| Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā |
11. наарад̣̇аб̣уд̣̇д̇хавам̣саван̣н̣анаа
11. Nāradabuddhavaṃsavaṇṇanā
бад̣̇умаб̣уд̣̇д̇хз бана бариниб̣б̣уд̇з д̇асса саасанз жа анд̇арахид̇з вассасад̇асахассааяугаа мануссаа ануггамзна барихааяамаанаа д̣̇асавассааяугаа ахзсум̣. буна вад̣дхид̇ваа асан̇кязяяааяугаа худ̇ваа барихааяамаанаа навуд̇ивассасахассааяугаа ахзсум̣. д̇ад̣̇аа д̣̇асаб̣алад̇харо д̇звиж̇ж̇о жад̇увзсаараж̇ж̇ависаарад̣̇о вимуд̇д̇исаарад̣̇о наарад̣̇о наама нарасад̇д̇уд̇д̇амо сад̇т̇аа логз уд̣̇абаад̣̇и. со жад̇д̇аари асан̇кязяяаани габбасад̇асахассан̃жа баарамияо буурзд̇ваа д̇усид̇абхаванз ниб̣б̣ад̇д̇ид̇ваа д̇ад̇о жавид̇ваа д̇хан̃н̃авад̇ий наама наг̇арз сагавийрияавиж̇ид̇аваасуд̣̇звасса суд̣̇звасса наама ран̃н̃о гулз аг̇г̇амахзсияаа нируубамааяа аномааяа наама д̣̇звияаа гужчисмим̣ бадисанд̇хим̣ аг̇г̇ахзси. со д̣̇асаннам̣ маасаанам̣ ажжаязна д̇ханан̃ж̇аяуяяаанз маад̇угужчид̇о нигками. наамаг̇г̇ахан̣ад̣̇ивасз бана наамагаран̣з гаяирамаанз сагалаж̇амб̣уд̣̇ийбз мануссаанам̣ убабхог̇агкамаани ануруубаани аабхаран̣аани аагаасад̇о габбаругкаад̣̇ийхи бад̇им̣су. д̇знасса нараанам̣ арахаани аабхаран̣аани ад̣̇аасийд̇и ‘‘наарад̣̇о’’д̇и наамам̣ агам̣су.
Padumabuddhe pana parinibbute tassa sāsane ca antarahite vassasatasahassāyukā manussā anukkamena parihāyamānā dasavassāyukā ahesuṃ. Puna vaḍḍhitvā asaṅkhyeyyāyukā hutvā parihāyamānā navutivassasahassāyukā ahesuṃ. Tadā dasabaladharo tevijjo catuvesārajjavisārado vimuttisārado nārado nāma narasattuttamo satthā loke udapādi. So cattāri asaṅkhyeyyāni kappasatasahassañca pāramiyo pūretvā tusitabhavane nibbattitvā tato cavitvā dhaññavatī nāma nagare sakavīriyavijitavāsudevassa sudevassa nāma rañño kule aggamahesiyā nirūpamāya anomāya nāma deviyā kucchismiṃ paṭisandhiṃ aggahesi. So dasannaṃ māsānaṃ accayena dhanañjayuyyāne mātukucchito nikkhami. Nāmaggahaṇadivase pana nāmakaraṇe kayiramāne sakalajambudīpe manussānaṃ upabhogakkhamāni anurūpāni ābharaṇāni ākāsato kapparukkhādīhi patiṃsu. Tenassa narānaṃ arahāni ābharaṇāni adāsīti ‘‘nārado’’ti nāmaṃ akaṃsu.
со нававассасахассаани аг̇аарамаж̇жхз васи. виж̇ид̇о виж̇ид̇аавий виж̇ид̇аабхираамод̇и д̇ин̣н̣ам̣ уд̇уунам̣ анужчавигаа д̇аяо баасаад̣̇аа ахзсум̣. д̇асса наарад̣̇агумаарасса гуласийлаажаараруубасамбаннам̣ манонугуулам̣ виж̇ид̇асзнам̣ наама ад̇ивияа д̇хан̃н̃ам̣ кад̇д̇ияаган̃н̃ам̣ аг̇г̇амахзсим̣ агам̣су. д̇ам̣ аад̣̇им̣ гад̇ваа вийсад̇исахассаад̇хигам̣ ид̇т̇ийнам̣ сад̇асахассам̣ ахоси. д̇ассаа виж̇ид̇асзнааяа д̣̇звияаа саб̣б̣алогаананд̣̇агарз нанд̣̇уд̇д̇арагумаарз наама ж̇аад̇з со жад̇д̇аари нимид̇д̇аани д̣̇исваа жад̇уран̇г̇инияаа махад̇ияаа сзнааяа баривуд̇о наанаавирааг̇ад̇ануваравасананивасано аамуггамуд̇д̇аахаараман̣игун̣д̣ало варагзяуурамагудагадагад̇харо барамасурабхиг̇анд̇хагусумасамалан̇гад̇о бад̣̇асаава уяяаанам̣ г̇анд̇ваа саб̣б̣аабхаран̣аани омун̃жид̇ваа бхан̣д̣ааг̇ааригасса хад̇т̇з д̣̇ад̇ваа саяамзва вималанийлагувалаяад̣̇аласад̣̇исзнаад̇инисид̇знаасинаа барамаружирарад̇анавижид̇д̇ам̣ сагзсамагудам̣ чинд̣̇ид̇ваа г̇аг̇анад̇алз киби. д̇ам̣ сагго д̣̇зварааж̇аа суван̣н̣ажан̇годагзна бадиг̇г̇ахзд̇ваа д̇аавад̇им̣сабхаванам̣ нзд̇ваа д̇ияож̇ануб̣б̣зд̇хам̣ синзрумуд̣̇д̇хани сад̇д̇арад̇анамаяам̣ жзд̇ияам̣ агааси.
So navavassasahassāni agāramajjhe vasi. Vijito vijitāvī vijitābhirāmoti tiṇṇaṃ utūnaṃ anucchavikā tayo pāsādā ahesuṃ. Tassa nāradakumārassa kulasīlācārarūpasampannaṃ manonukūlaṃ vijitasenaṃ nāma ativiya dhaññaṃ khattiyakaññaṃ aggamahesiṃ akaṃsu. Taṃ ādiṃ katvā vīsatisahassādhikaṃ itthīnaṃ satasahassaṃ ahosi. Tassā vijitasenāya deviyā sabbalokānandakare nanduttarakumāre nāma jāte so cattāri nimittāni disvā caturaṅginiyā mahatiyā senāya parivuto nānāvirāgatanuvaravasananivasano āmukkamuttāhāramaṇikuṇḍalo varakeyūramakuṭakaṭakadharo paramasurabhigandhakusumasamalaṅkato padasāva uyyānaṃ gantvā sabbābharaṇāni omuñcitvā bhaṇḍāgārikassa hatthe datvā sayameva vimalanīlakuvalayadalasadisenātinisitenāsinā paramaruciraratanavicittaṃ sakesamakuṭaṃ chinditvā gaganatale khipi. Taṃ sakko devarājā suvaṇṇacaṅkoṭakena paṭiggahetvā tāvatiṃsabhavanaṃ netvā tiyojanubbedhaṃ sinerumuddhani sattaratanamayaṃ cetiyaṃ akāsi.
