| Library / Tipiṭaka / තිපිටක • Tipiṭaka / චූළවග්‌ගපාළි • Cūḷavaggapāḷi |
නප්‌පටිප්‌පස්‌සම්‌භෙතබ්‌බතෙචත්‌තාලීසකං
Nappaṭippassambhetabbatecattālīsakaṃ
72. ‘‘පඤ්‌චහි, භික්‌ඛවෙ, අඞ්‌ගෙහි සමන්‌නාගතස්‌ස භික්‌ඛුනො, පාපිකාය දිට්‌ඨියා අප්‌පටිනිස්‌සග්‌ගෙ, උක්‌ඛෙපනීයකම්‌මං නප්‌පටිප්‌පස්‌සම්‌භෙතබ්‌බං. උපසම්‌පාදෙති, නිස්‌සයං දෙති, සාමණෙරං උපට්‌ඨාපෙති, භික්‌ඛුනොවාදකසම්‌මුතිං සාදියති, සම්‌මතොපි භික්‌ඛුනියො ඔවදති – ඉමෙහි ඛො, භික්‌ඛවෙ, පඤ්‌චහඞ්‌ගෙහි සමන්‌නාගතස්‌ස භික්‌ඛුනො, පාපිකාය දිට්‌ඨියා අප්‌පටිනිස්‌සගෙ, උක්‌ඛෙපනීයකම්‌මං නප්‌පටිප්‌පස්‌සම්‌භෙතබ්‌බං.
72. ‘‘Pañcahi, bhikkhave, aṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṃ nappaṭippassambhetabbaṃ. Upasampādeti, nissayaṃ deti, sāmaṇeraṃ upaṭṭhāpeti, bhikkhunovādakasammutiṃ sādiyati, sammatopi bhikkhuniyo ovadati – imehi kho, bhikkhave, pañcahaṅgehi samannāgatassa bhikkhuno, pāpikāya diṭṭhiyā appaṭinissage, ukkhepanīyakammaṃ nappaṭippassambhetabbaṃ.
1 ‘‘අපරෙහිපි, භික්‌ඛවෙ, පඤ්‌චහඞ්‌ගෙහි සමන්‌නාගතස්‌ස භික්‌ඛුනො, පාපිකාය දිට්‌ඨියා අප්‌පටිනිස්‌සග්‌ගෙ, උක්‌ඛෙපනීයකම්‌මං නප්‌පටිප්‌පස්‌සම්‌භෙතබ්‌බං. යාය ආපත්‌තියා සඞ්‌ඝෙන පාපිකාය දිට්‌ඨියා අප්‌පටිනිස්‌සග්‌ගෙ උක්‌ඛෙපනීයකම්‌මං කතං හොති තං ආපත්‌තිං ආපජ්‌ජති, අඤ්‌ඤං වා තාදිසිකං, තතො වා පාපිට්‌ඨතරං; කම්‌මං ගරහති, කම්‌මිකෙ ගරහති – ඉමෙහි ඛො, භික්‌ඛවෙ, පඤ්‌චහඞ්‌ගෙහි සමන්‌නාගතස්‌ස භික්‌ඛුනො, පාපිකාය දිට්‌ඨියා අප්‌පටිනිස්‌සග්‌ගෙ, උක්‌ඛෙපනීයකම්‌මං නප්‌පටිප්‌පස්‌සම්‌භෙතබ්‌බං…පෙ.… .
2 ‘‘Aparehipi, bhikkhave, pañcahaṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṃ nappaṭippassambhetabbaṃ. Yāya āpattiyā saṅghena pāpikāya diṭṭhiyā appaṭinissagge ukkhepanīyakammaṃ kataṃ hoti taṃ āpattiṃ āpajjati, aññaṃ vā tādisikaṃ, tato vā pāpiṭṭhataraṃ; kammaṃ garahati, kammike garahati – imehi kho, bhikkhave, pañcahaṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṃ nappaṭippassambhetabbaṃ…pe… .
‘‘අට්‌ඨහි, භික්‌ඛවෙ, අඞ්‌ගෙහි සමන්‌නාගතස්‌ස භික්‌ඛුනො, පාපිකාය දිට්‌ඨියා අප්‌පටිනිස්‌සග්‌ගෙ, උක්‌ඛෙපනීයකම්‌මං නප්‌පටිප්‌පස්‌සම්‌භෙතබ්‌බං. පකතත්‌තස්‌ස භික්‌ඛුනො උපොසථං ඨපෙති, පවාරණං ඨපෙති, සවචනීයං කරොති, අනුවාදං පට්‌ඨපෙති, ඔකාසං කාරෙති, චොදෙති, සාරෙති , භික්‌ඛූහි සම්‌පයොජෙති – ඉමෙහි ඛො, භික්‌ඛවෙ, අට්‌ඨහඞ්‌ගෙහි සමන්‌නාගතස්‌ස භික්‌ඛුනො, පාපිකාය දිට්‌ඨියා අප්‌පටිනිස්‌සග්‌ගෙ, උක්‌ඛෙපනීයකම්‌මං නප්‌පටිප්‌පස්‌සම්‌භෙතබ්‌බං.
‘‘Aṭṭhahi, bhikkhave, aṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṃ nappaṭippassambhetabbaṃ. Pakatattassa bhikkhuno uposathaṃ ṭhapeti, pavāraṇaṃ ṭhapeti, savacanīyaṃ karoti, anuvādaṃ paṭṭhapeti, okāsaṃ kāreti, codeti, sāreti , bhikkhūhi sampayojeti – imehi kho, bhikkhave, aṭṭhahaṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṃ nappaṭippassambhetabbaṃ.
පාපිකාය දිට්‌ඨියා අප්‌පටිනිස්‌සග්‌ගෙ උක්‌ඛෙපනීයකම්‌මෙ
Pāpikāya diṭṭhiyā appaṭinissagge ukkhepanīyakamme
නප්‌පටිප්‌පස්‌සම්‌භෙතබ්‌බතෙචත්‌තාලීසකං නිට්‌ඨිතං.
Nappaṭippassambhetabbatecattālīsakaṃ niṭṭhitaṃ.
Footnotes:
