| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
2. наббадиббассамбханаваг̇г̇о
2. Nappaṭippassambhanavaggo
420. ‘‘гад̇ихи ну ко, бханд̇з, ан̇г̇зхи саманнааг̇ад̇асса бхигкуно гаммам̣ наббадиббассамбхзд̇аб̣б̣а’’нд̇и?
420. ‘‘Katihi nu kho, bhante, aṅgehi samannāgatassa bhikkhuno kammaṃ nappaṭippassambhetabba’’nti?
‘‘бан̃жахубаали, ан̇г̇зхи саманнааг̇ад̇асса бхигкуно гаммам̣ наббадиббассамбхзд̇аб̣б̣ам̣. гад̇амзхи бан̃жахи ? аабад̇д̇им̣ аабанно гаммагад̇о убасамбаад̣̇зд̇и, ниссаяам̣ д̣̇зд̇и, сааман̣зрам̣ убадтаабзд̇и, бхигкуноваад̣̇агасаммуд̇им̣ саад̣̇ияад̇и, саммад̇оби бхигкунияо овад̣̇ад̇и – имзхи ко, убаали, бан̃жахан̇г̇зхи саманнааг̇ад̇асса бхигкуно гаммам̣ наббадиббассамбхзд̇аб̣б̣ам̣.
‘‘Pañcahupāli, aṅgehi samannāgatassa bhikkhuno kammaṃ nappaṭippassambhetabbaṃ. Katamehi pañcahi ? Āpattiṃ āpanno kammakato upasampādeti, nissayaṃ deti, sāmaṇeraṃ upaṭṭhāpeti, bhikkhunovādakasammutiṃ sādiyati, sammatopi bhikkhuniyo ovadati – imehi kho, upāli, pañcahaṅgehi samannāgatassa bhikkhuno kammaṃ nappaṭippassambhetabbaṃ.
1 ‘‘абарзхиби, убаали, бан̃жахан̇г̇зхи саманнааг̇ад̇асса бхигкуно гаммам̣ наббадиббассамбхзд̇аб̣б̣ам̣. гад̇амзхи бан̃жахи? яааяа аабад̇д̇ияаа сан̇гхзна гаммам̣ гад̇ам̣ ход̇и д̇ам̣ аабад̇д̇им̣ аабаж̇ж̇ад̇и, ан̃н̃ам̣ ваа д̇аад̣̇исигам̣, д̇ад̇о ваа баабидтад̇арам̣, гаммам̣ г̇арахад̇и, гаммигз г̇арахад̇и – имзхи ко, убаали, бан̃жахан̇г̇зхи саманнааг̇ад̇асса бхигкуно гаммам̣ наббадиббассамбхзд̇аб̣б̣ам̣.
2 ‘‘Aparehipi, upāli, pañcahaṅgehi samannāgatassa bhikkhuno kammaṃ nappaṭippassambhetabbaṃ. Katamehi pañcahi? Yāya āpattiyā saṅghena kammaṃ kataṃ hoti taṃ āpattiṃ āpajjati, aññaṃ vā tādisikaṃ, tato vā pāpiṭṭhataraṃ, kammaṃ garahati, kammike garahati – imehi kho, upāli, pañcahaṅgehi samannāgatassa bhikkhuno kammaṃ nappaṭippassambhetabbaṃ.
‘‘абарзхиби, убаали, бан̃жахан̇г̇зхи саманнааг̇ад̇асса бхигкуно гаммам̣ наббадиббассамбхзд̇аб̣б̣ам̣. гад̇амзхи бан̃жахи? б̣уд̣̇д̇хасса аван̣н̣ам̣ бхаасад̇и, д̇хаммасса аван̣н̣ам̣ бхаасад̇и, сан̇гхасса аван̣н̣ам̣ бхаасад̇и, мижчаад̣̇идтиго жа ход̇и, ааж̇ийвавибанно жа – имзхи ко, убаали, бан̃жахан̇г̇зхи саманнааг̇ад̇асса бхигкуно гаммам̣ наббадиббассамбхзд̇аб̣б̣ам̣.
‘‘Aparehipi, upāli, pañcahaṅgehi samannāgatassa bhikkhuno kammaṃ nappaṭippassambhetabbaṃ. Katamehi pañcahi? Buddhassa avaṇṇaṃ bhāsati, dhammassa avaṇṇaṃ bhāsati, saṅghassa avaṇṇaṃ bhāsati, micchādiṭṭhiko ca hoti, ājīvavipanno ca – imehi kho, upāli, pañcahaṅgehi samannāgatassa bhikkhuno kammaṃ nappaṭippassambhetabbaṃ.