махаабурисо бана д̣̇звад̣̇ад̇д̇аани гаасааяаани вад̇т̇аани барид̣̇ахид̇ваа д̇ад̇т̇зва уяяаанз баб̣б̣аж̇и. бурисасад̇асахассаа жа д̇ам̣ анубаб̣б̣аж̇им̣су. со сад̇д̇аахам̣ д̇ад̇т̇зва бад̇хаанажарияам̣ жарид̇ваа висаакабун̣н̣амааяа виж̇ид̇асзнааяа аг̇г̇амахзсияаа д̣̇иннам̣ бааяаасам̣ барибхун̃ж̇ид̇ваа д̇ад̇т̇зва уяяаанз д̣̇иваавихаарам̣ гад̇ваа суд̣̇ассануяяаанабаалзна д̣̇иннаа адта д̇ин̣амудтияо г̇ахзд̇ваа махаасон̣аб̣од̇хим̣ бад̣̇агкин̣ам̣ гад̇ваа адтабан̣н̣аасахад̇т̇авид̇т̇ад̇ам̣ д̇ин̣асант̇арам̣ сант̇арид̇ваа нисийд̣̇ид̇ваа маараб̣алам̣ вид̇хамид̇ваа д̇ийсу яаамзсу д̇иссо виж̇ж̇аа уббаад̣̇зд̇ваа саб̣б̣ан̃н̃уд̇ан̃н̃аан̣ам̣ бадивиж̇жхид̇ваа – ‘‘анзгаж̇аад̇исам̣саарам̣…бз… д̇ан̣хаанам̣ каяамаж̇жхаг̇аа’’д̇и уд̣̇аанам̣ уд̣̇аанзд̇ваа сад̇д̇асад̇д̇аахаани вийд̇инаамзд̇ваа б̣рахмуно яаажид̇о бадин̃н̃ам̣ д̣̇ад̇ваа д̇ханан̃ж̇аяуяяаанз ад̇д̇анаа саха баб̣б̣аж̇ид̇зхи сад̇асахассабхигкуухи баривуд̇о д̇ад̇т̇а д̇хаммажаггам̣ бавад̇д̇зси. д̇ад̣̇аа годисад̇асахассаанам̣ д̇хаммаабхисамаяо ахоси. д̇зна вуд̇д̇ам̣ –
Mahāpuriso pana devadattāni kāsāyāni vatthāni paridahitvā tattheva uyyāne pabbaji. Purisasatasahassā ca taṃ anupabbajiṃsu. So sattāhaṃ tattheva padhānacariyaṃ caritvā visākhapuṇṇamāya vijitasenāya aggamahesiyā dinnaṃ pāyāsaṃ paribhuñjitvā tattheva uyyāne divāvihāraṃ katvā sudassanuyyānapālena dinnā aṭṭha tiṇamuṭṭhiyo gahetvā mahāsoṇabodhiṃ padakkhiṇaṃ katvā aṭṭhapaṇṇāsahatthavitthataṃ tiṇasantharaṃ santharitvā nisīditvā mārabalaṃ vidhamitvā tīsu yāmesu tisso vijjā uppādetvā sabbaññutaññāṇaṃ paṭivijjhitvā – ‘‘anekajātisaṃsāraṃ…pe… taṇhānaṃ khayamajjhagā’’ti udānaṃ udānetvā sattasattāhāni vītināmetvā brahmuno yācito paṭiññaṃ datvā dhanañjayuyyāne attanā saha pabbajitehi satasahassabhikkhūhi parivuto tattha dhammacakkaṃ pavattesi. Tadā koṭisatasahassānaṃ dhammābhisamayo ahosi. Tena vuttaṃ –
1.
1.
‘‘бад̣̇умасса абарзна, самб̣уд̣̇д̇хо д̣̇вибад̣̇уд̇д̇амо;
‘‘Padumassa aparena, sambuddho dvipaduttamo;
наарад̣̇о наама наамзна, асамо аббадибуг̇г̇ало.
Nārado nāma nāmena, asamo appaṭipuggalo.
2.
2.
‘‘со б̣уд̣̇д̇хо жаггавад̇д̇исса, ж̇здто д̣̇аяид̇аорасо;
‘‘So buddho cakkavattissa, jeṭṭho dayitaoraso;
аамуггамаалаабхаран̣о, уяяаанам̣ убасан̇гами.
Āmukkamālābharaṇo, uyyānaṃ upasaṅkami.
3.
3.
‘‘д̇ад̇т̇ааси ругко яасавибуло, абхируубо б̣рахмаа сужи;
‘‘Tatthāsi rukkho yasavipulo, abhirūpo brahmā suci;
д̇амаж̇жхаббад̇ваа убанисийд̣̇и, махаасон̣асса хздтад̇о.
Tamajjhappatvā upanisīdi, mahāsoṇassa heṭṭhato.
4.
4.
‘‘д̇ад̇т̇а н̃аан̣аваруббаж̇ж̇и, ананд̇ам̣ важ̇ируубамам̣;
‘‘Tattha ñāṇavaruppajji, anantaṃ vajirūpamaṃ;
д̇зна вижини сан̇каарз, уггуж̇ж̇амавагуж̇ж̇агам̣.
Tena vicini saṅkhāre, ukkujjamavakujjakaṃ.
5.
5.
‘‘д̇ад̇т̇а саб̣б̣агилзсаани, асзсамабхиваахаяи;
‘‘Tattha sabbakilesāni, asesamabhivāhayi;
баабун̣ий гзвалам̣ б̣од̇хим̣, б̣уд̣̇д̇хан̃аан̣з жа жуд̣̇д̣̇аса.
Pāpuṇī kevalaṃ bodhiṃ, buddhañāṇe ca cuddasa.
6.
6.
‘‘баабун̣ид̇ваана самб̣од̇хим̣, д̇хаммажаггам̣ бавад̇д̇аяи;
‘‘Pāpuṇitvāna sambodhiṃ, dhammacakkaṃ pavattayi;
годисад̇асахассаанам̣, батамаабхисамаяо ахуу’’д̇и.
Koṭisatasahassānaṃ, paṭhamābhisamayo ahū’’ti.
д̇ад̇т̇а жаггавад̇д̇иссаад̇и жаггавад̇д̇иран̃н̃о. ж̇здтод̇и буб̣б̣аж̇о. д̣̇аяид̇аорасод̇и д̣̇аяид̇о бияо орасо буд̇д̇о, д̣̇аяид̇о ораси г̇ахзд̇ваа лаалид̇о буд̇д̇о д̣̇аяид̇аорасо наама. аамуггамаалаабхаран̣од̇и аамуггамуд̇д̇аахаарагзяуурагадагамагудагун̣д̣аламаало. уяяаананд̇и б̣ахинаг̇арз д̇ханан̃ж̇аяуяяаанам̣ наамаараамам̣ аг̇амааси.
Tattha cakkavattissāti cakkavattirañño. Jeṭṭhoti pubbajo. Dayitaorasoti dayito piyo oraso putto, dayito orasi gahetvā lālito putto dayitaoraso nāma. Āmukkamālābharaṇoti āmukkamuttāhārakeyūrakaṭakamakuṭakuṇḍalamālo. Uyyānanti bahinagare dhanañjayuyyānaṃ nāmārāmaṃ agamāsi.
д̇ад̇т̇ааси ругкод̇и д̇асмим̣ уяяаанз зго гира ругко рад̇д̇асон̣о наама ахоси. со гира навуд̇ихад̇т̇уб̣б̣зд̇хо самаваддагканд̇хо самбаннавивид̇хавидабасаако нийлаб̣ахалавибулабалаасо санд̣̇ажчааяо д̣̇звад̇аад̇хивудтад̇д̇аа виг̇ад̇авивид̇хавихаг̇аг̇ан̣асан̃жааро д̇харан̣ийд̇алад̇илагабхууд̇о д̇арураж̇ж̇ам̣ вияа гурумаано барамараман̣ийяад̣̇ассано рад̇д̇агусумасамалан̇гад̇асаб̣б̣асаако д̣̇звамануссанаяанарасааяанабхууд̇о ахоси. яасавибулод̇и вибулаяасо, саб̣б̣алогавикяаад̇о ад̇д̇ано самбад̇д̇ияаа саб̣б̣ад̇т̇а баагадо виссуд̇од̇и ад̇т̇о. гзжи ‘‘д̇ад̇т̇ааси ругко вибуло’’д̇и батанд̇и. б̣рахаад̇и маханд̇о, д̣̇зваанам̣ баарижчад̇д̇агасад̣̇исод̇и ад̇т̇о. д̇амаж̇жхаббад̇ваад̇и д̇ам̣ сон̣аругкам̣ бад̇ваа ад̇хибад̇ваа убаг̇аммаад̇и ад̇т̇о. хздтад̇од̇и д̇асса ругкасса хздтаа.
Tatthāsi rukkhoti tasmiṃ uyyāne eko kira rukkho rattasoṇo nāma ahosi. So kira navutihatthubbedho samavaṭṭakkhandho sampannavividhaviṭapasākho nīlabahalavipulapalāso sandacchāyo devatādhivuṭṭhattā vigatavividhavihagagaṇasañcāro dharaṇītalatilakabhūto tarurajjaṃ viya kurumāno paramaramaṇīyadassano rattakusumasamalaṅkatasabbasākho devamanussanayanarasāyanabhūto ahosi. Yasavipuloti vipulayaso, sabbalokavikhyāto attano sampattiyā sabbattha pākaṭo vissutoti attho. Keci ‘‘tatthāsi rukkho vipulo’’ti paṭhanti. Brahāti mahanto, devānaṃ pāricchattakasadisoti attho. Tamajjhappatvāti taṃ soṇarukkhaṃ patvā adhipatvā upagammāti attho. Heṭṭhatoti tassa rukkhassa heṭṭhā.
н̃аан̣аваруббаж̇ж̇ийд̇и н̃аан̣аварам̣ уд̣̇абаад̣̇и. ананд̇анд̇и аббамзяяам̣ аббамаан̣ам̣. важ̇ируубаманд̇и важ̇ирасад̣̇исам̣ д̇икин̣ам̣, анижжаанубассанаад̣̇игасса вибассанаан̃аан̣ассзд̇ам̣ ад̇хиважанам̣. д̇зна вижини сан̇каарзд̇и д̇зна вибассанаан̃аан̣зна руубаад̣̇игз сан̇каарз вижини. уггуж̇ж̇амавагуж̇ж̇аганд̇и сан̇каараанам̣ уд̣̇аяан̃жа ваяан̃жа вижинийд̇и ад̇т̇о. д̇асмаа бажжаяаагаарам̣ саммасид̇ваа аанаабаанажад̇уд̇т̇аж̇жхаанад̇о вудтааяа бан̃жасу канд̇хзсу абхинивисид̇ваа уд̣̇аяаб̣б̣аяавасзна самабан̃н̃ааса лагкан̣аани д̣̇исваа яаава г̇од̇рабхун̃аан̣ам̣ вибассанам̣ вад̣дхзд̇ваа арияамаг̇г̇аануггамзна сагалз б̣уд̣̇д̇хаг̇ун̣з бадилабхийд̇и ад̇т̇о.
Ñāṇavaruppajjīti ñāṇavaraṃ udapādi. Anantanti appameyyaṃ appamāṇaṃ. Vajirūpamanti vajirasadisaṃ tikhiṇaṃ, aniccānupassanādikassa vipassanāñāṇassetaṃ adhivacanaṃ. Tena vicini saṅkhāreti tena vipassanāñāṇena rūpādike saṅkhāre vicini. Ukkujjamavakujjakanti saṅkhārānaṃ udayañca vayañca vicinīti attho. Tasmā paccayākāraṃ sammasitvā ānāpānacatutthajjhānato vuṭṭhāya pañcasu khandhesu abhinivisitvā udayabbayavasena samapaññāsa lakkhaṇāni disvā yāva gotrabhuñāṇaṃ vipassanaṃ vaḍḍhetvā ariyamaggānukkamena sakale buddhaguṇe paṭilabhīti attho.
д̇ад̇т̇аад̇и сон̣аругкз. саб̣б̣агилзсаанийд̇и саб̣б̣зби гилзсз, лин̇г̇авибарияаасам̣ гад̇ваа вуд̇д̇ам̣. гзжи ‘‘д̇ад̇т̇а саб̣б̣агилзсзхий’’д̇и батанд̇и. асзсанд̇и ниравасзсам̣. абхиваахаяийд̇и маг̇г̇од̇хинаа жа гилзсод̇хинаа жа саб̣б̣з гилзсз абхиваахаяи, винаасамубанзсийд̇и ад̇т̇о. б̣од̇хийд̇и арахад̇д̇амаг̇г̇ан̃аан̣ам̣. б̣уд̣̇д̇хан̃аан̣з жа жуд̣̇д̣̇асаад̇и б̣уд̣̇д̇хан̃аан̣аани жуд̣̇д̣̇аса. д̇аани гад̇амаанийд̇и? маг̇г̇апалан̃аан̣аани адта, ча асаад̇хааран̣ан̃аан̣аанийд̇и звамимаани жуд̣̇д̣̇аса б̣уд̣̇д̇хан̃аан̣аани наама, жа-сад̣̇д̣̇о самбин̣д̣анад̇т̇о, д̇зна абарааниби жад̇ассо бадисамбхид̣̇аан̃аан̣аани жад̇увзсаараж̇ж̇ан̃аан̣аани жад̇уяонибарижчзд̣̇аган̃аан̣аани бан̃жаг̇ад̇ибарижчзд̣̇аган̃аан̣аани д̣̇асаб̣алан̃аан̣аани сагалз жа б̣уд̣̇д̇хаг̇ун̣з баабун̣ийд̇и ад̇т̇о.
Tatthāti soṇarukkhe. Sabbakilesānīti sabbepi kilese, liṅgavipariyāsaṃ katvā vuttaṃ. Keci ‘‘tattha sabbakilesehī’’ti paṭhanti. Asesanti niravasesaṃ. Abhivāhayīti maggodhinā ca kilesodhinā ca sabbe kilese abhivāhayi, vināsamupanesīti attho. Bodhīti arahattamaggañāṇaṃ. Buddhañāṇe ca cuddasāti buddhañāṇāni cuddasa. Tāni katamānīti? Maggaphalañāṇāni aṭṭha, cha asādhāraṇañāṇānīti evamimāni cuddasa buddhañāṇāni nāma, ca-saddo sampiṇḍanattho, tena aparānipi catasso paṭisambhidāñāṇāni catuvesārajjañāṇāni catuyoniparicchedakañāṇāni pañcagatiparicchedakañāṇāni dasabalañāṇāni sakale ca buddhaguṇe pāpuṇīti attho.
