| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
наарад̣̇о б̣уд̣̇д̇хо
Nārado buddho
д̇асса абарабхааг̇з наарад̣̇о наама сад̇т̇аа уд̣̇абаад̣̇и. д̇ассааби д̇аяо саавагасаннибаад̇аа. батамасаннибаад̇з годисад̇асахассам̣ бхигкуу ахзсум̣, д̣̇уд̇ияз навуд̇игодисахассаани, д̇ад̇ияз асийд̇игодисахассаани. д̇ад̣̇аа б̣од̇хисад̇д̇о исибаб̣б̣аж̇ж̇ам̣ баб̣б̣аж̇ид̇ваа бан̃жасу абхин̃н̃аасу адтасу жа самаабад̇д̇ийсу жин̣н̣авасий худ̇ваа б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа лохид̇ажанд̣̇анзна бууж̇ам̣ агааси. соби нам̣ сад̇т̇аа ‘‘анааг̇ад̇з б̣уд̣̇д̇хо бхависсад̇ий’’д̇и б̣яаагааси. д̇асса бана бхаг̇авад̇о д̇хан̃н̃авад̇ий наама наг̇арам̣ ахоси, суд̣̇зво наама кад̇д̇ияо бид̇аа, аномаа наама маад̇аа д̣̇звий, бхад̣̇д̣̇асаало жа ж̇ид̇амид̇д̇о жа д̣̇вз аг̇г̇асаавагаа, ваасздто наамубадтааго, уд̇д̇араа жа паг̇г̇уний жа д̣̇вз аг̇г̇асаавигаа, махаасон̣аругко наама б̣од̇хи, сарийрам̣ адтаасийд̇ихад̇т̇уб̣б̣зд̇хам̣ ахоси, навуд̇и вассасахассаани ааяууд̇и.
Tassa aparabhāge nārado nāma satthā udapādi. Tassāpi tayo sāvakasannipātā. Paṭhamasannipāte koṭisatasahassaṃ bhikkhū ahesuṃ, dutiye navutikoṭisahassāni, tatiye asītikoṭisahassāni. Tadā bodhisatto isipabbajjaṃ pabbajitvā pañcasu abhiññāsu aṭṭhasu ca samāpattīsu ciṇṇavasī hutvā buddhappamukhassa bhikkhusaṅghassa mahādānaṃ datvā lohitacandanena pūjaṃ akāsi. Sopi naṃ satthā ‘‘anāgate buddho bhavissatī’’ti byākāsi. Tassa pana bhagavato dhaññavatī nāma nagaraṃ ahosi, sudevo nāma khattiyo pitā, anomā nāma mātā devī, bhaddasālo ca jitamitto ca dve aggasāvakā, vāseṭṭho nāmupaṭṭhāko, uttarā ca phaggunī ca dve aggasāvikā, mahāsoṇarukkho nāma bodhi, sarīraṃ aṭṭhāsītihatthubbedhaṃ ahosi, navuti vassasahassāni āyūti.
‘‘бад̣̇умасса абарзна, самб̣уд̣̇д̇хо д̣̇вибад̣̇уд̇д̇амо;
‘‘Padumassa aparena, sambuddho dvipaduttamo;
наарад̣̇о наама наамзна, асамо аббадибуг̇г̇ало’’д̇и. (б̣у. вам̣. 11.1);
Nārado nāma nāmena, asamo appaṭipuggalo’’ti. (bu. vaṃ. 11.1);
