| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
насаммаавад̇д̇анаад̣̇игат̇ааван̣н̣анаа
Nasammāvattanādikathāvaṇṇanā
68. насаммаавад̇д̇анаад̣̇игат̇ааяам̣ вад̇д̇ам̣ на буурзяяаад̇и ‘‘вад̇д̇агаран̣агаало’’д̇и вад̇т̇увиж̇аананавасзна н̃ад̇ваа маанагосаж̇ж̇аад̣̇ивасзна ваа убаж̇жхааяаад̣̇ийсу анаад̣̇арзна ваа ‘‘агаад̇ум̣ на ваддад̇ий’’д̇и аж̇аананад̇ааяа ваа на гарзяяа, д̣̇уггадамзва. асан̃жижжа асад̇ияаад̇иаад̣̇ийхи жа агаронд̇асса бана анаабад̇д̇и. саб̣б̣аани хи вад̇д̇аани сзкияаанзва, д̇асмаа сзкиязсу вуд̇д̇анаязнзвзд̇т̇а саб̣б̣оби винижчаяо взд̣̇ид̇аб̣б̣о. г̇зхассид̇абзманд̇и мзд̇д̇аабзмам̣.
68. Nasammāvattanādikathāyaṃ vattaṃ na pūreyyāti ‘‘vattakaraṇakālo’’ti vatthuvijānanavasena ñatvā mānakosajjādivasena vā upajjhāyādīsu anādarena vā ‘‘akātuṃ na vaṭṭatī’’ti ajānanatāya vā na kareyya, dukkaṭameva. Asañcicca asatiyātiādīhi ca akarontassa pana anāpatti. Sabbāni hi vattāni sekhiyāneva, tasmā sekhiyesu vuttanayenevettha sabbopi vinicchayo veditabbo. Gehassitapemanti mettāpemaṃ.
саад̣̇ияанам̣ ваа асаад̣̇ияанам̣ ваа на ж̇аанаад̇ийд̇и ‘‘маяи саад̣̇ияанд̇з агаронд̇аанам̣ аабад̇д̇и ход̇и, бадигкибид̇ваа асаад̣̇ияанд̇з аабад̇д̇и на ход̇ий’’д̇и звам̣ на ж̇аанаад̇ийд̇и ад̇т̇о. ‘‘д̇зсу зго вад̇д̇асамбанно бхигку…бз… д̇зсам̣ анаабад̇д̇ий’’д̇и важанад̇о сажз гожи ‘‘д̇умхаагам̣ сад̣̇д̇хивихааригз, анд̇зваасигз ваа г̇илаанз убадтахиссаами, оваад̣̇аанусаасаниаад̣̇игам̣ саб̣б̣ам̣ гад̇д̇аб̣б̣ам̣ гариссаамий’’д̇и вад̣̇ад̇и, д̇з ваа сад̣̇д̇хивихааригаад̣̇аяо ‘‘аббоссуггаа хот̇аа’’д̇и вад̣̇анд̇и, вад̇д̇ам̣ ваа на саад̣̇ияанд̇и, аажарияубаж̇жхааяаанамби анаабад̇д̇и.
Sādiyanaṃvā asādiyanaṃ vā na jānātīti ‘‘mayi sādiyante akarontānaṃ āpatti hoti, paṭikkhipitvā asādiyante āpatti na hotī’’ti evaṃ na jānātīti attho. ‘‘Tesu eko vattasampanno bhikkhu…pe… tesaṃ anāpattī’’ti vacanato sace koci ‘‘tumhākaṃ saddhivihārike, antevāsike vā gilāne upaṭṭhahissāmi, ovādānusāsaniādikaṃ sabbaṃ kattabbaṃ karissāmī’’ti vadati, te vā saddhivihārikādayo ‘‘appossukkā hothā’’ti vadanti, vattaṃ vā na sādiyanti, ācariyupajjhāyānampi anāpatti.
насаммаавад̇д̇анаад̣̇игат̇ааван̣н̣анаа нидтид̇аа.
Nasammāvattanādikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 17. бан̣аамид̇агат̇аа • 17. Paṇāmitakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / насаммаавад̇д̇анаад̣̇игат̇аа • Nasammāvattanādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / насаммаавад̇д̇анаад̣̇игат̇ааван̣н̣анаа • Nasammāvattanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / насаммаавад̇д̇анаад̣̇игат̇ааван̣н̣анаа • Nasammāvattanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / насаммаавад̇д̇анаад̣̇игат̇аа • Nasammāvattanādikathā
