| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
наббадиббассамбхзд̇аб̣б̣а-д̇зжад̇д̇аалийсагам̣
Nappaṭippassambhetabba-tecattālīsakaṃ
53. ‘‘бан̃жахи , бхигкавз, ан̇г̇зхи саманнааг̇ад̇асса бхигкуно, аабад̇д̇ияаа ад̣̇ассанз, угкзбанийяагаммам̣ наббадиббассамбхзд̇аб̣б̣ам̣. убасамбаад̣̇зд̇и, ниссаяам̣ д̣̇зд̇и, сааман̣зрам̣ убадтаабзд̇и, бхигкуноваад̣̇агасаммуд̇им̣ саад̣̇ияад̇и, саммад̇оби бхигкунияо овад̣̇ад̇и – имзхи ко, бхигкавз, бан̃жахан̇г̇зхи саманнааг̇ад̇асса бхигкуно, аабад̇д̇ияаа ад̣̇ассанз, угкзбанийяагаммам̣ наббадиббассамбхзд̇аб̣б̣ам̣.
53. ‘‘Pañcahi , bhikkhave, aṅgehi samannāgatassa bhikkhuno, āpattiyā adassane, ukkhepanīyakammaṃ nappaṭippassambhetabbaṃ. Upasampādeti, nissayaṃ deti, sāmaṇeraṃ upaṭṭhāpeti, bhikkhunovādakasammutiṃ sādiyati, sammatopi bhikkhuniyo ovadati – imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ nappaṭippassambhetabbaṃ.
1 ‘‘абарзхиби, бхигкавз, бан̃жахан̇г̇зхи саманнааг̇ад̇асса бхигкуно, аабад̇д̇ияаа ад̣̇ассанз, угкзбанийяагаммам̣ наббадиббассамбхзд̇аб̣б̣ам̣. яааяа аабад̇д̇ияаа сан̇гхзна, аабад̇д̇ияаа ад̣̇ассанз, угкзбанийяагаммам̣ гад̇ам̣ ход̇и д̇ам̣ аабад̇д̇им̣ аабаж̇ж̇ад̇и, ан̃н̃ам̣ ваа д̇аад̣̇исигам̣, д̇ад̇о ваа баабидтад̇арам̣; гаммам̣ г̇арахад̇и, гаммигз г̇арахад̇и – имзхи ко, бхигкавз, бан̃жахан̇г̇зхи саманнааг̇ад̇асса бхигкуно, аабад̇д̇ияаа ад̣̇ассанз, угкзбанийяагаммам̣ наббадиббассамбхзд̇аб̣б̣ам̣.
2 ‘‘Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ nappaṭippassambhetabbaṃ. Yāya āpattiyā saṅghena, āpattiyā adassane, ukkhepanīyakammaṃ kataṃ hoti taṃ āpattiṃ āpajjati, aññaṃ vā tādisikaṃ, tato vā pāpiṭṭhataraṃ; kammaṃ garahati, kammike garahati – imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ nappaṭippassambhetabbaṃ.
‘‘абарзхиби, бхигкавз, бан̃жахан̇г̇зхи саманнааг̇ад̇асса бхигкуно, аабад̇д̇ияаа ад̣̇ассанз, угкзбанийяагаммам̣ наббадиббассамбхзд̇аб̣б̣ам̣. багад̇ад̇д̇асса бхигкуно абхиваад̣̇анам̣, бажжудтаанам̣, ан̃ж̇алигаммам̣, саамийжигаммам̣, аасанаабхихаарам̣ саад̣̇ияад̇и – имзхи ко, бхигкавз, бан̃жахан̇г̇зхи саманнааг̇ад̇асса бхигкуно, аабад̇д̇ияаа ад̣̇ассанз, угкзбанийяагаммам̣ наббадиббассамбхзд̇аб̣б̣ам̣.
