| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒཔཱལི༹ • Cūḷavaggapāḷi |
ནཔྤཊིཔྤསྶམྦྷེཏབྦཨཊྛཱརསཀཾ
Nappaṭippassambhetabbaaṭṭhārasakaṃ
༨. ཨཐ ཁོ སངྒྷོ པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ ཨཀཱསི ། ཏེ སངྒྷེན ཏཛྫནཱིཡཀམྨཀཏཱ སམྨཱ ཝཏྟནྟི, ལོམཾ པཱཏེནྟི , ནེཏྠཱརཾ ཝཏྟནྟི, བྷིཀྑཱུ ཨུཔསངྐམིཏྭཱ ཨེཝཾ ཝདནྟི – ‘‘མཡཾ, ཨཱཝུསོ, སངྒྷེན ཏཛྫནཱིཡཀམྨཀཏཱ སམྨཱ ཝཏྟཱམ, ལོམཾ པཱཏེམ, ནེཏྠཱརཾ ཝཏྟཱམ, ཀཐཾ ནུ ཁོ ཨམྷེཧི པཊིཔཛྫིཏབྦ’’ནྟི? བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ॰…། ‘‘ཏེན ཧི, བྷིཀྑཝེ, སངྒྷོ པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ པཊིཔྤསྶམྦྷེཏུ།
8. Atha kho saṅgho paṇḍukalohitakānaṃ bhikkhūnaṃ tajjanīyakammaṃ akāsi . Te saṅghena tajjanīyakammakatā sammā vattanti, lomaṃ pātenti , netthāraṃ vattanti, bhikkhū upasaṅkamitvā evaṃ vadanti – ‘‘mayaṃ, āvuso, saṅghena tajjanīyakammakatā sammā vattāma, lomaṃ pātema, netthāraṃ vattāma, kathaṃ nu kho amhehi paṭipajjitabba’’nti? Bhikkhū bhagavato etamatthaṃ ārocesuṃ…pe…. ‘‘Tena hi, bhikkhave, saṅgho paṇḍukalohitakānaṃ bhikkhūnaṃ tajjanīyakammaṃ paṭippassambhetu.
པཉྩཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ ནཔྤཊིཔྤསྶམྦྷེཏབྦཾ། ཨུཔསམྤཱདེཏི, ནིསྶཡཾ དེཏི, སཱམཎེརཾ ཨུཔཊྛཱཔེཏི, བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ཨོཝདཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ ནཔྤཊིཔྤསྶམྦྷེཏབྦཾ།
Pañcahi, bhikkhave, aṅgehi samannāgatassa bhikkhuno tajjanīyakammaṃ nappaṭippassambhetabbaṃ. Upasampādeti, nissayaṃ deti, sāmaṇeraṃ upaṭṭhāpeti, bhikkhunovādakasammutiṃ sādiyati, sammatopi bhikkhuniyo ovadati – imehi kho, bhikkhave, pañcahaṅgehi samannāgatassa bhikkhuno tajjanīyakammaṃ nappaṭippassambhetabbaṃ.
1 ‘‘ཨཔརེཧིཔི, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ ནཔྤཊིཔྤསྶམྦྷེཏབྦཾ། ཡཱཡ ཨཱཔཏྟིཡཱ སངྒྷེན ཏཛྫནཱིཡཀམྨཾ ཀཏཾ ཧོཏི ཏཾ ཨཱཔཏྟིཾ ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ; ཀམྨཾ གརཧཏི, ཀམྨིཀེ གརཧཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ ནཔྤཊིཔྤསྶམྦྷེཏབྦཾ།
2 ‘‘Aparehipi, bhikkhave, pañcahaṅgehi samannāgatassa bhikkhuno tajjanīyakammaṃ nappaṭippassambhetabbaṃ. Yāya āpattiyā saṅghena tajjanīyakammaṃ kataṃ hoti taṃ āpattiṃ āpajjati, aññaṃ vā tādisikaṃ, tato vā pāpiṭṭhataraṃ; kammaṃ garahati, kammike garahati – imehi kho, bhikkhave, pañcahaṅgehi samannāgatassa bhikkhuno tajjanīyakammaṃ nappaṭippassambhetabbaṃ.
‘‘ཨཊྛཧི , བྷིཀྑཝེ, ཨངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ ནཔྤཊིཔྤསྶམྦྷེཏབྦཾ། པཀཏཏྟསྶ བྷིཀྑུནོ ཨུཔོསཐཾ ཋཔེཏི, པཝཱརཎཾ ཋཔེཏི, སཝཙནཱིཡཾ ཀརོཏི, ཨནུཝཱདཾ པཊྛཔེཏི, ཨོཀཱསཾ ཀཱརེཏི, ཙོདེཏི, སཱརེཏི, བྷིཀྑཱུཧི སམྤཡོཛེཏི 3 – ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ ནཔྤཊིཔྤསྶམྦྷེཏབྦཾ།
‘‘Aṭṭhahi , bhikkhave, aṅgehi samannāgatassa bhikkhuno tajjanīyakammaṃ nappaṭippassambhetabbaṃ. Pakatattassa bhikkhuno uposathaṃ ṭhapeti, pavāraṇaṃ ṭhapeti, savacanīyaṃ karoti, anuvādaṃ paṭṭhapeti, okāsaṃ kāreti, codeti, sāreti, bhikkhūhi sampayojeti 4 – imehi kho, bhikkhave, aṭṭhahaṅgehi samannāgatassa bhikkhuno tajjanīyakammaṃ nappaṭippassambhetabbaṃ.
ནཔྤཊིཔྤསྶམྦྷེཏབྦཨཊྛཱརསཀཾ ནིཊྛིཏཾ།
Nappaṭippassambhetabbaaṭṭhārasakaṃ niṭṭhitaṃ.
Footnotes:
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā / ནཔྤཊིཔྤསྶམྦྷེཏབྦཨཊྛཱརསཀཱདིཀཐཱ • Nappaṭippassambhetabbaaṭṭhārasakādikathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ནཔྤཊིཔྤསྶམྦྷེཏབྦཨཊྛཱརསཀཀཐཱཝཎྞནཱ • Nappaṭippassambhetabbaaṭṭhārasakakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨདྷམྨཀམྨདྭཱདསཀཀཐཱདིཝཎྞནཱ • Adhammakammadvādasakakathādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ནཔྤཊིཔྤསྶམྦྷེཏབྦཨཊྛཱརསཀཱདིཀཐཱ • Nappaṭippassambhetabbaaṭṭhārasakādikathā
