| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
நஸம்மாவத்தனாதி³கதா²வண்ணனா
Nasammāvattanādikathāvaṇṇanā
68. நஸம்மாவத்தனாதி³கதா²யங் கே³ஹஸ்ஸிதபேமந்தி ‘‘பிதா மே அய’’ந்தி ஏவங் உப்பன்னபேமங். உபஜ்ஜா²யம்ஹி பிதுசித்துபட்டா²னமேவ ஹி இத⁴ கே³ஹஸ்ஸிதபேமங் நாம. ந ஹி இத³ங் அகுஸலபக்கி²யங் கே³ஹஸ்ஸிதபேமங் ஸந்தா⁴ய வுத்தங் படிவித்³த⁴ஸச்சானங் பஹீனானுகே³தா⁴னங் தத³ஸம்ப⁴வதோ, ந ச ப⁴க³வா பி⁴க்கூ² ஸங்கிலேஸே நியோஜேதி, கே³ஹஸ்ஸிதபேமஸதி³ஸத்தா பன பேமமுகே²ன மெத்தாஸினேஹோ இத⁴ வுத்தோதி வேதி³தப்³ப³ங். ‘‘தேஸு ஏகோ வத்தஸம்பன்னோ பி⁴க்கு²…பே॰… தேஸங் அனாபத்தீ’’தி வசனதோ ஸசே ஏகோ வத்தஸம்பன்னோ பி⁴க்கு² ‘‘ப⁴ந்தே, தும்ஹே அப்பொஸ்ஸுக்கா ஹோத², அஹங் தும்ஹாகங் ஸத்³தி⁴விஹாரிகங் அந்தேவாஸிகங் வா கி³லானங் உபட்ட²ஹிஸ்ஸாமி, ஓவதி³தப்³ப³ங் ஓவதி³ஸ்ஸாமி, இதி கரணீயேஸு உஸ்ஸுக்கங் ஆபஜ்ஜிஸ்ஸாமீ’’தி வத³தி, தே ஏவ வா ஸத்³தி⁴விஹாரிகாத³யோ ‘‘ப⁴ந்தே, தும்ஹே கேவலங் அப்பொஸ்ஸுக்கா ஹோதா²’’தி வத³ந்தி, வத்தங் வா ந ஸாதி³யந்தி , ததோ பட்டா²ய ஆசரியுபஜ்ஜா²யானங் அனாபத்தீதி வத³ந்தி. ஸேஸமெத்த² உத்தானமேவ.
68. Nasammāvattanādikathāyaṃ gehassitapemanti ‘‘pitā me aya’’nti evaṃ uppannapemaṃ. Upajjhāyamhi pitucittupaṭṭhānameva hi idha gehassitapemaṃ nāma. Na hi idaṃ akusalapakkhiyaṃ gehassitapemaṃ sandhāya vuttaṃ paṭividdhasaccānaṃ pahīnānugedhānaṃ tadasambhavato, na ca bhagavā bhikkhū saṃkilese niyojeti, gehassitapemasadisattā pana pemamukhena mettāsineho idha vuttoti veditabbaṃ. ‘‘Tesu eko vattasampanno bhikkhu…pe… tesaṃ anāpattī’’ti vacanato sace eko vattasampanno bhikkhu ‘‘bhante, tumhe appossukkā hotha, ahaṃ tumhākaṃ saddhivihārikaṃ antevāsikaṃ vā gilānaṃ upaṭṭhahissāmi, ovaditabbaṃ ovadissāmi, iti karaṇīyesu ussukkaṃ āpajjissāmī’’ti vadati, te eva vā saddhivihārikādayo ‘‘bhante, tumhe kevalaṃ appossukkā hothā’’ti vadanti, vattaṃ vā na sādiyanti , tato paṭṭhāya ācariyupajjhāyānaṃ anāpattīti vadanti. Sesamettha uttānameva.
நஸம்மாவத்தனாதி³கதா²வண்ணனா நிட்டி²தா.
Nasammāvattanādikathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 17. பணாமிதகதா² • 17. Paṇāmitakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / நஸம்மாவத்தனாதி³கதா² • Nasammāvattanādikathā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / நஸம்மாவத்தனாதி³கதா²வண்ணனா • Nasammāvattanādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / நஸம்மாவத்தனாதி³கதா²வண்ணனா • Nasammāvattanādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / நஸம்மாவத்தனாதி³கதா² • Nasammāvattanādikathā
