇaṃ tava bhāroti saṅghena bhāre akatepi ‘‘ahamevettha voharituṃ araharūpo’’ti mānaṃ nissāya. Yathādiṭṭhiyāti anurūpaladdhiyā. Yassa hi atthassa yādisī diṭṭhi anurūpā, taṃ gahetvā na byākatāti attho .Assa attanoti adhammādiatthaṃ sandhāya vadati, na puggalaṃ, assa adhammādiatthasaṅkhātassa attano sarūpassa yā anurūpā diṭṭhīti attho. Laddhiṃ nikkhipitvāti anurūpaladdhiṃ chaḍḍetvā, aggahetvāti attho. Tenāha ‘‘adhammādīsu dhammādiladdhiko hutvā’’ti. Atha vā attano laddhiṃ nigūhitvā puggalānuguṇaṃ tathā byākaronto na yathādiṭṭhiyā byākatā nāma. Imasmiṃ pakkhe adhammādīsu dhammādiladdhiko hutvāti ettha adhammādīsu dhammādiladdhiko viya hutvāti attho gahetabbo.
наббадиббассамбханаваг̇г̇аван̣н̣анаа нидтид̇аа.
Nappaṭippassambhanavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 2. наббадиббассамбханаваг̇г̇о • 2. Nappaṭippassambhanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / наббадиббассамбханаваг̇г̇аван̣н̣анаа • Nappaṭippassambhanavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убаалибан̃жагаван̣н̣анаа • Upālipañcakavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / наббадиббассамбханаваг̇г̇аван̣н̣анаа • Nappaṭippassambhanavaggavaṇṇanā
