| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਨਸਮ੍ਮਾવਤ੍ਤਨਾਦਿਕਥਾ
Nasammāvattanādikathā
੬੮. ਨ ਸਮ੍ਮਾ વਤ੍ਤਨ੍ਤੀਤਿ ਯਥਾਪਞ੍ਞਤ੍ਤਂ ਉਪਜ੍ਝਾਯવਤ੍ਤਂ ਨ ਪੂਰੇਨ੍ਤਿ। ਯੋ ਨ ਸਮ੍ਮਾ વਤ੍ਤੇਯ੍ਯਾਤਿ ਯੋ ਯਥਾਪਞ੍ਞਤ੍ਤਂ વਤ੍ਤਂ ਨ ਪੂਰੇਯ੍ਯ; ਸੋ ਦੁਕ੍ਕਟਂ ਆਪਜ੍ਜਤੀਤਿ ਅਤ੍ਥੋ। ਪਣਾਮੇਤਬ੍ਬੋਤਿ ਅਪਸਾਦੇਤਬ੍ਬੋ। ਨ ਅਧਿਮਤ੍ਤਂ ਪੇਮਂ ਹੋਤੀਤਿ ਉਪਜ੍ਝਾਯਮ੍ਹਿ ਅਧਿਮਤ੍ਤਂ ਗੇਹਸ੍ਸਿਤਪੇਮਂ ਨ ਹੋਤਿ। ਨਾਧਿਮਤ੍ਤਾ ਭਾવਨਾ ਹੋਤੀਤਿ ਅਧਿਮਤ੍ਤਾ ਮੇਤ੍ਤਾਭਾવਨਾ ਨ ਹੋਤਿ; વੁਤ੍ਤਪਟਿਪਕ੍ਖਨਯੇਨ ਸੁਕ੍ਕਪਕ੍ਖੋ વੇਦਿਤਬ੍ਬੋ। ਅਲਂ ਪਣਾਮੇਤੁਨ੍ਤਿ ਯੁਤ੍ਤੋ ਪਣਾਮੇਤੁਂ।
68.Na sammā vattantīti yathāpaññattaṃ upajjhāyavattaṃ na pūrenti. Yo na sammā vatteyyāti yo yathāpaññattaṃ vattaṃ na pūreyya; so dukkaṭaṃ āpajjatīti attho. Paṇāmetabboti apasādetabbo. Na adhimattaṃ pemaṃ hotīti upajjhāyamhi adhimattaṃ gehassitapemaṃ na hoti. Nādhimattābhāvanā hotīti adhimattā mettābhāvanā na hoti; vuttapaṭipakkhanayena sukkapakkho veditabbo. Alaṃ paṇāmetunti yutto paṇāmetuṃ.
ਅਪ੍ਪਣਾਮੇਨ੍ਤੋ ਉਪਜ੍ਝਾਯੋ ਸਾਤਿਸਾਰੋ ਹੋਤੀਤਿ ਸਦੋਸੋ ਹੋਤਿ, ਆਪਤ੍ਤਿਂ ਆਪਜ੍ਜਤਿ; ਤਸ੍ਮਾ ਨ ਸਮ੍ਮਾ વਤ੍ਤਨ੍ਤੋ ਪਣਾਮੇਤਬ੍ਬੋવ। ਨ ਸਮ੍ਮਾવਤ੍ਤਨਾਯ ਚ ਯਾવ ਚੀવਰਰਜਨਂ ਤਾવ વਤ੍ਤੇ ਅਕਰਿਯਮਾਨੇ ਉਪਜ੍ਝਾਯਸ੍ਸ ਪਰਿਹਾਨਿ ਹੋਤਿ। ਤਸ੍ਮਾ ਤਂ ਅਕਰੋਨ੍ਤਸ੍ਸ ਨਿਸ੍ਸਯਮੁਤ੍ਤਕਸ੍ਸਾਪਿ ਅਮੁਤ੍ਤਕਸ੍ਸਾਪਿ ਆਪਤ੍ਤਿਯੇવ। ਏਕਚ੍ਚਸ੍ਸ ਪਤ੍ਤਦਾਨਤੋ ਪਟ੍ਠਾਯ ਅਮੁਤ੍ਤਕਨਿਸ੍ਸਯਸ੍ਸੇવ ਆਪਤ੍ਤਿ।
Appaṇāmento upajjhāyo sātisāro hotīti sadoso hoti, āpattiṃ āpajjati; tasmā na sammā vattanto paṇāmetabbova. Na sammāvattanāya ca yāva cīvararajanaṃ tāva vatte akariyamāne upajjhāyassa parihāni hoti. Tasmā taṃ akarontassa nissayamuttakassāpi amuttakassāpi āpattiyeva. Ekaccassa pattadānato paṭṭhāya amuttakanissayasseva āpatti.
