| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
10. නාරදසුත්‌තවණ්‌ණනා
10. Nāradasuttavaṇṇanā
50. දසමෙ අජ්‌ඣොමුච්‌ඡිතොති අධිඔමුච්‌ඡිතො ගිලිත්‌වා පරිනිට්‌ඨපෙත්‌වා ගහණසභාවාය අතිරෙකමුච්‌ඡාය තණ්‌හාය සමන්‌නාගතො. මහච්‌චා රාජානුභාවෙනාති මහතා රාජානුභාවෙන, අට්‌ඨාරසහි සෙනීහි පරිවාරිතො මහතියා රාජිද්‌ධියා පායාසීති අත්‌ථො. තග්‌ඝාති එකංසත්‌ථෙ නිපාතො , එකංසෙනෙව සොකසල්‌ලහරණොති අත්‌ථො. ඉති රාජා ඉමං ඔවාදං සුත්‌වා තස්‌මිං ඨිතො ධම්‌මෙන සමෙන රජ්‌ජං කාරෙත්‌වා සග්‌ගපරායණො අහොසි.
50. Dasame ajjhomucchitoti adhiomucchito gilitvā pariniṭṭhapetvā gahaṇasabhāvāya atirekamucchāya taṇhāya samannāgato. Mahaccā rājānubhāvenāti mahatā rājānubhāvena, aṭṭhārasahi senīhi parivārito mahatiyā rājiddhiyā pāyāsīti attho. Tagghāti ekaṃsatthe nipāto , ekaṃseneva sokasallaharaṇoti attho. Iti rājā imaṃ ovādaṃ sutvā tasmiṃ ṭhito dhammena samena rajjaṃ kāretvā saggaparāyaṇo ahosi.
මුණ්‌ඩරාජවග්‌ගො පඤ්‌චමො.
Muṇḍarājavaggo pañcamo.
පඨමපණ්‌ණාසකං නිට්‌ඨිතං.
Paṭhamapaṇṇāsakaṃ niṭṭhitaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 10. නාරදසුත්‌තං • 10. Nāradasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 10. නාරදසුත්‌තවණ්‌ණනා • 10. Nāradasuttavaṇṇanā