звам̣ б̣уд̣̇д̇хад̇д̇ам̣ бад̇ваа б̣рахмааяаажанам̣ ад̇хиваасзд̇ваа д̇ханан̃ж̇аяуяяаанз ад̇д̇анаа саха баб̣б̣аж̇ид̇з сад̇асахассабхигкуу саммукз гад̇ваа д̇хаммажаггам̣ бавад̇д̇зси. д̇ад̣̇аа годисад̇асахассасса батамаабхисамаяо ахоси. д̇ад̣̇аа гира махаад̣̇он̣анаг̇арз д̣̇он̣о наама нааг̇арааж̇аа г̇ан̇г̇аад̇ийрз бадивасад̇и махид̣̇д̇хиго махаанубхааво махааж̇анзна саггад̇о г̇аругад̇о маанид̇о бууж̇ид̇о. со яасмим̣ висаяз ж̇анабад̣̇аваасино мануссаа д̇асса б̣алигаммам̣ на гаронд̇и, д̇зсам̣ висаяам̣ авассзна ваа ад̇ивассзна ваа сагкаравассзна ваа винаасзд̇и.
Evaṃ buddhattaṃ patvā brahmāyācanaṃ adhivāsetvā dhanañjayuyyāne attanā saha pabbajite satasahassabhikkhū sammukhe katvā dhammacakkaṃ pavattesi. Tadā koṭisatasahassassa paṭhamābhisamayo ahosi. Tadā kira mahādoṇanagare doṇo nāma nāgarājā gaṅgātīre paṭivasati mahiddhiko mahānubhāvo mahājanena sakkato garukato mānito pūjito. So yasmiṃ visaye janapadavāsino manussā tassa balikammaṃ na karonti, tesaṃ visayaṃ avassena vā ativassena vā sakkharavassena vā vināseti.
ат̇а д̇ийрад̣̇ассано наарад̣̇о сад̇т̇аа д̣̇он̣асса нааг̇арааж̇асса винаяанз б̣ахуунам̣ баан̣ийнам̣ убаниссаяам̣ д̣̇исваа махад̇аа бхигкусан̇гхзна бариваарид̇о д̇асса нааг̇арааж̇асса ниваасадтаанамаг̇амааси. д̇ад̇о д̇ам̣ мануссаа д̣̇исваа звамаахам̣су – ‘‘бхаг̇аваа, зд̇т̇а гхорависо уг̇г̇ад̇зж̇о махид̣̇д̇хиго махаанубхааво нааг̇арааж̇аа бадивасад̇и, со д̇ам̣ маа вихзтзссад̇и на г̇анд̇аб̣б̣а’’нд̇и. бхаг̇аваа бана д̇зсам̣ важанам̣ асун̣анд̇о вияа аг̇амааси. г̇анд̇ваа жа д̇ад̇т̇асса нааг̇арааж̇асса саггаарад̇т̇ааяа гад̇з барамасурабхиг̇анд̇хз бубпасант̇арз нисийд̣̇и. махааж̇ано гира ‘‘наарад̣̇асса жа мунирааж̇асса д̣̇он̣асса жа нааг̇арааж̇асса д̣̇виннамби яуд̣̇д̇хам̣ бассиссаамаа’’д̇и саннибад̇и.
Atha tīradassano nārado satthā doṇassa nāgarājassa vinayane bahūnaṃ pāṇīnaṃ upanissayaṃ disvā mahatā bhikkhusaṅghena parivārito tassa nāgarājassa nivāsaṭṭhānamagamāsi. Tato taṃ manussā disvā evamāhaṃsu – ‘‘bhagavā, ettha ghoraviso uggatejo mahiddhiko mahānubhāvo nāgarājā paṭivasati, so taṃ mā viheṭhessati na gantabba’’nti. Bhagavā pana tesaṃ vacanaṃ asuṇanto viya agamāsi. Gantvā ca tatthassa nāgarājassa sakkāratthāya kate paramasurabhigandhe pupphasanthare nisīdi. Mahājano kira ‘‘nāradassa ca munirājassa doṇassa ca nāgarājassa dvinnampi yuddhaṃ passissāmā’’ti sannipati.
ат̇а ахинааг̇о мунинааг̇ам̣ д̇ат̇аа нисиннам̣ д̣̇исваа магкам̣ асахамаано санд̣̇иссамаанагааяо худ̇ваа бад̇хуубааяи. д̣̇асаб̣алоби бад̇хуубааяи. буна нааг̇арааж̇аа баж̇ж̇али . мунирааж̇ааби баж̇ж̇али. ат̇а со нааг̇арааж̇аа д̣̇асаб̣аласса сарийрад̇о нигканд̇аахи д̇хуумаж̇аалаахи ад̇ивияа гиланд̇асарийро д̣̇угкам̣ асахамаано ‘‘висавзг̇зна нам̣ маарзссаамий’’д̇и висам̣ виссаж̇ж̇зси. висасса взг̇зна сагалоби ж̇амб̣уд̣̇ийбо винассзяяа. д̇ам̣ бана висам̣ д̣̇асаб̣аласса сарийрз згаломамби гамбзд̇ум̣ наасагки. ат̇а со нааг̇арааж̇аа – ‘‘гаа ну ко саман̣асса бавад̇д̇ий’’д̇и ологзнд̇о сарад̣̇асамаяз суурияам̣ вияа жанд̣̇ам̣ вияа жа барибун̣н̣ам̣ чаб̣б̣ан̣н̣аахи б̣уд̣̇д̇харасмийхи вирожамаанам̣ виббасаннавад̣̇анасобхам̣ бхаг̇аванд̇ам̣ д̣̇исваа – ‘‘ахо! махид̣̇д̇хиго вад̇ааяам̣ саман̣о, маяаа бана ад̇д̇ано б̣алам̣ аж̇аананд̇зна абарад̣̇д̇ха’’нд̇и жинд̇зд̇ваа д̇аан̣ам̣ г̇авзсий бхаг̇аванд̇ам̣язва саран̣амубаг̇ан̃чи. ат̇а наарад̣̇о мунирааж̇аа д̇ам̣ нааг̇арааж̇ам̣ винзд̇ваа д̇ад̇т̇а саннибад̇ид̇асса махааж̇анасса жид̇д̇аббасаад̣̇анад̇т̇ам̣ яамагабаадихаарияам̣ агааси. д̇ад̣̇аа баан̣ийнам̣ навуд̇игодисахассаани арахад̇д̇з бад̇идтахим̣су. со д̣̇уд̇ияо абхисамаяо ахоси. д̇зна вуд̇д̇ам̣ –
Atha ahināgo munināgaṃ tathā nisinnaṃ disvā makkhaṃ asahamāno sandissamānakāyo hutvā padhūpāyi. Dasabalopi padhūpāyi. Puna nāgarājā pajjali . Munirājāpi pajjali. Atha so nāgarājā dasabalassa sarīrato nikkhantāhi dhūmajālāhi ativiya kilantasarīro dukkhaṃ asahamāno ‘‘visavegena naṃ māressāmī’’ti visaṃ vissajjesi. Visassa vegena sakalopi jambudīpo vinasseyya. Taṃ pana visaṃ dasabalassa sarīre ekalomampi kampetuṃ nāsakkhi. Atha so nāgarājā – ‘‘kā nu kho samaṇassa pavattī’’ti olokento saradasamaye sūriyaṃ viya candaṃ viya ca paripuṇṇaṃ chabbaṇṇāhi buddharasmīhi virocamānaṃ vippasannavadanasobhaṃ bhagavantaṃ disvā – ‘‘aho! Mahiddhiko vatāyaṃ samaṇo, mayā pana attano balaṃ ajānantena aparaddha’’nti cintetvā tāṇaṃ gavesī bhagavantaṃyeva saraṇamupagañchi. Atha nārado munirājā taṃ nāgarājaṃ vinetvā tattha sannipatitassa mahājanassa cittappasādanatthaṃ yamakapāṭihāriyaṃ akāsi. Tadā pāṇīnaṃ navutikoṭisahassāni arahatte patiṭṭhahiṃsu. So dutiyo abhisamayo ahosi. Tena vuttaṃ –
7.