‘‘абарзхиби, убаали, бан̃жахан̇г̇зхи саманнааг̇ад̇асса бхигкуно гаммам̣ наббадиббассамбхзд̇аб̣б̣ам̣. гад̇амзхи бан̃жахи? алаж̇ж̇ий жа ход̇и, б̣аало жа, абагад̇ад̇д̇о жа, омад̣̇д̣̇агаараго жа ход̇и, вад̇д̇зсу сигкааяа жа на барибуурагаарий – имзхи ко, убаали, бан̃жахан̇г̇зхи саманнааг̇ад̇асса бхигкуно гаммам̣ наббадиббассамбхзд̇аб̣б̣а’’нд̇и.
‘‘Aparehipi, upāli, pañcahaṅgehi samannāgatassa bhikkhuno kammaṃ nappaṭippassambhetabbaṃ. Katamehi pañcahi? Alajjī ca hoti, bālo ca, apakatatto ca, omaddakārako ca hoti, vattesu sikkhāya ca na paripūrakārī – imehi kho, upāli, pañcahaṅgehi samannāgatassa bhikkhuno kammaṃ nappaṭippassambhetabba’’nti.
421. ‘‘сан̇г̇аамааважарзна, бханд̇з, бхигкунаа сан̇гхам̣ убасан̇гаманд̇зна гад̇и д̇хаммз аж̇жхад̇д̇ам̣ убадтаабзд̇ваа сан̇гхо убасан̇гамид̇аб̣б̣о’’д̇и?
421. ‘‘Saṅgāmāvacarena, bhante, bhikkhunā saṅghaṃ upasaṅkamantena kati dhamme ajjhattaṃ upaṭṭhāpetvā saṅgho upasaṅkamitabbo’’ti?
3 ‘‘сан̇г̇аамааважарзна, убаали, бхигкунаа сан̇гхам̣ убасан̇гаманд̇зна бан̃жа д̇хаммз аж̇жхад̇д̇ам̣ убадтаабзд̇ваа сан̇гхо убасан̇гамид̇аб̣б̣о. гад̇амз бан̃жа? сан̇г̇аамааважарзна, убаали, бхигкунаа сан̇гхам̣ убасан̇гаманд̇зна нийжажид̇д̇зна сан̇гхо убасан̇гамид̇аб̣б̣о, раж̇охаран̣асамзна жид̇д̇зна, аасанагусалзна бхавид̇аб̣б̣ам̣ ниссаж̇ж̇агусалзна, т̇зрз бхигкуу анубакаж̇ж̇анд̇зна, навз бхигкуу аасанзна аббадиб̣ааханд̇зна яат̇аабад̇ируубз аасанз нисийд̣̇ид̇аб̣б̣ам̣, анаанаагат̇игзна бхавид̇аб̣б̣ам̣ ад̇иражчаанагат̇игзна, саамам̣ ваа д̇хаммо бхаасид̇аб̣б̣о, баро ваа аж̇жхзсид̇аб̣б̣о, арияо ваа д̇ун̣хибхааво наад̇иман̃н̃ид̇аб̣б̣о, сажз, убаали, сан̇гхо самаг̇г̇агаран̣ийяаани гаммаани гарод̇и д̇ад̇ра жз, убаали, бхигкуно нагкамад̇и, аби д̣̇идтаавигаммам̣ гад̇ваа н̃аабзд̇аб̣б̣аа саамаг̇г̇ий. д̇ам̣ гиссахзд̇у? маахам̣ сан̇гхзна наанад̇д̇о ассанд̇и. сан̇г̇аамааважарзнубаали , бхигкунаа сан̇гхам̣ убасан̇гаманд̇зна имз бан̃жа д̇хаммз аж̇жхад̇д̇ам̣ убадтаабзд̇ваа сан̇гхо убасан̇гамид̇аб̣б̣о’’д̇и.
