| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
නසම්‌මාවත්‌තනාදිකථාවණ්‌ණනා
Nasammāvattanādikathāvaṇṇanā
68. නසම්‌මාවත්‌තනාදිකථායං වත්‌තං න පූරෙය්‍යාති ‘‘වත්‌තකරණකාලො’’ති වත්‌ථුවිජානනවසෙන ඤත්‌වා මානකොසජ්‌ජාදිවසෙන වා උපජ්‌ඣායාදීසු අනාදරෙන වා ‘‘අකාතුං න වට්‌ටතී’’ති අජානනතාය වා න කරෙය්‍ය, දුක්‌කටමෙව. අසඤ්‌චිච්‌ච අසතියාතිආදීහි ච අකරොන්‌තස්‌ස පන අනාපත්‌ති. සබ්‌බානි හි වත්‌තානි සෙඛියානෙව, තස්‌මා සෙඛියෙසු වුත්‌තනයෙනෙවෙත්‌ථ සබ්‌බොපි විනිච්‌ඡයො වෙදිතබ්‌බො. ගෙහස්‌සිතපෙමන්‌ති මෙත්‌තාපෙමං.
68. Nasammāvattanādikathāyaṃ vattaṃ na pūreyyāti ‘‘vattakaraṇakālo’’ti vatthuvijānanavasena ñatvā mānakosajjādivasena vā upajjhāyādīsu anādarena vā ‘‘akātuṃ na vaṭṭatī’’ti ajānanatāya vā na kareyya, dukkaṭameva. Asañcicca asatiyātiādīhi ca akarontassa pana anāpatti. Sabbāni hi vattāni sekhiyāneva, tasmā sekhiyesu vuttanayenevettha sabbopi vinicchayo veditabbo. Gehassitapemanti mettāpemaṃ.
සාදියනං වා අසාදියනං වා න ජානාතීති ‘‘මයි සාදියන්‌තෙ අකරොන්‌තානං ආපත්‌ති හොති, පටික්‌ඛිපිත්‌වා අසාදියන්‌තෙ ආපත්‌ති න හොතී’’ති එවං න ජානාතීති අත්‌ථො. ‘‘තෙසු එකො වත්‌තසම්‌පන්‌නො භික්‌ඛු…පෙ.… තෙසං අනාපත්‌තී’’ති වචනතො සචෙ කොචි ‘‘තුම්‌හාකං සද්‌ධිවිහාරිකෙ, අන්‌තෙවාසිකෙ වා ගිලානෙ උපට්‌ඨහිස්‌සාමි, ඔවාදානුසාසනිආදිකං සබ්‌බං කත්‌තබ්‌බං කරිස්‌සාමී’’ති වදති, තෙ වා සද්‌ධිවිහාරිකාදයො ‘‘අප්‌පොස්‌සුක්‌කා හොථා’’ති වදන්‌ති, වත්‌තං වා න සාදියන්‌ති, ආචරියුපජ්‌ඣායානම්‌පි අනාපත්‌ති.
Sādiyanaṃvā asādiyanaṃ vā na jānātīti ‘‘mayi sādiyante akarontānaṃ āpatti hoti, paṭikkhipitvā asādiyante āpatti na hotī’’ti evaṃ na jānātīti attho. ‘‘Tesu eko vattasampanno bhikkhu…pe… tesaṃ anāpattī’’ti vacanato sace koci ‘‘tumhākaṃ saddhivihārike, antevāsike vā gilāne upaṭṭhahissāmi, ovādānusāsaniādikaṃ sabbaṃ kattabbaṃ karissāmī’’ti vadati, te vā saddhivihārikādayo ‘‘appossukkā hothā’’ti vadanti, vattaṃ vā na sādiyanti, ācariyupajjhāyānampi anāpatti.
නසම්‌මාවත්‌තනාදිකථාවණ්‌ණනා නිට්‌ඨිතා.
Nasammāvattanādikathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 17. පණාමිතකථා • 17. Paṇāmitakathā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / නසම්‌මාවත්‌තනාදිකථා • Nasammāvattanādikathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / නසම්‌මාවත්‌තනාදිකථාවණ්‌ණනා • Nasammāvattanādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / නසම්‌මාවත්‌තනාදිකථාවණ්‌ණනා • Nasammāvattanādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / නසම්‌මාවත්‌තනාදිකථා • Nasammāvattanādikathā