7.
‘‘махаад̣̇он̣ам̣ нааг̇арааж̇ам̣, винаяанд̇о махаамуни;
‘‘Mahādoṇaṃ nāgarājaṃ, vinayanto mahāmuni;
баадихзрам̣ д̇ад̣̇аагааси, д̣̇ассаяанд̇о сад̣̇звагз.
Pāṭiheraṃ tadākāsi, dassayanto sadevake.
8.
8.
‘‘д̇ад̣̇аа д̣̇звамануссаанам̣, д̇амхи д̇хаммаббагаасанз;
‘‘Tadā devamanussānaṃ, tamhi dhammappakāsane;
навуд̇игодисахассаани, д̇арим̣су саб̣б̣асам̣саяа’’нд̇и.
Navutikoṭisahassāni, tariṃsu sabbasaṃsaya’’nti.
д̇ад̇т̇а баадихзрам̣ д̇ад̣̇аагаасийд̇и агааси яамагабаадихаарияанд̇и ад̇т̇о. аяамзва ваа баато. ‘‘д̇ад̣̇аа д̣̇звамануссаа ваа’’д̇иби баато. д̇ад̇т̇а д̣̇звамануссаананд̇и саамиад̇т̇з бажжад̇д̇ам̣. д̇асмаа д̣̇зваанам̣ мануссаанан̃жа навуд̇игодисахассаанийд̇и ад̇т̇о. д̇арим̣сууд̇и ад̇иггамим̣су.
Tattha pāṭiheraṃ tadākāsīti akāsi yamakapāṭihāriyanti attho. Ayameva vā pāṭho. ‘‘Tadā devamanussā vā’’tipi pāṭho. Tattha devamanussānanti sāmiatthe paccattaṃ. Tasmā devānaṃ manussānañca navutikoṭisahassānīti attho. Tariṃsūti atikkamiṃsu.
яад̣̇аа бана ад̇д̇ано буд̇д̇ам̣ нанд̣̇уд̇д̇арагумаарам̣ овад̣̇и, д̇ад̣̇аа асийд̇ияаа годисахассаанам̣ д̇ад̇ияаабхисамаяо ахоси. д̇зна вуд̇д̇ам̣ –
Yadā pana attano puttaṃ nanduttarakumāraṃ ovadi, tadā asītiyā koṭisahassānaṃ tatiyābhisamayo ahosi. Tena vuttaṃ –
9.
9.
‘‘яамхи гаалз махаавийро, овад̣̇ий сагамад̇раж̇ам̣;
‘‘Yamhi kāle mahāvīro, ovadī sakamatrajaṃ;
асийд̇игодисахассаанам̣, д̇ад̇ияаабхисамаяо ахуу’’д̇и.
Asītikoṭisahassānaṃ, tatiyābhisamayo ahū’’ti.
яад̣̇аа бана т̇уллагодтид̇анаг̇арз бхад̣̇д̣̇асаало жа виж̇ид̇амид̇д̇о жа д̣̇вз б̣раахман̣асахааяагаа амад̇арахад̣̇ам̣ г̇авзсамаанаа барисад̇и нисиннам̣ ад̇ивисаарад̣̇ам̣ наарад̣̇асаммаасамб̣уд̣̇д̇хам̣ ад̣̇д̣̇асам̣су. д̇з бхаг̇авад̇о гааяз д̣̇вад̇д̇им̣самахаабурисалагкан̣аани д̣̇исваа – ‘‘аяам̣ логз вивадажчад̣̇о саммаасамб̣уд̣̇д̇хо’’д̇и нидтам̣ г̇анд̇ваа бхаг̇авад̇и сан̃ж̇аад̇асад̣̇д̇хаа сабариваараа бхаг̇авад̇о санд̇игз баб̣б̣аж̇им̣су. д̇зсу баб̣б̣аж̇ид̇ваа арахад̇д̇ам̣ бад̇д̇зсу бхаг̇аваа бхигкуунам̣ годисад̇асахассамаж̇жхз баад̇имогкам̣ уд̣̇д̣̇иси, со батамо саннибаад̇о ахоси. д̇зна вуд̇д̇ам̣ –
Yadā pana thullakoṭṭhitanagare bhaddasālo ca vijitamitto ca dve brāhmaṇasahāyakā amatarahadaṃ gavesamānā parisati nisinnaṃ ativisāradaṃ nāradasammāsambuddhaṃ addasaṃsu. Te bhagavato kāye dvattiṃsamahāpurisalakkhaṇāni disvā – ‘‘ayaṃ loke vivaṭacchado sammāsambuddho’’ti niṭṭhaṃ gantvā bhagavati sañjātasaddhā saparivārā bhagavato santike pabbajiṃsu. Tesu pabbajitvā arahattaṃ pattesu bhagavā bhikkhūnaṃ koṭisatasahassamajjhe pātimokkhaṃ uddisi, so paṭhamo sannipāto ahosi. Tena vuttaṃ –
10.
10.
‘‘саннибаад̇аа д̇аяо аасум̣, наарад̣̇асса махзсино;
‘‘Sannipātā tayo āsuṃ, nāradassa mahesino;
годисад̇асахассаанам̣, батамо ааси самааг̇амо’’д̇и.
Koṭisatasahassānaṃ, paṭhamo āsi samāgamo’’ti.
яасмим̣ самаяз наарад̣̇о саммаасамб̣уд̣̇д̇хо н̃аад̇исамааг̇амз ад̇д̇ано бан̣ид̇хаанад̇о бадтааяа б̣уд̣̇д̇хавам̣сам̣ гат̇зси, д̇ад̣̇аа навуд̇игодибхигкусахассаанам̣ д̣̇уд̇ияо саннибаад̇о ахоси. д̇зна вуд̇д̇ам̣ –
Yasmiṃ samaye nārado sammāsambuddho ñātisamāgame attano paṇidhānato paṭṭhāya buddhavaṃsaṃ kathesi, tadā navutikoṭibhikkhusahassānaṃ dutiyo sannipāto ahosi. Tena vuttaṃ –
11.
11.
‘‘яад̣̇аа б̣уд̣̇д̇хо б̣уд̣̇д̇хаг̇ун̣ам̣, санид̣̇аанам̣ багаасаяи;
‘‘Yadā buddho buddhaguṇaṃ, sanidānaṃ pakāsayi;
навуд̇игодисахассаани, самим̣су вималаа д̇ад̣̇аа’’д̇и.
Navutikoṭisahassāni, samiṃsu vimalā tadā’’ti.
д̇ад̇т̇а вималаад̇и виг̇ад̇амалаа, кийн̣аасаваад̇и ад̇т̇о.