4 ‘‘Saṅgāmāvacarena, upāli, bhikkhunā saṅghaṃ upasaṅkamantena pañca dhamme ajjhattaṃ upaṭṭhāpetvā saṅgho upasaṅkamitabbo. Katame pañca? Saṅgāmāvacarena, upāli, bhikkhunā saṅghaṃ upasaṅkamantena nīcacittena saṅgho upasaṅkamitabbo, rajoharaṇasamena cittena, āsanakusalena bhavitabbaṃ nissajjakusalena, there bhikkhū anupakhajjantena, nave bhikkhū āsanena appaṭibāhantena yathāpatirūpe āsane nisīditabbaṃ, anānākathikena bhavitabbaṃ atiracchānakathikena, sāmaṃ vā dhammo bhāsitabbo, paro vā ajjhesitabbo, ariyo vā tuṇhibhāvo nātimaññitabbo, sace, upāli, saṅgho samaggakaraṇīyāni kammāni karoti tatra ce, upāli, bhikkhuno nakkhamati, api diṭṭhāvikammaṃ katvā ñāpetabbā sāmaggī. Taṃ kissahetu? Māhaṃ saṅghena nānatto assanti. Saṅgāmāvacarenupāli , bhikkhunā saṅghaṃ upasaṅkamantena ime pañca dhamme ajjhattaṃ upaṭṭhāpetvā saṅgho upasaṅkamitabbo’’ti.
422. ‘‘гад̇ихи ну ко, бханд̇з, ан̇г̇зхи саманнааг̇ад̇о бхигку сан̇гхз вохаранд̇о б̣ахуж̇анааганд̇о жа ход̇и б̣ахуж̇анааманаабо жа б̣ахуж̇анааружид̇о жаа’’д̇и?
422. ‘‘Katihi nu kho, bhante, aṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito cā’’ti?
‘‘бан̃жахубаали, ан̇г̇зхи саманнааг̇ад̇о бхигку сан̇гхз вохаранд̇о б̣ахуж̇анааганд̇о жа ход̇и б̣ахуж̇анааманаабо жа б̣ахуж̇анааружид̇о жа. гад̇амзхи бан̃жахи? уссид̇аманд̇ий жа ход̇и, ниссид̇аж̇аббий жа, на жа бхаасаанусанд̇хигусало ход̇и, на яат̇аад̇хаммз яат̇аавинаяз яат̇аабад̇д̇ияаа жод̣̇зд̇аа ход̇и, на яат̇аад̇хаммз яат̇аавинаяз яат̇аабад̇д̇ияаа гаарзд̇аа ход̇и – имзхи ко, убаали, бан̃жахан̇г̇зхи саманнааг̇ад̇о бхигку сан̇гхз вохаранд̇о б̣ахуж̇анааганд̇о жа ход̇и б̣ахуж̇анааманаабо жа б̣ахуж̇анааружид̇о жа. бан̃жахубаали, ан̇г̇зхи саманнааг̇ад̇о бхигку сан̇гхз вохаранд̇о б̣ахуж̇анаганд̇о жа ход̇и б̣ахуж̇анаманаабо жа б̣ахуж̇анааружид̇о жа. гад̇амзхи бан̃жахи? на уссид̇аманд̇ий жа ход̇и, на ниссид̇аж̇аббий жа, бхаасаанусанд̇хигусало жа ход̇и, яат̇аад̇хаммз яат̇аавинаяз яат̇аабад̇д̇ияаа жод̣̇зд̇аа ход̇и, яат̇аад̇хаммз яат̇аавинаяз яат̇аабад̇д̇ияаа гаарзд̇аа ход̇и – имзхи ко, убаали, бан̃жахан̇г̇зхи саманнааг̇ад̇о бхигку сан̇гхз вохаранд̇о б̣ахуж̇анаганд̇о жа ход̇и б̣ахуж̇анаманаабо жа б̣ахуж̇анаружид̇о жа.
‘‘Pañcahupāli, aṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito ca. Katamehi pañcahi? Ussitamantī ca hoti, nissitajappī ca, na ca bhāsānusandhikusalo hoti, na yathādhamme yathāvinaye yathāpattiyā codetā hoti, na yathādhamme yathāvinaye yathāpattiyā kāretā hoti – imehi kho, upāli, pañcahaṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito ca. Pañcahupāli, aṅgehi samannāgato bhikkhu saṅghe voharanto bahujanakanto ca hoti bahujanamanāpo ca bahujanaarucito ca. Katamehi pañcahi? Na ussitamantī ca hoti, na nissitajappī ca, bhāsānusandhikusalo ca hoti, yathādhamme yathāvinaye yathāpattiyā codetā hoti, yathādhamme yathāvinaye yathāpattiyā kāretā hoti – imehi kho, upāli, pañcahaṅgehi samannāgato bhikkhu saṅghe voharanto bahujanakanto ca hoti bahujanamanāpo ca bahujanarucito ca.
