| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
நஸம்மாவத்தனாதி³கதா²வண்ணனா
Nasammāvattanādikathāvaṇṇanā
68. அதி⁴மத்தங் கே³ஹஸ்ஸிதபேமங் ந ஹோதீதி எத்த² கே³ஹஸ்ஸிதபேமங் ந அகுஸலமிச்சேவ த³ட்ட²ப்³ப³ங் கீ²ணாஸவானம்பி ஸாதா⁴ரணத்தா இமஸ்ஸ லக்க²ணஸ்ஸ. ந கீ²ணாஸவானங் அஸம்மாவத்தனாபா⁴வதோதி சே? ந, தேஸங் ந பணாமேதப்³ப³ங் தங்ஸமன்னாக³மனஸித்³தி⁴தோ, தஸ்மா ‘‘மமேஸ பா⁴ரோ’’தி மமத்தகரணங் தத்த² பேமந்தி வேதி³தப்³ப³ங். ‘‘ஏகோ வத்தஸம்பன்னோ…பே॰… தேஸங் அனாபத்தீ’தி எத்த² விய ஸசே ஏகோ வத்தஸம்பன்னோ பி⁴க்கு² ‘ப⁴ந்தே, தும்ஹே அப்பொஸ்ஸுக்கா ஹோத², அஹங் தும்ஹாகங் ஸத்³தி⁴விஹாரிகங், அந்தேவாஸிகங் வா கி³லானங் வா உபட்ட²ஹிஸ்ஸாமி, ஓவதி³தப்³ப³ங் ஓவதி³ஸ்ஸாமி, இதி கரணீயேஸு உஸ்ஸுக்கங் ஆபஜ்ஜிஸ்ஸாமீ’தி வத³தி, தே ஏவாஸத்³தி⁴விஹாரிகாத³யோ ‘ப⁴ந்தே, தும்ஹேவ கேவலங் அப்பொஸ்ஸுக்கா ஹோதா²’தி வத³ந்தி, வத்தங் வா ந ஸாதி³யந்தி, ததோ பட்டா²ய ஆசரியுபஜ்ஜா²யானங் அனாபத்தீ’’தி வுத்தங்.
68.Adhimattaṃ gehassitapemaṃ na hotīti ettha gehassitapemaṃ na akusalamicceva daṭṭhabbaṃ khīṇāsavānampi sādhāraṇattā imassa lakkhaṇassa. Na khīṇāsavānaṃ asammāvattanābhāvatoti ce? Na, tesaṃ na paṇāmetabbaṃ taṃsamannāgamanasiddhito, tasmā ‘‘mamesa bhāro’’ti mamattakaraṇaṃ tattha pemanti veditabbaṃ. ‘‘Eko vattasampanno…pe… tesaṃ anāpattī’ti ettha viya sace eko vattasampanno bhikkhu ‘bhante, tumhe appossukkā hotha, ahaṃ tumhākaṃ saddhivihārikaṃ, antevāsikaṃ vā gilānaṃ vā upaṭṭhahissāmi, ovaditabbaṃ ovadissāmi, iti karaṇīyesu ussukkaṃ āpajjissāmī’ti vadati, te evāsaddhivihārikādayo ‘bhante, tumheva kevalaṃ appossukkā hothā’ti vadanti, vattaṃ vā na sādiyanti, tato paṭṭhāya ācariyupajjhāyānaṃ anāpattī’’ti vuttaṃ.
நஸம்மாவத்தனாதி³கதா²வண்ணனா நிட்டி²தா.
Nasammāvattanādikathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 17. பணாமிதகதா² • 17. Paṇāmitakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / நஸம்மாவத்தனாதி³கதா² • Nasammāvattanādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / நஸம்மாவத்தனாதி³கதா²வண்ணனா • Nasammāvattanādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / நஸம்மாவத்தனாதி³கதா²வண்ணனா • Nasammāvattanādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / நஸம்மாவத்தனாதி³கதா² • Nasammāvattanādikathā