Tattha vimalāti vigatamalā, khīṇāsavāti attho.
яад̣̇аа бана махаад̣̇он̣анааг̇арааж̇асса винаяанз басанно взрожано наама нааг̇арааж̇аа г̇ан̇г̇ааяа над̣̇ияаа д̇иг̇аавуд̇аббамаан̣ам̣ сад̇д̇арад̇анамаяам̣ ман̣д̣абам̣ нимминид̇ваа сабариваарам̣ бхаг̇аванд̇ам̣ д̇ад̇т̇а нисийд̣̇аабзд̇ваа сабаривааро саж̇анабад̣̇з ад̇д̇ано д̣̇аанаг̇г̇ад̣̇ассанад̇т̇ааяа ниманд̇зд̇ваа нааг̇анаадагаани жа д̇аал̣ааважарз вивид̇хавзсаалан̇гаарад̇харз саннибаад̇зд̇ваа махаасаггаарзна бхаг̇авад̇о сабариваарасса махаад̣̇аанам̣ ад̣̇ааси. бхож̇анаавасаанз бхаг̇аваа махааг̇ан̇г̇ам̣ од̇аарзнд̇о вияа анумод̣̇анамагааси. д̇ад̣̇аа бхад̇д̇аанумод̣̇анз д̇хаммам̣ суд̇ваа басаннаанам̣ зхибхигкубаб̣б̣аж̇ж̇ааяа баб̣б̣аж̇ид̇аанам̣ асийд̇ибхигкусад̇асахассаанам̣ маж̇жхз баад̇имогкам̣ уд̣̇д̣̇иси, со д̇ад̇ияо саннибаад̇о ахоси. д̇зна вуд̇д̇ам̣ –
Yadā pana mahādoṇanāgarājassa vinayane pasanno verocano nāma nāgarājā gaṅgāya nadiyā tigāvutappamāṇaṃ sattaratanamayaṃ maṇḍapaṃ nimminitvā saparivāraṃ bhagavantaṃ tattha nisīdāpetvā saparivāro sajanapade attano dānaggadassanatthāya nimantetvā nāganāṭakāni ca tāḷāvacare vividhavesālaṅkāradhare sannipātetvā mahāsakkārena bhagavato saparivārassa mahādānaṃ adāsi. Bhojanāvasāne bhagavā mahāgaṅgaṃ otārento viya anumodanamakāsi. Tadā bhattānumodane dhammaṃ sutvā pasannānaṃ ehibhikkhupabbajjāya pabbajitānaṃ asītibhikkhusatasahassānaṃ majjhe pātimokkhaṃ uddisi, so tatiyo sannipāto ahosi. Tena vuttaṃ –
12.
12.
‘‘яад̣̇аа взрожано нааг̇о, д̣̇аанам̣ д̣̇ад̣̇аад̇и сад̇т̇уно;
‘‘Yadā verocano nāgo, dānaṃ dadāti satthuno;
д̇ад̣̇аа самим̣су ж̇инабуд̇д̇аа, асийд̇исад̇асахассияо’’д̇и.
Tadā samiṃsu jinaputtā, asītisatasahassiyo’’ti.
д̇ад̇т̇а асийд̇исад̇асахассияод̇и сад̇асахассаанам̣ асийд̇ияо.
Tattha asītisatasahassiyoti satasahassānaṃ asītiyo.
д̇ад̣̇аа амхаагам̣ б̣од̇хисад̇д̇о исибаб̣б̣аж̇ж̇ам̣ баб̣б̣аж̇ид̇ваа химаванд̇абассз ассамам̣ маабзд̇ваа бан̃жасу абхин̃н̃аасу адтасу самаабад̇д̇ийсу жа жин̣н̣авасий худ̇ваа бадивасад̇и. ат̇а д̇асмим̣ анугамбааяа наарад̣̇о бхаг̇аваа асийд̇ияаа араханд̇агодийхи д̣̇асахи жа анааг̇аамипаладтзхи убаасагасахассзхи баривуд̇о д̇ам̣ ассамабад̣̇ам̣ аг̇амааси. д̇аабасо бхаг̇аванд̇ам̣ д̣̇исваава бамуд̣̇ид̇ахад̣̇аяо сабариваарасса бхаг̇авад̇о ниваасад̇т̇ааяа ассамам̣ маабзд̇ваа сагаларад̇д̇им̣ сад̇т̇уг̇ун̣ам̣ гид̇д̇зд̇ваа бхаг̇авад̇о д̇хаммагат̇ам̣ суд̇ваа бунад̣̇ивасз уд̇д̇арагурум̣ г̇анд̇ваа д̇ад̇о аахаарам̣ аахарид̇ваа сабариваарасса б̣уд̣̇д̇хасса махаад̣̇аанам̣ ад̣̇ааси. звам̣ сад̇д̇аахам̣ махаад̣̇аанам̣ д̣̇ад̇ваа химаванд̇ад̇о анаг̇гхам̣ лохид̇ажанд̣̇анам̣ аахарид̇ваа д̇зна лохид̇ажанд̣̇анзна бхаг̇аванд̇ам̣ бууж̇зси. д̇ад̣̇аа нам̣ д̣̇асаб̣ало амаранарабаривуд̇о д̇хаммагат̇ам̣ гат̇зд̇ваа – ‘‘анааг̇ад̇з г̇од̇амо наама б̣уд̣̇д̇хо бхависсад̇ий’’д̇и б̣яаагааси. д̇зна вуд̇д̇ам̣ –
Tadā amhākaṃ bodhisatto isipabbajjaṃ pabbajitvā himavantapasse assamaṃ māpetvā pañcasu abhiññāsu aṭṭhasu samāpattīsu ca ciṇṇavasī hutvā paṭivasati. Atha tasmiṃ anukampāya nārado bhagavā asītiyā arahantakoṭīhi dasahi ca anāgāmiphalaṭṭhehi upāsakasahassehi parivuto taṃ assamapadaṃ agamāsi. Tāpaso bhagavantaṃ disvāva pamuditahadayo saparivārassa bhagavato nivāsatthāya assamaṃ māpetvā sakalarattiṃ satthuguṇaṃ kittetvā bhagavato dhammakathaṃ sutvā punadivase uttarakuruṃ gantvā tato āhāraṃ āharitvā saparivārassa buddhassa mahādānaṃ adāsi. Evaṃ sattāhaṃ mahādānaṃ datvā himavantato anagghaṃ lohitacandanaṃ āharitvā tena lohitacandanena bhagavantaṃ pūjesi. Tadā naṃ dasabalo amaranaraparivuto dhammakathaṃ kathetvā – ‘‘anāgate gotamo nāma buddho bhavissatī’’ti byākāsi. Tena vuttaṃ –
13.
13.
‘‘ахам̣ д̇зна самаязна, ж̇адило уг̇г̇ад̇аабано;
‘‘Ahaṃ tena samayena, jaṭilo uggatāpano;
анд̇алигкажаро аасим̣, бан̃жаабхин̃н̃аасу баараг̇уу.
Antalikkhacaro āsiṃ, pañcābhiññāsu pāragū.
14.
14.
‘‘д̇ад̣̇аабаахам̣ асамасамам̣, сасан̇гхам̣ сабариж̇ж̇анам̣;
‘‘Tadāpāhaṃ asamasamaṃ, sasaṅghaṃ saparijjanaṃ;
аннабаанзна д̇аббзд̇ваа, жанд̣̇анзнаабхибууж̇аяим̣.
Annapānena tappetvā, candanenābhipūjayiṃ.
15.
15.
‘‘соби мам̣ д̇ад̣̇аа б̣яаагааси, наарад̣̇о логанааяаго;
‘‘Sopi maṃ tadā byākāsi, nārado lokanāyako;
абаримзяяид̇о габбз, б̣уд̣̇д̇хо логз бхависсад̇и.
Aparimeyyito kappe, buddho loke bhavissati.
16.
16.
‘‘бад̇хаанам̣ бад̣̇ахид̇ваана…бз… хзссаама саммукаа имам̣.
‘‘Padhānaṃ padahitvāna…pe… hessāma sammukhā imaṃ.
17.
17.
‘‘д̇ассааби важанам̣ суд̇ваа, бхияяо хаасзд̇ва маанасам̣;
‘‘Tassāpi vacanaṃ sutvā, bhiyyo hāsetva mānasaṃ;
ад̇хидтахим̣ вад̇ам̣ уг̇г̇ам̣, д̣̇асабаарамибуурияаа’’д̇и.
Adhiṭṭhahiṃ vataṃ uggaṃ, dasapāramipūriyā’’ti.
д̇ад̇т̇а д̇ад̣̇аабааханд̇и д̇ад̣̇ааби ахам̣. асамасаманд̇и асамаа наама ад̇ийд̇аа б̣уд̣̇д̇хаа, д̇зхи асамзхи самам̣ д̇уляам̣ асамасамам̣. ат̇а ваа асамаа висамаа, самаа ависамаа саад̇хаво, д̇зсу асамасамзсу само ‘‘асамасамасамо’’д̇и вад̇д̇аб̣б̣з згасса самасад̣̇д̣̇асса лобам̣ гад̇ваа вуд̇д̇анд̇и взд̣̇ид̇аб̣б̣ам̣, асамаависамасаманд̇и ад̇т̇о. сабариж̇ж̇ананд̇и саубаасагаж̇анам̣. ‘‘соби мам̣ д̇ад̣̇аа нарамаруунам̣, маж̇жхз б̣яаагааси жагкумаа’’д̇иби баато , со уд̇д̇аанад̇т̇ова. бхияяо хаасзд̇ва маанасанд̇и уд̇д̇аримби хаасзд̇ваа д̇осзд̇ваа хад̣̇аяам̣. ад̇хидтахим̣ вад̇ам̣ уг̇г̇анд̇и уг̇г̇ам̣ вад̇ам̣ ад̇хидтаасим̣. ‘‘уд̇д̇арим̣ вад̇амад̇хидтаасим̣, д̣̇асабаарамибуурияаа’’д̇иби баато.
Tattha tadāpāhanti tadāpi ahaṃ. Asamasamanti asamā nāma atītā buddhā, tehi asamehi samaṃ tulyaṃ asamasamaṃ. Atha vā asamā visamā, samā avisamā sādhavo, tesu asamasamesu samo ‘‘asamasamasamo’’ti vattabbe ekassa samasaddassa lopaṃ katvā vuttanti veditabbaṃ, asamāvisamasamanti attho. Saparijjananti saupāsakajanaṃ. ‘‘Sopi maṃ tadā naramarūnaṃ, majjhe byākāsi cakkhumā’’tipi pāṭho , so uttānatthova. Bhiyyo hāsetva mānasanti uttarimpi hāsetvā tosetvā hadayaṃ. Adhiṭṭhahiṃ vataṃ ugganti uggaṃ vataṃ adhiṭṭhāsiṃ. ‘‘Uttariṃ vatamadhiṭṭhāsiṃ, dasapāramipūriyā’’tipi pāṭho.
д̇асса бана бхаг̇авад̇о наарад̣̇асса д̇хан̃н̃авад̇ий наама наг̇арам̣ ахоси, суд̣̇зво наама кад̇д̇ияо бид̇аа, аномаа наама маад̇аа, бхад̣̇д̣̇асаало жа ж̇ид̇амид̇д̇о жа д̣̇вз аг̇г̇асаавагаа, ваасздто наама убадтааго, уд̇д̇араа жа паг̇г̇уний жа д̣̇вз аг̇г̇асаавигаа, махаасон̣аругко б̣од̇хи, сарийрам̣ адтаасийд̇ихад̇т̇уб̣б̣зд̇хам̣ ахоси. д̇асса сарийраббабхаа нижжам̣ яож̇анам̣ парад̇и, навуд̇ивассасахассаани ааяу, д̇асса бана виж̇ид̇асзнаа наама аг̇г̇амахзсий, нанд̣̇уд̇д̇арагумааро наамасса буд̇д̇о ахоси, виж̇ид̇о виж̇ид̇аавий виж̇ид̇аабхираамод̇и д̇аяо баасаад̣̇аа ахзсум̣. со нававассасахассаани аг̇аарам̣ аж̇жхааваси. со бад̣̇асаава махаабхинигкаманам̣ нигкамийд̇и. д̇зна вуд̇д̇ам̣ –
Tassa pana bhagavato nāradassa dhaññavatī nāma nagaraṃ ahosi, sudevo nāma khattiyo pitā, anomā nāma mātā, bhaddasālo ca jitamitto ca dve aggasāvakā, vāseṭṭho nāma upaṭṭhāko, uttarā ca phaggunī ca dve aggasāvikā, mahāsoṇarukkho bodhi, sarīraṃ aṭṭhāsītihatthubbedhaṃ ahosi. Tassa sarīrappabhā niccaṃ yojanaṃ pharati, navutivassasahassāni āyu, tassa pana vijitasenā nāma aggamahesī, nanduttarakumāro nāmassa putto ahosi, vijito vijitāvī vijitābhirāmoti tayo pāsādā ahesuṃ. So navavassasahassāni agāraṃ ajjhāvasi. So padasāva mahābhinikkhamanaṃ nikkhamīti. Tena vuttaṃ –
18.
18.
‘‘наг̇арам̣ д̇хан̃н̃авад̇ий наама, суд̣̇зво наама кад̇д̇ияо;
‘‘Nagaraṃ dhaññavatī nāma, sudevo nāma khattiyo;
аномаа наама ж̇анигаа, наарад̣̇асса махзсино.
Anomā nāma janikā, nāradassa mahesino.
23.
23.
‘‘бхад̣̇д̣̇асаало ж̇ид̇амид̇д̇о, ахзсум̣ аг̇г̇асаавагаа;
‘‘Bhaddasālo jitamitto, ahesuṃ aggasāvakā;
ваасздто наамубадтааго, наарад̣̇асса махзсино.
Vāseṭṭho nāmupaṭṭhāko, nāradassa mahesino.
24.
24.
‘‘уд̇д̇араа паг̇г̇уний жзва, ахзсум̣ аг̇г̇асаавигаа;
‘‘Uttarā phaggunī ceva, ahesuṃ aggasāvikā;
б̣од̇хи д̇асса бхаг̇авад̇о, махаасон̣од̇и вужжад̇и.
Bodhi tassa bhagavato, mahāsoṇoti vuccati.
26.
26.
‘‘адтаасийд̇ирад̇анаани, ажжуг̇г̇ад̇о махаамуни;
‘‘Aṭṭhāsītiratanāni, accuggato mahāmuni;
ган̃жанаг̇гхияасан̇гаасо, д̣̇асасахассий вирожад̇и.
