| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. насанд̇исуд̇д̇аван̣н̣анаа
4. Nasantisuttavaṇṇanā
34. жад̇уд̇т̇з гаманийяаанийд̇и руубаад̣̇ийни идтаарамман̣аани. абунааг̇аманам̣ анааг̇анд̇аа бурисо мажжуд̇хзяяаад̇и д̇збхуумагаваддасан̇каад̇аа мажжуд̇хзяяаа абунааг̇аманасан̇каад̇ам̣ ниб̣б̣аанам̣ анааг̇анд̇аа. ниб̣б̣аанан̃хи сад̇д̇аа на бунааг̇ажчанд̇и, д̇асмаа д̇ам̣ абунааг̇амананд̇и вужжад̇и. д̇ам̣ гаамзсу б̣ад̣̇д̇хо жа бамад̇д̇о жа анааг̇анд̇аа наама ход̇и, со д̇ам̣ баабун̣ид̇ум̣ на саггод̇и, д̇асмаа звамааха. чанд̣̇аж̇анд̇и д̇ан̣хаачанд̣̇ад̇о ж̇аад̇ам̣. агханд̇и бан̃жагканд̇хад̣̇угкам̣. д̣̇уд̇ияабад̣̇ам̣ д̇ассзва взважанам̣. чанд̣̇авинаяаа агхавинаяод̇и д̇ан̣хаавинаязна бан̃жагканд̇хавинаяо . агхавинаяаа д̣̇угкавинаяод̇и бан̃жагканд̇хавинаязна ваддад̣̇угкам̣ винийд̇амзва ход̇и. жид̇раанийд̇и аарамман̣ажид̇д̇аани. сан̇габбарааг̇од̇и сан̇габбид̇арааг̇о. звамзд̇т̇а вад̇т̇угаамам̣ бадигкибид̇ваа гилзсагаамо гаамод̇и вуд̇д̇о. аяам̣ банад̇т̇о басуурасуд̇д̇зна (су. ни. 830 аад̣̇аяо) вибхаавзд̇аб̣б̣о. басуурабариб̣б̣ааж̇аго хи т̇зрзна ‘‘сан̇габбарааг̇о бурисасса гаамо’’д̇и вуд̇д̇з –
34. Catutthe kamanīyānīti rūpādīni iṭṭhārammaṇāni. Apunāgamanaṃ anāgantā puriso maccudheyyāti tebhūmakavaṭṭasaṅkhātā maccudheyyā apunāgamanasaṅkhātaṃ nibbānaṃ anāgantā. Nibbānañhi sattā na punāgacchanti, tasmā taṃ apunāgamananti vuccati. Taṃ kāmesu baddho ca pamatto ca anāgantā nāma hoti, so taṃ pāpuṇituṃ na sakkoti, tasmā evamāha. Chandajanti taṇhāchandato jātaṃ. Aghanti pañcakkhandhadukkhaṃ. Dutiyapadaṃ tasseva vevacanaṃ. Chandavinayā aghavinayoti taṇhāvinayena pañcakkhandhavinayo . Aghavinayā dukkhavinayoti pañcakkhandhavinayena vaṭṭadukkhaṃ vinītameva hoti. Citrānīti ārammaṇacittāni. Saṅkapparāgoti saṅkappitarāgo. Evamettha vatthukāmaṃ paṭikkhipitvā kilesakāmo kāmoti vutto. Ayaṃ panattho pasūrasuttena (su. ni. 830 ādayo) vibhāvetabbo. Pasūraparibbājako hi therena ‘‘saṅkapparāgo purisassa kāmo’’ti vutte –
‘‘на д̇з гаамаа яаани жид̇раани логз,
‘‘Na te kāmā yāni citrāni loke,
сан̇габбарааг̇ан̃жа вад̣̇зси гаамам̣;
Saṅkapparāgañca vadesi kāmaṃ;
сан̇габбаяам̣ агусалз вид̇аггз,
Saṅkappayaṃ akusale vitakke,
бхигкууби д̇з хзхинд̇и гаамабхог̇ий’’д̇и. –
Bhikkhūpi te hehinti kāmabhogī’’ti. –
ааха. ат̇а нам̣ т̇зро авожа –
Āha. Atha naṃ thero avoca –
‘‘д̇з жз гаамаа яаани жид̇раани логз,
‘‘Te ce kāmā yāni citrāni loke,
сан̇габбарааг̇ам̣ на вад̣̇зси гаамам̣;
Saṅkapparāgaṃ na vadesi kāmaṃ;
бассанд̇о руубаани манорамаани,
Passanto rūpāni manoramāni,
сад̇т̇ааби д̇з хзхид̇и гаамабхог̇ий.
Satthāpi te hehiti kāmabhogī.