‘‘абарзхиби, убаали, бан̃жахан̇г̇зхи саманнааг̇ад̇о бхигку сан̇гхз вохаранд̇о б̣ахуж̇анааганд̇о жа ход̇и б̣ахуж̇анааманаабо жа б̣ахуж̇анааружид̇о жа. гад̇амзхи бан̃жахи? уссаад̣̇зд̇аа жа ход̇и, абасаад̣̇зд̇аа жа, ад̇хаммам̣ г̇ан̣хаад̇и, д̇хаммам̣ бадиб̣аахад̇и, сампан̃жа б̣ахум̣ бхаасад̇и – имзхи ко, убаали, бан̃жахан̇г̇зхи саманнааг̇ад̇о бхигку сан̇гхз вохаранд̇о б̣ахуж̇анааганд̇о жа ход̇и б̣ахуж̇анааманаабо жа б̣ахуж̇анааружид̇о жа. бан̃жахубаали, ан̇г̇зхи саманнааг̇ад̇о бхигку сан̇гхз вохаранд̇о б̣ахуж̇анаганд̇о жа ход̇и б̣ахуж̇анаманаабо жа б̣ахуж̇анаружид̇о жа. гад̇амзхи бан̃жахи? на уссаад̣̇зд̇аа жа ход̇и, на абасаад̣̇зд̇аа жа, д̇хаммам̣ г̇ан̣хаад̇и, ад̇хаммам̣ бадиб̣аахад̇и, сампан̃жа на б̣ахум̣ бхаасад̇и – имзхи ко, убаали, бан̃жахан̇г̇зхи саманнааг̇ад̇о бхигку сан̇гхз вохаранд̇о б̣ахуж̇анаганд̇о жа ход̇и б̣ахуж̇анаманаабо жа б̣ахуж̇анаружид̇о жа.
‘‘Aparehipi, upāli, pañcahaṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito ca. Katamehi pañcahi? Ussādetā ca hoti, apasādetā ca, adhammaṃ gaṇhāti, dhammaṃ paṭibāhati, samphañca bahuṃ bhāsati – imehi kho, upāli, pañcahaṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito ca. Pañcahupāli, aṅgehi samannāgato bhikkhu saṅghe voharanto bahujanakanto ca hoti bahujanamanāpo ca bahujanarucito ca. Katamehi pañcahi? Na ussādetā ca hoti, na apasādetā ca, dhammaṃ gaṇhāti, adhammaṃ paṭibāhati, samphañca na bahuṃ bhāsati – imehi kho, upāli, pañcahaṅgehi samannāgato bhikkhu saṅghe voharanto bahujanakanto ca hoti bahujanamanāpo ca bahujanarucito ca.
‘‘абарзхиби, убаали, бан̃жахан̇г̇зхи саманнааг̇ад̇о бхигку сан̇гхз вохаранд̇о б̣ахуж̇анааганд̇о жа ход̇и б̣ахуж̇анааманаабо жа б̣ахуж̇анааружид̇о жа. гад̇амзхи бан̃жахи? басаяхабавад̇д̇аа ход̇и, аногаасагаммам̣ гаарзд̇ваа бавад̇д̇аа ход̇и, на яат̇аад̇хаммз яат̇аавинаяз яат̇аабад̇д̇ияаа жод̣̇зд̇аа ход̇и, на яат̇аад̇хаммз яат̇аавинаяз яат̇аабад̇д̇ияаа гаарзд̇аа ход̇и, на яат̇аад̣̇идтияаа б̣яаагад̇аа ход̇и – имзхи ко, убаали, бан̃жахан̇г̇зхи саманнааг̇ад̇о бхигку сан̇гхз вохаранд̇о б̣ахуж̇анааганд̇о жа ход̇и б̣ахуж̇анааманаабо жа б̣ахуж̇анааружид̇о жа. бан̃жахубаали, ан̇г̇зхи саманнааг̇ад̇о бхигку сан̇гхз вохаранд̇о б̣ахуж̇анаганд̇о жа ход̇и б̣ахуж̇анаманаабо жа б̣ахуж̇анаружид̇о жа. гад̇амзхи бан̃жахи? на басаяхабавад̇д̇аа ход̇и, огаасагаммам̣ гаарзд̇ваа бавад̇д̇аа ход̇и, яат̇аад̇хаммз яат̇аавинаяз яат̇аабад̇д̇ияаа жод̣̇зд̇аа ход̇и, яат̇аад̇хаммз яат̇аавинаяз яат̇аабад̇д̇ияаа гаарзд̇аа ход̇и, яат̇аад̣̇идтияаа б̣яаагад̇аа ход̇и – имзхи ко, убаали, бан̃жахан̇г̇зхи саманнааг̇ад̇о бхигку сан̇гхз вохаранд̇о б̣ахуж̇анаганд̇о жа ход̇и б̣ахуж̇анаманаабо жа б̣ахуж̇анаружид̇о жаа’’д̇и.