‘‘Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ nappaṭippassambhetabbaṃ. Pakatattassa bhikkhuno abhivādanaṃ, paccuṭṭhānaṃ, añjalikammaṃ, sāmīcikammaṃ, āsanābhihāraṃ sādiyati – imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ nappaṭippassambhetabbaṃ.
‘‘абарзхиби, бхигкавз, бан̃жахан̇г̇зхи саманнааг̇ад̇асса бхигкуно, аабад̇д̇ияаа ад̣̇ассанз, угкзбанийяагаммам̣ наббадиббассамбхзд̇аб̣б̣ам̣. багад̇ад̇д̇асса бхигкуно сзяяаабхихаарам̣, баад̣̇од̣̇агам̣ баад̣̇абийтам̣, баад̣̇агат̇алигам̣, бад̇д̇ажийвараббадиг̇г̇ахан̣ам̣ , нахаанз бидтибаригаммам̣ саад̣̇ияад̇и – имзхи ко, бхигкавз , бан̃жахан̇г̇зхи саманнааг̇ад̇асса бхигкуно, аабад̇д̇ияаа ад̣̇ассанз, угкзбанийяагаммам̣ наббадиббассамбхзд̇аб̣б̣ам̣.
‘‘Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ nappaṭippassambhetabbaṃ. Pakatattassa bhikkhuno seyyābhihāraṃ, pādodakaṃ pādapīṭhaṃ, pādakathalikaṃ, pattacīvarappaṭiggahaṇaṃ , nahāne piṭṭhiparikammaṃ sādiyati – imehi kho, bhikkhave , pañcahaṅgehi samannāgatassa bhikkhuno, āpattiyā adassane, ukkhepanīyakammaṃ nappaṭippassambhetabbaṃ.
‘‘абарзхиби, бхигкавз, бан̃жахан̇г̇зхи саманнааг̇ад̇асса бхигкуно, аабад̇д̇ияаа ад̣̇ассанз, угкзбанийяагаммам̣ наббадиббассамбхзд̇аб̣б̣ам̣. багад̇ад̇д̇ам̣ бхигкум̣ сийлавибад̇д̇ияаа ануд̣̇д̇хам̣сзд̇и, аажааравибад̇д̇ияаа ануд̣̇д̇хам̣сзд̇и, д̣̇идтивибад̇д̇ияаа ануд̣̇д̇хам̣сзд̇и, ааж̇ийвавибад̇д̇ияаа ануд̣̇д̇хам̣сзд̇и, бхигкум̣ 3 бхигкуухи бхзд̣̇зд̇и – имзхи ко, бхигкавз, бан̃жахан̇г̇зхи саманнааг̇ад̇асса бхигкуно, аабад̇д̇ияаа ад̣̇ассанз, угкзбанийяагаммам̣ наббадиббассамбхзд̇аб̣б̣ам̣.
‘‘Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ nappaṭippassambhetabbaṃ. Pakatattaṃ bhikkhuṃ sīlavipattiyā anuddhaṃseti, ācāravipattiyā anuddhaṃseti, diṭṭhivipattiyā anuddhaṃseti, ājīvavipattiyā anuddhaṃseti, bhikkhuṃ 4 bhikkhūhi bhedeti – imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ nappaṭippassambhetabbaṃ.
‘‘абарзхиби, бхигкавз, бан̃жахан̇г̇зхи саманнааг̇ад̇асса бхигкуно, аабад̇д̇ияаа ад̣̇ассанз, угкзбанийяагаммам̣ наббадиббассамбхзд̇аб̣б̣ам̣. г̇ихид̣̇д̇хаж̇ам̣ д̇хаарзд̇и, д̇ид̇т̇ияад̣̇д̇хаж̇ам̣ д̇хаарзд̇и, д̇ид̇т̇ияз сзвад̇и; бхигкуу на сзвад̇и, бхигкусигкааяа на сигкад̇и – имзхи ко, бхигкавз, бан̃жахан̇г̇зхи саманнааг̇ад̇асса бхигкуно, аабад̇д̇ияаа ад̣̇ассанз, угкзбанийяагаммам̣ наббадиббассамбхзд̇аб̣б̣ам̣.
