| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
១០. នារទសុត្តវណ្ណនា
10. Nāradasuttavaṇṇanā
៥០. ទសមេ អជ្ឈោមុច្ឆិតោតិ អធិឱមុច្ឆិតោ គិលិត្វា បរិនិដ្ឋបេត្វា គហណសភាវាយ អតិរេកមុច្ឆាយ តណ្ហាយ សមន្នាគតោ។ មហច្ចា រាជានុភាវេនាតិ មហតា រាជានុភាវេន, អដ្ឋារសហិ សេនីហិ បរិវារិតោ មហតិយា រាជិទ្ធិយា បាយាសីតិ អត្ថោ។ តគ្ឃាតិ ឯកំសត្ថេ និបាតោ , ឯកំសេនេវ សោកសល្លហរណោតិ អត្ថោ។ ឥតិ រាជា ឥមំ ឱវាទំ សុត្វា តស្មិំ ឋិតោ ធម្មេន សមេន រជ្ជំ ការេត្វា សគ្គបរាយណោ អហោសិ។
50. Dasame ajjhomucchitoti adhiomucchito gilitvā pariniṭṭhapetvā gahaṇasabhāvāya atirekamucchāya taṇhāya samannāgato. Mahaccā rājānubhāvenāti mahatā rājānubhāvena, aṭṭhārasahi senīhi parivārito mahatiyā rājiddhiyā pāyāsīti attho. Tagghāti ekaṃsatthe nipāto , ekaṃseneva sokasallaharaṇoti attho. Iti rājā imaṃ ovādaṃ sutvā tasmiṃ ṭhito dhammena samena rajjaṃ kāretvā saggaparāyaṇo ahosi.
មុណ្ឌរាជវគ្គោ បញ្ចមោ។
Muṇḍarājavaggo pañcamo.
បឋមបណ្ណាសកំ និដ្ឋិតំ។
Paṭhamapaṇṇāsakaṃ niṭṭhitaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១០. នារទសុត្តំ • 10. Nāradasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១០. នារទសុត្តវណ្ណនា • 10. Nāradasuttavaṇṇanā