‘‘Aparehipi, upāli, pañcahaṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito ca. Katamehi pañcahi? Pasayhapavattā hoti, anokāsakammaṃ kāretvā pavattā hoti, na yathādhamme yathāvinaye yathāpattiyā codetā hoti, na yathādhamme yathāvinaye yathāpattiyā kāretā hoti, na yathādiṭṭhiyā byākatā hoti – imehi kho, upāli, pañcahaṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito ca. Pañcahupāli, aṅgehi samannāgato bhikkhu saṅghe voharanto bahujanakanto ca hoti bahujanamanāpo ca bahujanarucito ca. Katamehi pañcahi? Na pasayhapavattā hoti, okāsakammaṃ kāretvā pavattā hoti, yathādhamme yathāvinaye yathāpattiyā codetā hoti, yathādhamme yathāvinaye yathāpattiyā kāretā hoti, yathādiṭṭhiyā byākatā hoti – imehi kho, upāli, pañcahaṅgehi samannāgato bhikkhu saṅghe voharanto bahujanakanto ca hoti bahujanamanāpo ca bahujanarucito cā’’ti.
423. ‘‘гад̇и ну ко, бханд̇з, аанисам̣саа винаяабарияад̇д̇ияаа’’д̇и?
423. ‘‘Kati nu kho, bhante, ānisaṃsā vinayapariyattiyā’’ti?
‘‘бан̃жимз, убаали, аанисам̣саа винаяабарияад̇д̇ияаа. гад̇амз бан̃жа? ад̇д̇ано сийлагканд̇хо суг̇уд̇д̇о ход̇и сурагкид̇о, гуггужжабагад̇аанам̣ бадисаран̣ам̣ ход̇и, висаарад̣̇о сан̇гхамаж̇жхз вохарад̇и, бажжад̇т̇игз сахад̇хаммзна суниг̇г̇ахид̇ам̣ ниг̇г̇ан̣хаад̇и, сад̣̇д̇хаммадтид̇ияаа бадибанно ход̇и – имзхи ко, убаали, бан̃жаанисам̣саа винаяабарияад̇д̇ияаа’’.
‘‘Pañcime, upāli, ānisaṃsā vinayapariyattiyā. Katame pañca? Attano sīlakkhandho sugutto hoti surakkhito, kukkuccapakatānaṃ paṭisaraṇaṃ hoti, visārado saṅghamajjhe voharati, paccatthike sahadhammena suniggahitaṃ niggaṇhāti, saddhammaṭṭhitiyā paṭipanno hoti – imehi kho, upāli, pañcānisaṃsā vinayapariyattiyā’’.
наббадиббассамбханаваг̇г̇о нидтид̇о д̣̇уд̇ияо.
Nappaṭippassambhanavaggo niṭṭhito dutiyo.
д̇ассуд̣̇д̣̇аанам̣ –
Tassuddānaṃ –
аабанно яааяаван̣н̣ан̃жа, алаж̇ж̇ий сан̇г̇аамзна жа;
Āpanno yāyavaṇṇañca, alajjī saṅgāmena ca;
уссид̇аа уссаад̣̇зд̇аа жа, басаяха барияад̇д̇ияаад̇и.
Ussitā ussādetā ca, pasayha pariyattiyāti.
батамаяамагабан̃н̃ад̇д̇и.
Paṭhamayamakapaññatti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / наббадиббассамбханаваг̇г̇аван̣н̣анаа • Nappaṭippassambhanavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убаалибан̃жагаван̣н̣анаа • Upālipañcakavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / наббадиббассамбханаваг̇г̇аван̣н̣анаа • Nappaṭippassambhanavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / наббадиббассамбханаваг̇г̇аван̣н̣анаа • Nappaṭippassambhanavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / наббадиббассамбханаваг̇г̇аван̣н̣анаа • Nappaṭippassambhanavaggavaṇṇanā