‘‘Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ nappaṭippassambhetabbaṃ. Gihiddhajaṃ dhāreti, titthiyaddhajaṃ dhāreti, titthiye sevati; bhikkhū na sevati, bhikkhusikkhāya na sikkhati – imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ nappaṭippassambhetabbaṃ.
‘‘абарзхиби, бхигкавз, бан̃жахан̇г̇зхи саманнааг̇ад̇асса бхигкуно, аабад̇д̇ияаа ад̣̇ассанз, угкзбанийяагаммам̣ наббадиббассамбхзд̇аб̣б̣ам̣. багад̇ад̇д̇зна бхигкунаа сад̣̇д̇хим̣ згажчаннз ааваасз васад̇и, згажчаннз анааваасз васад̇и, згажчаннз ааваасз ваа анааваасз ваа васад̇и; багад̇ад̇д̇ам̣ бхигкум̣ д̣̇исваа аасанаа на вудтаад̇и; багад̇ад̇д̇ам̣ бхигкум̣ аасаад̣̇зд̇и анд̇о ваа б̣ахи ваа – имзхи ко, бхигкавз, бан̃жахан̇г̇зхи саманнааг̇ад̇асса бхигкуно, аабад̇д̇ияаа ад̣̇ассанз, угкзбанийяагаммам̣ наббадиббассамбхзд̇аб̣б̣ам̣.
‘‘Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ nappaṭippassambhetabbaṃ. Pakatattena bhikkhunā saddhiṃ ekacchanne āvāse vasati, ekacchanne anāvāse vasati, ekacchanne āvāse vā anāvāse vā vasati; pakatattaṃ bhikkhuṃ disvā āsanā na vuṭṭhāti; pakatattaṃ bhikkhuṃ āsādeti anto vā bahi vā – imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṃ nappaṭippassambhetabbaṃ.
‘‘адтахи, бхигкавз, ан̇г̇зхи саманнааг̇ад̇асса бхигкуно, аабад̇д̇ияаа ад̣̇ассанз, угкзбанийяагаммам̣ наббадиббассамбхзд̇аб̣б̣ам̣. багад̇ад̇д̇асса бхигкуно убосат̇ам̣ табзд̇и, бавааран̣ам̣ табзд̇и, саважанийяам̣ гарод̇и, ануваад̣̇ам̣ бадтабзд̇и, огаасам̣ гаарзд̇и, жод̣̇зд̇и, саарзд̇и, бхигкуухи самбаяож̇зд̇и – имзхи ко, бхигкавз, адтахан̇г̇зхи саманнааг̇ад̇асса бхигкуно, аабад̇д̇ияаа ад̣̇ассанз, угкзбанийяагаммам̣ наббадиббассамбхзд̇аб̣б̣ам̣.
‘‘Aṭṭhahi, bhikkhave, aṅgehi samannāgatassa bhikkhuno, āpattiyā adassane, ukkhepanīyakammaṃ nappaṭippassambhetabbaṃ. Pakatattassa bhikkhuno uposathaṃ ṭhapeti, pavāraṇaṃ ṭhapeti, savacanīyaṃ karoti, anuvādaṃ paṭṭhapeti, okāsaṃ kāreti, codeti, sāreti, bhikkhūhi sampayojeti – imehi kho, bhikkhave, aṭṭhahaṅgehi samannāgatassa bhikkhuno, āpattiyā adassane, ukkhepanīyakammaṃ nappaṭippassambhetabbaṃ.
аабад̇д̇ияаа ад̣̇ассанз угкзбанийяагаммз
Āpattiyā adassane ukkhepanīyakamme
наббадиббассамбхзд̇аб̣б̣а-д̇зжад̇д̇аалийсагам̣ нидтид̇ам̣.
Nappaṭippassambhetabba-tecattālīsakaṃ niṭṭhitaṃ.
Footnotes:
