| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
နသမ္မာဝတ္တနာဒိကထာဝဏ္ဏနာ
Nasammāvattanādikathāvaṇṇanā
၆၈. နသမ္မာဝတ္တနာဒိကထာယံ ဂေဟသ္သိတပေမန္တိ ‘‘ပိတာ မေ အယ’’န္တိ ဧဝံ ဥပ္ပန္နပေမံ။ ဥပဇ္ဈာယမ္ဟိ ပိတုစိတ္တုပဋ္ဌာနမေဝ ဟိ ဣဓ ဂေဟသ္သိတပေမံ နာမ။ န ဟိ ဣဒံ အကုသလပက္ခိယံ ဂေဟသ္သိတပေမံ သန္ဓာယ ဝုတ္တံ ပဋိဝိဒ္ဓသစ္စာနံ ပဟီနာနုဂေဓာနံ တဒသမ္ဘဝတော, န စ ဘဂဝာ ဘိက္ခူ သံကိလေသေ နိယောဇေတိ, ဂေဟသ္သိတပေမသဒိသတ္တာ ပန ပေမမုခေန မေတ္တာသိနေဟော ဣဓ ဝုတ္တောတိ ဝေဒိတဗ္ဗံ။ ‘‘တေသု ဧကော ဝတ္တသမ္ပန္နော ဘိက္ခု။ပေ.။ တေသံ အနာပတ္တီ’’တိ ဝစနတော သစေ ဧကော ဝတ္တသမ္ပန္နော ဘိက္ခု ‘‘ဘန္တေ, တုမ္ဟေ အပ္ပောသ္သုက္ကာ ဟောထ, အဟံ တုမ္ဟာကံ သဒ္ဓိဝိဟာရိကံ အန္တေဝာသိကံ ဝာ ဂိလာနံ ဥပဋ္ဌဟိသ္သာမိ, ဩဝဒိတဗ္ဗံ ဩဝဒိသ္သာမိ, ဣတိ ကရဏီယေသု ဥသ္သုက္ကံ အာပဇ္ဇိသ္သာမီ’’တိ ဝဒတိ, တေ ဧဝ ဝာ သဒ္ဓိဝိဟာရိကာဒယော ‘‘ဘန္တေ, တုမ္ဟေ ကေဝလံ အပ္ပောသ္သုက္ကာ ဟောထာ’’တိ ဝဒန္တိ, ဝတ္တံ ဝာ န သာဒိယန္တိ , တတော ပဋ္ဌာယ အာစရိယုပဇ္ဈာယာနံ အနာပတ္တီတိ ဝဒန္တိ။ သေသမေတ္ထ ဥတ္တာနမေဝ။
68. Nasammāvattanādikathāyaṃ gehassitapemanti ‘‘pitā me aya’’nti evaṃ uppannapemaṃ. Upajjhāyamhi pitucittupaṭṭhānameva hi idha gehassitapemaṃ nāma. Na hi idaṃ akusalapakkhiyaṃ gehassitapemaṃ sandhāya vuttaṃ paṭividdhasaccānaṃ pahīnānugedhānaṃ tadasambhavato, na ca bhagavā bhikkhū saṃkilese niyojeti, gehassitapemasadisattā pana pemamukhena mettāsineho idha vuttoti veditabbaṃ. ‘‘Tesu eko vattasampanno bhikkhu…pe… tesaṃ anāpattī’’ti vacanato sace eko vattasampanno bhikkhu ‘‘bhante, tumhe appossukkā hotha, ahaṃ tumhākaṃ saddhivihārikaṃ antevāsikaṃ vā gilānaṃ upaṭṭhahissāmi, ovaditabbaṃ ovadissāmi, iti karaṇīyesu ussukkaṃ āpajjissāmī’’ti vadati, te eva vā saddhivihārikādayo ‘‘bhante, tumhe kevalaṃ appossukkā hothā’’ti vadanti, vattaṃ vā na sādiyanti , tato paṭṭhāya ācariyupajjhāyānaṃ anāpattīti vadanti. Sesamettha uttānameva.
နသမ္မာဝတ္တနာဒိကထာဝဏ္ဏနာ နိဋ္ဌိတာ။
Nasammāvattanādikathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၇. ပဏာမိတကထာ • 17. Paṇāmitakathā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / နသမ္မာဝတ္တနာဒိကထာ • Nasammāvattanādikathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / နသမ္မာဝတ္တနာဒိကထာဝဏ္ဏနာ • Nasammāvattanādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / နသမ္မာဝတ္တနာဒိကထာဝဏ္ဏနာ • Nasammāvattanādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / နသမ္မာဝတ္တနာဒိကထာ • Nasammāvattanādikathā