ਸਦ੍ਧਿવਿਹਾਰਿਕਾ ਸਮ੍ਮਾ વਤ੍ਤਨ੍ਤਿ, ਉਪਜ੍ਝਾਯੋ ਸਮ੍ਮਾ ਨ વਤ੍ਤਤਿ, ਉਪਜ੍ਝਾਯਸ੍ਸ ਆਪਤ੍ਤਿ। ਉਪਜ੍ਝਾਯੋ ਸਮ੍ਮਾ વਤ੍ਤਤਿ, ਸਦ੍ਧਿવਿਹਾਰਿਕਾ ਸਮ੍ਮਾ ਨ વਤ੍ਤਨ੍ਤਿ, ਤੇਸਂ ਆਪਤ੍ਤਿ। ਉਪਜ੍ਝਾਯੇ વਤ੍ਤਂ ਸਾਦਿਯਨ੍ਤੇ ਸਦ੍ਧਿવਿਹਾਰਿਕਾ ਬਹੁਕਾਪਿ ਹੋਨ੍ਤਿ, ਸਬ੍ਬੇਸਂ ਆਪਤ੍ਤਿ। ਸਚੇ ਉਪਜ੍ਝਾਯੋ ‘‘ਮਯ੍ਹਂ ਉਪਟ੍ਠਾਕੋ ਅਤ੍ਥਿ, ਤੁਮ੍ਹੇ ਅਤ੍ਤਨੋ ਸਜ੍ਝਾਯਮਨਸਿਕਾਰਾਦੀਸੁ ਯੋਗਂ ਕਰੋਥਾ’’ਤਿ વਦਤਿ, ਸਦ੍ਧਿવਿਹਾਰਿਕਾਨਂ ਅਨਾਪਤ੍ਤਿ। ਸਚੇ ਉਪਜ੍ਝਾਯੋ ਸਾਦਿਯਨਂ વਾ ਅਸਾਦਿਯਨਂ વਾ ਨ ਜਾਨਾਤਿ, ਬਾਲੋ ਹੋਤਿ, ਸਦ੍ਧਿવਿਹਾਰਿਕਾ ਬਹੁਕਾ। ਤੇਸੁ ਏਕੋ વਤ੍ਤਸਮ੍ਪਨ੍ਨੋ ਭਿਕ੍ਖੁ ‘‘ਉਪਜ੍ਝਾਯਸ੍ਸ ਕਿਚ੍ਚਂ ਅਹਂ ਕਰਿਸ੍ਸਾਮਿ, ਤੁਮ੍ਹੇ ਅਪ੍ਪੋਸ੍ਸੁਕ੍ਕਾ વਿਹਰਥਾ’’ਤਿ ਏવਞ੍ਚੇ ਅਤ੍ਤਨੋ ਭਾਰਂ ਕਤ੍વਾ ਇਤਰੇ વਿਸ੍ਸਜ੍ਜੇਤਿ, ਤਸ੍ਸ ਭਾਰਕਰਣਤੋ ਪਟ੍ਠਾਯ ਤੇਸਂ ਅਨਾਪਤ੍ਤਿ।
Saddhivihārikā sammā vattanti, upajjhāyo sammā na vattati, upajjhāyassa āpatti. Upajjhāyo sammā vattati, saddhivihārikā sammā na vattanti, tesaṃ āpatti. Upajjhāye vattaṃ sādiyante saddhivihārikā bahukāpi honti, sabbesaṃ āpatti. Sace upajjhāyo ‘‘mayhaṃ upaṭṭhāko atthi, tumhe attano sajjhāyamanasikārādīsu yogaṃ karothā’’ti vadati, saddhivihārikānaṃ anāpatti. Sace upajjhāyo sādiyanaṃ vā asādiyanaṃ vā na jānāti, bālo hoti, saddhivihārikā bahukā. Tesu eko vattasampanno bhikkhu ‘‘upajjhāyassa kiccaṃ ahaṃ karissāmi, tumhe appossukkā viharathā’’ti evañce attano bhāraṃ katvā itare vissajjeti, tassa bhārakaraṇato paṭṭhāya tesaṃ anāpatti.
ਨਸਮ੍ਮਾવਤ੍ਤਨਾਦਿਕਥਾ ਨਿਟ੍ਠਿਤਾ।
Nasammāvattanādikathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੭. ਪਣਾਮਿਤਕਥਾ • 17. Paṇāmitakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਨਸਮ੍ਮਾવਤ੍ਤਨਾਦਿਕਥਾવਣ੍ਣਨਾ • Nasammāvattanādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਨਸਮ੍ਮਾવਤ੍ਤਨਾਦਿਕਥਾવਣ੍ਣਨਾ • Nasammāvattanādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਨਸਮ੍ਮਾવਤ੍ਤਨਾਦਿਕਥਾવਣ੍ਣਨਾ • Nasammāvattanādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਨਸਮ੍ਮਾવਤ੍ਤਨਾਦਿਕਥਾ • Nasammāvattanādikathā
