| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ನಸಮ್ಮಾವತ್ತನಾದಿಕಥಾವಣ್ಣನಾ
Nasammāvattanādikathāvaṇṇanā
೬೮. ನಸಮ್ಮಾವತ್ತನಾದಿಕಥಾಯಂ ವತ್ತಂ ನ ಪೂರೇಯ್ಯಾತಿ ‘‘ವತ್ತಕರಣಕಾಲೋ’’ತಿ ವತ್ಥುವಿಜಾನನವಸೇನ ಞತ್ವಾ ಮಾನಕೋಸಜ್ಜಾದಿವಸೇನ ವಾ ಉಪಜ್ಝಾಯಾದೀಸು ಅನಾದರೇನ ವಾ ‘‘ಅಕಾತುಂ ನ ವಟ್ಟತೀ’’ತಿ ಅಜಾನನತಾಯ ವಾ ನ ಕರೇಯ್ಯ, ದುಕ್ಕಟಮೇವ। ಅಸಞ್ಚಿಚ್ಚ ಅಸತಿಯಾತಿಆದೀಹಿ ಚ ಅಕರೋನ್ತಸ್ಸ ಪನ ಅನಾಪತ್ತಿ। ಸಬ್ಬಾನಿ ಹಿ ವತ್ತಾನಿ ಸೇಖಿಯಾನೇವ, ತಸ್ಮಾ ಸೇಖಿಯೇಸು ವುತ್ತನಯೇನೇವೇತ್ಥ ಸಬ್ಬೋಪಿ ವಿನಿಚ್ಛಯೋ ವೇದಿತಬ್ಬೋ। ಗೇಹಸ್ಸಿತಪೇಮನ್ತಿ ಮೇತ್ತಾಪೇಮಂ।
68. Nasammāvattanādikathāyaṃ vattaṃ na pūreyyāti ‘‘vattakaraṇakālo’’ti vatthuvijānanavasena ñatvā mānakosajjādivasena vā upajjhāyādīsu anādarena vā ‘‘akātuṃ na vaṭṭatī’’ti ajānanatāya vā na kareyya, dukkaṭameva. Asañcicca asatiyātiādīhi ca akarontassa pana anāpatti. Sabbāni hi vattāni sekhiyāneva, tasmā sekhiyesu vuttanayenevettha sabbopi vinicchayo veditabbo. Gehassitapemanti mettāpemaṃ.
ಸಾದಿಯನಂ ವಾ ಅಸಾದಿಯನಂ ವಾ ನ ಜಾನಾತೀತಿ ‘‘ಮಯಿ ಸಾದಿಯನ್ತೇ ಅಕರೋನ್ತಾನಂ ಆಪತ್ತಿ ಹೋತಿ, ಪಟಿಕ್ಖಿಪಿತ್ವಾ ಅಸಾದಿಯನ್ತೇ ಆಪತ್ತಿ ನ ಹೋತೀ’’ತಿ ಏವಂ ನ ಜಾನಾತೀತಿ ಅತ್ಥೋ। ‘‘ತೇಸು ಏಕೋ ವತ್ತಸಮ್ಪನ್ನೋ ಭಿಕ್ಖು…ಪೇ॰… ತೇಸಂ ಅನಾಪತ್ತೀ’’ತಿ ವಚನತೋ ಸಚೇ ಕೋಚಿ ‘‘ತುಮ್ಹಾಕಂ ಸದ್ಧಿವಿಹಾರಿಕೇ, ಅನ್ತೇವಾಸಿಕೇ ವಾ ಗಿಲಾನೇ ಉಪಟ್ಠಹಿಸ್ಸಾಮಿ, ಓವಾದಾನುಸಾಸನಿಆದಿಕಂ ಸಬ್ಬಂ ಕತ್ತಬ್ಬಂ ಕರಿಸ್ಸಾಮೀ’’ತಿ ವದತಿ, ತೇ ವಾ ಸದ್ಧಿವಿಹಾರಿಕಾದಯೋ ‘‘ಅಪ್ಪೋಸ್ಸುಕ್ಕಾ ಹೋಥಾ’’ತಿ ವದನ್ತಿ, ವತ್ತಂ ವಾ ನ ಸಾದಿಯನ್ತಿ, ಆಚರಿಯುಪಜ್ಝಾಯಾನಮ್ಪಿ ಅನಾಪತ್ತಿ।
Sādiyanaṃvā asādiyanaṃ vā na jānātīti ‘‘mayi sādiyante akarontānaṃ āpatti hoti, paṭikkhipitvā asādiyante āpatti na hotī’’ti evaṃ na jānātīti attho. ‘‘Tesu eko vattasampanno bhikkhu…pe… tesaṃ anāpattī’’ti vacanato sace koci ‘‘tumhākaṃ saddhivihārike, antevāsike vā gilāne upaṭṭhahissāmi, ovādānusāsaniādikaṃ sabbaṃ kattabbaṃ karissāmī’’ti vadati, te vā saddhivihārikādayo ‘‘appossukkā hothā’’ti vadanti, vattaṃ vā na sādiyanti, ācariyupajjhāyānampi anāpatti.
ನಸಮ್ಮಾವತ್ತನಾದಿಕಥಾವಣ್ಣನಾ ನಿಟ್ಠಿತಾ।
Nasammāvattanādikathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi / ೧೭. ಪಣಾಮಿತಕಥಾ • 17. Paṇāmitakathā
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ನಸಮ್ಮಾವತ್ತನಾದಿಕಥಾ • Nasammāvattanādikathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ನಸಮ್ಮಾವತ್ತನಾದಿಕಥಾವಣ್ಣನಾ • Nasammāvattanādikathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ನಸಮ್ಮಾವತ್ತನಾದಿಕಥಾವಣ್ಣನಾ • Nasammāvattanādikathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ನಸಮ್ಮಾವತ್ತನಾದಿಕಥಾ • Nasammāvattanādikathā