Kañcanagghiyasaṅkāso, dasasahassī virocati.
27.
27.
‘‘д̇асса б̣яаамаббабхаа гааяаа, нид̣̇д̇хаавад̇и д̣̇исод̣̇исам̣;
‘‘Tassa byāmappabhā kāyā, niddhāvati disodisaṃ;
ниранд̇арам̣ д̣̇иваарад̇д̇им̣, яож̇анам̣ парад̇з сад̣̇аа.
Nirantaraṃ divārattiṃ, yojanaṃ pharate sadā.
28.
28.
‘‘на гзжи д̇зна самаязна, саманд̇аа яож̇анз ж̇анаа;
‘‘Na keci tena samayena, samantā yojane janā;
уггаабад̣̇ийбз уж̇ж̇аалзнд̇и, б̣уд̣̇д̇харам̣сийхи од̇т̇адаа.
Ukkāpadīpe ujjālenti, buddharaṃsīhi otthaṭā.
29.
29.
‘‘навуд̇ивассасахассаани, ааяу виж̇ж̇ад̇и д̇аавад̣̇з;
‘‘Navutivassasahassāni, āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
30.
30.
‘‘яат̇аа ул̣уухи г̇аг̇анам̣, вижид̇д̇ам̣ убасобхад̇и;
‘‘Yathā uḷūhi gaganaṃ, vicittaṃ upasobhati;
д̇ат̇зва саасанам̣ д̇асса, араханд̇зхи собхад̇и.
Tatheva sāsanaṃ tassa, arahantehi sobhati.
31.
31.
‘‘сам̣саарасод̇ам̣ д̇аран̣ааяа, сзсагз бадибаннагз;
‘‘Saṃsārasotaṃ taraṇāya, sesake paṭipannake;
д̇хаммасзд̇ум̣ д̣̇ал̣хам̣ гад̇ваа, ниб̣б̣уд̇о со нараасабхо.
Dhammasetuṃ daḷhaṃ katvā, nibbuto so narāsabho.
32.
32.
‘‘соби б̣уд̣̇д̇хо асамасамо, д̇зби кийн̣аасаваа ад̇улад̇зж̇аа;
‘‘Sopi buddho asamasamo, tepi khīṇāsavā atulatejā;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа’’д̇и.
Sabbaṃ tamantarahitaṃ, nanu rittā sabbasaṅkhārā’’ti.
д̇ад̇т̇а ган̃жанаг̇гхияасан̇гаасод̇и вивид̇харад̇анавижид̇д̇аган̃жанамаяаг̇гхигасад̣̇исаруубасобхо. д̣̇асасахассий вирожад̇ийд̇и д̇асса бабхааяа д̣̇асасахассийби логад̇хаад̇у вирожад̇и, вирааж̇ад̇ийд̇и ад̇т̇о. д̇амзвад̇т̇ам̣ багаасзнд̇о бхаг̇аваа ‘‘д̇асса б̣яаамаббабхаа гааяаа, нид̣̇д̇хаавад̇и д̣̇исод̣̇иса’’нд̇и ааха. д̇ад̇т̇а б̣яаамаббабхаа гааяаад̇и б̣яаамаббабхаа вияаад̇и б̣яаамаббабхаа, амхаагам̣ бхаг̇авад̇о б̣яаамаббабхаа вияаад̇и ад̇т̇о.
Tattha kañcanagghiyasaṅkāsoti vividharatanavicittakañcanamayagghikasadisarūpasobho. Dasasahassī virocatīti tassa pabhāya dasasahassīpi lokadhātu virocati, virājatīti attho. Tamevatthaṃ pakāsento bhagavā ‘‘tassa byāmappabhā kāyā, niddhāvati disodisa’’nti āha. Tattha byāmappabhā kāyāti byāmappabhā viyāti byāmappabhā, amhākaṃ bhagavato byāmappabhā viyāti attho.
на гзжийд̇и зд̇т̇а на-гааро бадисзд̇хад̇т̇о, д̇асса уж̇ж̇аалзнд̇и-сад̣̇д̣̇зна самб̣анд̇хо д̣̇адтаб̣б̣о. уггаад̇и д̣̇ан̣д̣ад̣̇ийбигаа. уггаа ваа бад̣̇ийбз ваа гзжиби ж̇анаа на уж̇ж̇аалзнд̇и на баж̇ж̇аалзнд̇и. гасмаад̇и жз? б̣уд̣̇д̇хасарийраббабхааяа обхаасид̇ад̇д̇аа. б̣уд̣̇д̇харам̣сийхийд̇и б̣уд̣̇д̇харасмийхи. од̇т̇адаад̇и ад̇хиг̇ад̇аа.
Na kecīti ettha na-kāro paṭisedhattho, tassa ujjālenti-saddena sambandho daṭṭhabbo. Ukkāti daṇḍadīpikā. Ukkā vā padīpe vā kecipi janā na ujjālenti na pajjālenti. Kasmāti ce? Buddhasarīrappabhāya obhāsitattā. Buddharaṃsīhīti buddharasmīhi. Otthaṭāti adhigatā.
ул̣уухийд̇и д̇аараахи, яат̇аа д̇аараахи г̇аг̇анад̇алам̣ вижид̇д̇ам̣ собхад̇и, д̇ат̇зва д̇асса саасанам̣ араханд̇зхи вижид̇д̇ам̣ убасобхад̇ийд̇и ад̇т̇о. сам̣саарасод̇ам̣ д̇аран̣ааяаад̇и сам̣саарасааг̇арасса д̇аран̣ад̇т̇ам̣. сзсагз бадибаннагзд̇и араханд̇з табзд̇ваа галяаан̣абут̇уж̇ж̇анзхи сад̣̇д̇хим̣ сзсз сзгкабуг̇г̇алзд̇и ад̇т̇о. д̇хаммасзд̇унд̇и маг̇г̇асзд̇ум̣, сзсабуг̇г̇алз сам̣саарад̇о д̇аарзд̇ум̣ д̇хаммасзд̇ум̣ табзд̇ваа гад̇асаб̣б̣агижжо худ̇ваа бариниб̣б̣ааяийд̇и ад̇т̇о. сзсам̣ хздтаа вуд̇д̇ад̇д̇аа саб̣б̣ад̇т̇а уд̇д̇аанамзваад̇и.
Uḷūhīti tārāhi, yathā tārāhi gaganatalaṃ vicittaṃ sobhati, tatheva tassa sāsanaṃ arahantehi vicittaṃ upasobhatīti attho. Saṃsārasotaṃ taraṇāyāti saṃsārasāgarassa taraṇatthaṃ. Sesake paṭipannaketi arahante ṭhapetvā kalyāṇaputhujjanehi saddhiṃ sese sekkhapuggaleti attho. Dhammasetunti maggasetuṃ, sesapuggale saṃsārato tāretuṃ dhammasetuṃ ṭhapetvā katasabbakicco hutvā parinibbāyīti attho. Sesaṃ heṭṭhā vuttattā sabbattha uttānamevāti.
наарад̣̇аб̣уд̣̇д̇хавам̣саван̣н̣анаа нидтид̇аа.
Nāradabuddhavaṃsavaṇṇanā niṭṭhitā.
нидтид̇о навамо б̣уд̣̇д̇хавам̣со.
Niṭṭhito navamo buddhavaṃso.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 11. наарад̣̇аб̣уд̣̇д̇хавам̣со • 11. Nāradabuddhavaṃso