сун̣анд̇о сад̣̇д̣̇аани, гхааяанд̇о г̇анд̇хаани;
Suṇanto saddāni, ghāyanto gandhāni;
сааяанд̇о расаани, пусанд̇о пассаани манорамаани;
Sāyanto rasāni, phusanto phassāni manoramāni;
сад̇т̇ааби д̇з хзхид̇и гаамабхог̇ий’’д̇и.
Satthāpi te hehiti kāmabhogī’’ti.
ат̇зд̇т̇а д̇хийраад̇и ат̇а зд̇зсу аарамман̣зсу бан̣д̣ид̇аа чанд̣̇арааг̇ам̣ винаяанд̇и. сам̣яож̇анам̣ саб̣б̣анд̇и д̣̇асавид̇хамби сам̣яож̇анам̣. агин̃жананд̇и рааг̇агин̃жанаад̣̇ивирахид̇ам̣. наанубад̇анд̇и д̣̇угкаад̇и ваддад̣̇угкаа бана д̇асса убари на бад̇анд̇и. ижжааяасмаа могхарааж̇аад̇и, ‘‘бахааси сан̇ка’’нд̇и г̇аат̇ам̣ суд̇ваа д̇ассам̣ барисад̇и анусанд̇хигусало могхарааж̇аа наама т̇зро ‘‘имиссаа г̇аат̇ааяа ад̇т̇о на яат̇аанусанд̇хим̣ г̇ад̇о’’д̇и жинд̇зд̇ваа яат̇аанусанд̇хим̣ гхадзнд̇о звамааха. д̇ад̇т̇а ид̇ха ваа хурам̣ ваад̇и ид̇халогз ваа баралогз ваа. наруд̇д̇амам̣ ад̇т̇ажарам̣ нараананд̇и гин̃жааби саб̣б̣з кийн̣аасаваа наруд̇д̇амаа жзва ад̇т̇ажараа жа нараанам̣, т̇зро бана д̣̇асаб̣алам̣ санд̇хааязвамааха. яз д̇ам̣ намассанд̇и басам̣сияаа д̇зд̇и яад̣̇и д̇ат̇аавимуд̇д̇ам̣ д̣̇звамануссаа намассанд̇и, ат̇а яз д̇ам̣ бхаг̇аванд̇ам̣ гааязна ваа ваажааяа ваа анубадибад̇д̇ияаа ваа намассанд̇и, д̇з гим̣ басам̣сияаа, уд̣̇ааху абасам̣сияаад̇и. бхигкууд̇и могхарааж̇ад̇т̇зрам̣ аалабад̇и. ан̃н̃ааяа д̇хамманд̇и жад̇усажжад̇хаммам̣ ж̇аанид̇ваа. сан̇г̇аад̇иг̇аа д̇зби бхаванд̇ийд̇и яз д̇ам̣ гааязна ваа ваажааяа ваа анубадибад̇д̇ияаа ваа намассанд̇и. д̇з жад̇усажжад̇хаммам̣ ан̃н̃ааяа вижигижчам̣ бахааяа сан̇г̇аад̇иг̇ааби хонд̇и, басам̣сияааби хонд̇ийд̇и. жад̇уд̇т̇ам̣.
Athettha dhīrāti atha etesu ārammaṇesu paṇḍitā chandarāgaṃ vinayanti. Saṃyojanaṃ sabbanti dasavidhampi saṃyojanaṃ. Akiñcananti rāgakiñcanādivirahitaṃ. Nānupatanti dukkhāti vaṭṭadukkhā pana tassa upari na patanti. Iccāyasmāmogharājāti, ‘‘pahāsi saṅkha’’nti gāthaṃ sutvā tassaṃ parisati anusandhikusalo mogharājā nāma thero ‘‘imissā gāthāya attho na yathānusandhiṃ gato’’ti cintetvā yathānusandhiṃ ghaṭento evamāha. Tattha idha vā huraṃ vāti idhaloke vā paraloke vā. Naruttamaṃ atthacaraṃ narānanti kiñcāpi sabbe khīṇāsavā naruttamā ceva atthacarā ca narānaṃ, thero pana dasabalaṃ sandhāyevamāha. Ye taṃ namassanti pasaṃsiyā teti yadi tathāvimuttaṃ devamanussā namassanti, atha ye taṃ bhagavantaṃ kāyena vā vācāya vā anupaṭipattiyā vā namassanti, te kiṃ pasaṃsiyā, udāhu apasaṃsiyāti. Bhikkhūti mogharājattheraṃ ālapati. Aññāya dhammanti catusaccadhammaṃ jānitvā. Saṅgātigā tepi bhavantīti ye taṃ kāyena vā vācāya vā anupaṭipattiyā vā namassanti. Te catusaccadhammaṃ aññāya vicikicchaṃ pahāya saṅgātigāpi honti, pasaṃsiyāpi hontīti. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. насанд̇исуд̇д̇ам̣ • 4. Nasantisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. насанд̇исуд̇д̇аван̣н̣анаа • 4. Nasantisuttavaṇṇanā
