| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
நஸம்மாவத்தனாதி³கதா²வண்ணனா
Nasammāvattanādikathāvaṇṇanā
68. நஸம்மாவத்தனாதி³கதா²யங் வத்தங் ந பூரெய்யாதி ‘‘வத்தகரணகாலோ’’தி வத்து²விஜானநவஸேன ஞத்வா மானகோஸஜ்ஜாதி³வஸேன வா உபஜ்ஜா²யாதீ³ஸு அனாத³ரேன வா ‘‘அகாதுங் ந வட்டதீ’’தி அஜானநதாய வா ந கரெய்ய, து³க்கடமேவ. அஸஞ்சிச்ச அஸதியாதிஆதீ³ஹி ச அகரொந்தஸ்ஸ பன அனாபத்தி. ஸப்³பா³னி ஹி வத்தானி ஸேகி²யானேவ, தஸ்மா ஸேகி²யேஸு வுத்தனயேனேவெத்த² ஸப்³போ³பி வினிச்ச²யோ வேதி³தப்³போ³. கே³ஹஸ்ஸிதபேமந்தி மெத்தாபேமங்.
68. Nasammāvattanādikathāyaṃ vattaṃ na pūreyyāti ‘‘vattakaraṇakālo’’ti vatthuvijānanavasena ñatvā mānakosajjādivasena vā upajjhāyādīsu anādarena vā ‘‘akātuṃ na vaṭṭatī’’ti ajānanatāya vā na kareyya, dukkaṭameva. Asañcicca asatiyātiādīhi ca akarontassa pana anāpatti. Sabbāni hi vattāni sekhiyāneva, tasmā sekhiyesu vuttanayenevettha sabbopi vinicchayo veditabbo. Gehassitapemanti mettāpemaṃ.
ஸாதி³யனங் வா அஸாதி³யனங் வா ந ஜானாதீதி ‘‘மயி ஸாதி³யந்தே அகரொந்தானங் ஆபத்தி ஹோதி, படிக்கி²பித்வா அஸாதி³யந்தே ஆபத்தி ந ஹோதீ’’தி ஏவங் ந ஜானாதீதி அத்தோ². ‘‘தேஸு ஏகோ வத்தஸம்பன்னோ பி⁴க்கு²…பே॰… தேஸங் அனாபத்தீ’’தி வசனதோ ஸசே கோசி ‘‘தும்ஹாகங் ஸத்³தி⁴விஹாரிகே, அந்தேவாஸிகே வா கி³லானே உபட்ட²ஹிஸ்ஸாமி, ஓவாதா³னுஸாஸனிஆதி³கங் ஸப்³ப³ங் கத்தப்³ப³ங் கரிஸ்ஸாமீ’’தி வத³தி, தே வா ஸத்³தி⁴விஹாரிகாத³யோ ‘‘அப்பொஸ்ஸுக்கா ஹோதா²’’தி வத³ந்தி, வத்தங் வா ந ஸாதி³யந்தி, ஆசரியுபஜ்ஜா²யானம்பி அனாபத்தி.
Sādiyanaṃvā asādiyanaṃ vā na jānātīti ‘‘mayi sādiyante akarontānaṃ āpatti hoti, paṭikkhipitvā asādiyante āpatti na hotī’’ti evaṃ na jānātīti attho. ‘‘Tesu eko vattasampanno bhikkhu…pe… tesaṃ anāpattī’’ti vacanato sace koci ‘‘tumhākaṃ saddhivihārike, antevāsike vā gilāne upaṭṭhahissāmi, ovādānusāsaniādikaṃ sabbaṃ kattabbaṃ karissāmī’’ti vadati, te vā saddhivihārikādayo ‘‘appossukkā hothā’’ti vadanti, vattaṃ vā na sādiyanti, ācariyupajjhāyānampi anāpatti.
நஸம்மாவத்தனாதி³கதா²வண்ணனா நிட்டி²தா.
Nasammāvattanādikathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 17. பணாமிதகதா² • 17. Paṇāmitakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / நஸம்மாவத்தனாதி³கதா² • Nasammāvattanādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / நஸம்மாவத்தனாதி³கதா²வண்ணனா • Nasammāvattanādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / நஸம்மாவத்தனாதி³கதா²வண்ணனா • Nasammāvattanādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / நஸம்மாவத்தனாதி³கதா² • Nasammāvattanādikathā
