| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
насаммаавад̇д̇анаад̣̇игат̇аа
Nasammāvattanādikathā
68. на саммаа вад̇д̇анд̇ийд̇и яат̇аабан̃н̃ад̇д̇ам̣ убаж̇жхааяавад̇д̇ам̣ на буурзнд̇и. яо на саммаа вад̇д̇зяяаад̇и яо яат̇аабан̃н̃ад̇д̇ам̣ вад̇д̇ам̣ на буурзяяа; со д̣̇уггадам̣ аабаж̇ж̇ад̇ийд̇и ад̇т̇о. бан̣аамзд̇аб̣б̣од̇и абасаад̣̇зд̇аб̣б̣о. на ад̇химад̇д̇ам̣ бзмам̣ ход̇ийд̇и убаж̇жхааяамхи ад̇химад̇д̇ам̣ г̇зхассид̇абзмам̣ на ход̇и. наад̇химад̇д̇аа бхааванаа ход̇ийд̇и ад̇химад̇д̇аа мзд̇д̇аабхааванаа на ход̇и; вуд̇д̇абадибагканаязна суггабагко взд̣̇ид̇аб̣б̣о. алам̣ бан̣аамзд̇унд̇и яуд̇д̇о бан̣аамзд̇ум̣.
68.Na sammā vattantīti yathāpaññattaṃ upajjhāyavattaṃ na pūrenti. Yo na sammā vatteyyāti yo yathāpaññattaṃ vattaṃ na pūreyya; so dukkaṭaṃ āpajjatīti attho. Paṇāmetabboti apasādetabbo. Na adhimattaṃ pemaṃ hotīti upajjhāyamhi adhimattaṃ gehassitapemaṃ na hoti. Nādhimattābhāvanā hotīti adhimattā mettābhāvanā na hoti; vuttapaṭipakkhanayena sukkapakkho veditabbo. Alaṃ paṇāmetunti yutto paṇāmetuṃ.
аббан̣аамзнд̇о убаж̇жхааяо саад̇исааро ход̇ийд̇и сад̣̇осо ход̇и, аабад̇д̇им̣ аабаж̇ж̇ад̇и; д̇асмаа на саммаа вад̇д̇анд̇о бан̣аамзд̇аб̣б̣ова. на саммаавад̇д̇анааяа жа яаава жийварараж̇анам̣ д̇аава вад̇д̇з агарияамаанз убаж̇жхааяасса барихаани ход̇и. д̇асмаа д̇ам̣ агаронд̇асса ниссаяамуд̇д̇агассааби амуд̇д̇агассааби аабад̇д̇иязва. згажжасса бад̇д̇ад̣̇аанад̇о бадтааяа амуд̇д̇аганиссаяассзва аабад̇д̇и.
Appaṇāmento upajjhāyo sātisāro hotīti sadoso hoti, āpattiṃ āpajjati; tasmā na sammā vattanto paṇāmetabbova. Na sammāvattanāya ca yāva cīvararajanaṃ tāva vatte akariyamāne upajjhāyassa parihāni hoti. Tasmā taṃ akarontassa nissayamuttakassāpi amuttakassāpi āpattiyeva. Ekaccassa pattadānato paṭṭhāya amuttakanissayasseva āpatti.
сад̣̇д̇хивихааригаа саммаа вад̇д̇анд̇и, убаж̇жхааяо саммаа на вад̇д̇ад̇и, убаж̇жхааяасса аабад̇д̇и. убаж̇жхааяо саммаа вад̇д̇ад̇и, сад̣̇д̇хивихааригаа саммаа на вад̇д̇анд̇и, д̇зсам̣ аабад̇д̇и. убаж̇жхааяз вад̇д̇ам̣ саад̣̇ияанд̇з сад̣̇д̇хивихааригаа б̣ахугааби хонд̇и, саб̣б̣зсам̣ аабад̇д̇и. сажз убаж̇жхааяо ‘‘маяхам̣ убадтааго ад̇т̇и, д̇умхз ад̇д̇ано саж̇жхааяаманасигаараад̣̇ийсу яог̇ам̣ гарот̇аа’’д̇и вад̣̇ад̇и, сад̣̇д̇хивихааригаанам̣ анаабад̇д̇и. сажз убаж̇жхааяо саад̣̇ияанам̣ ваа асаад̣̇ияанам̣ ваа на ж̇аанаад̇и, б̣аало ход̇и, сад̣̇д̇хивихааригаа б̣ахугаа. д̇зсу зго вад̇д̇асамбанно бхигку ‘‘убаж̇жхааяасса гижжам̣ ахам̣ гариссаами, д̇умхз аббоссуггаа вихарат̇аа’’д̇и зван̃жз ад̇д̇ано бхаарам̣ гад̇ваа ид̇арз виссаж̇ж̇зд̇и, д̇асса бхаарагаран̣ад̇о бадтааяа д̇зсам̣ анаабад̇д̇и.
Saddhivihārikā sammā vattanti, upajjhāyo sammā na vattati, upajjhāyassa āpatti. Upajjhāyo sammā vattati, saddhivihārikā sammā na vattanti, tesaṃ āpatti. Upajjhāye vattaṃ sādiyante saddhivihārikā bahukāpi honti, sabbesaṃ āpatti. Sace upajjhāyo ‘‘mayhaṃ upaṭṭhāko atthi, tumhe attano sajjhāyamanasikārādīsu yogaṃ karothā’’ti vadati, saddhivihārikānaṃ anāpatti. Sace upajjhāyo sādiyanaṃ vā asādiyanaṃ vā na jānāti, bālo hoti, saddhivihārikā bahukā. Tesu eko vattasampanno bhikkhu ‘‘upajjhāyassa kiccaṃ ahaṃ karissāmi, tumhe appossukkā viharathā’’ti evañce attano bhāraṃ katvā itare vissajjeti, tassa bhārakaraṇato paṭṭhāya tesaṃ anāpatti.
насаммаавад̇д̇анаад̣̇игат̇аа нидтид̇аа.
Nasammāvattanādikathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 17. бан̣аамид̇агат̇аа • 17. Paṇāmitakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / насаммаавад̇д̇анаад̣̇игат̇ааван̣н̣анаа • Nasammāvattanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / насаммаавад̇д̇анаад̣̇игат̇ааван̣н̣анаа • Nasammāvattanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / насаммаавад̇д̇анаад̣̇игат̇ааван̣н̣анаа • Nasammāvattanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / насаммаавад̇д̇анаад̣̇игат̇аа • Nasammāvattanādikathā
