| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. насанд̇исуд̇д̇аван̣н̣анаа
4. Nasantisuttavaṇṇanā
34. гаманийяаанийд̇и ганд̇аани. д̇ад̇о зва зд̇аани идтаарамман̣аани сукаарамман̣аани руубаад̣̇ийни, д̇з бана вад̇т̇угаамаа, д̇ад̣̇аарамман̣агилзсагаамаа ваа. ‘‘на санд̇и гаамаа мануж̇зсуу’’д̇и д̣̇зсанаасийсамзд̇ам̣, нижчаязна гаамаа анижжааязва. мажжу д̇хийяад̇и зд̇т̇аад̇и мажжуд̇хзяяам̣. на буна ааг̇ажчад̇и зд̇т̇а д̇ам̣ абунааг̇аманам̣. абунааг̇аманасан̇каад̇ам̣ ниб̣б̣аанам̣ анубаг̇ажчанад̇о. ниб̣б̣аанам̣ хийд̇иаад̣̇и вуд̇д̇ассзвад̇т̇асса виваран̣ам̣. б̣ад̣̇д̇ход̇и бадиб̣ад̣̇д̇хажид̇д̇о. бамад̇д̇од̇и воссаг̇г̇абамаад̣̇ам̣ аабанно.
34.Kamanīyānīti kantāni. Tato eva etāni iṭṭhārammaṇāni sukhārammaṇāni rūpādīni, te pana vatthukāmā, tadārammaṇakilesakāmā vā. ‘‘Na santi kāmā manujesū’’ti desanāsīsametaṃ, nicchayena kāmā aniccāyeva. Maccu dhīyati etthāti maccudheyyaṃ. Na puna āgacchati ettha taṃ apunāgamanaṃ. Apunāgamanasaṅkhātaṃ nibbānaṃ anupagacchanato. Nibbānaṃ hītiādi vuttassevatthassa vivaraṇaṃ. Baddhoti paṭibaddhacitto. Pamattoti vossaggapamādaṃ āpanno.
д̇ан̣хаачанд̣̇ад̇о ж̇аад̇ам̣ д̇асса висзсабажжаяад̇д̇аа. ижчид̇ам̣ ханад̇ийд̇и агхам̣, д̣̇угкам̣. ид̇ха бана анавасзсабарияаад̣̇аанавасзна бан̃жубаад̣̇аанагканд̇хаа д̣̇угканд̇и. чанд̣̇авинаяаа агхавинаяод̇и хзд̇унирод̇хзна хи паланирод̇хо, звам̣ саубаад̣̇исзсаниб̣б̣аанам̣ вад̇ваа агхавинаяаа д̣̇угкавинаяод̇и анубаад̣̇исзсаниб̣б̣аанам̣ вад̣̇ад̇и.
Taṇhāchandatojātaṃ tassa visesapaccayattā. Icchitaṃ hanatīti aghaṃ, dukkhaṃ. Idha pana anavasesapariyādānavasena pañcupādānakkhandhā dukkhanti. Chandavinayā aghavinayoti hetunirodhena hi phalanirodho, evaṃ saupādisesanibbānaṃ vatvā aghavinayā dukkhavinayoti anupādisesanibbānaṃ vadati.
жид̇раанийд̇и гилзсагаамааби взд̣̇анаад̣̇идтисамбаяог̇абхзд̣̇зна хонд̇и, аагаарабхзд̣̇зна жа ад̇т̇и савигхаад̇аавигхаад̇аад̇и д̇ад̇о висзсзд̇ум̣ ‘‘аарамман̣ажид̇д̇ааний’’д̇и вуд̇д̇ам̣. сан̇габбид̇арааг̇од̇и субхаад̣̇ивасзна сан̇габбид̇авад̇т̇умхи рааг̇о. гилзсагаамо гаамод̇и вуд̇д̇о д̇ассзвид̇ха висзсад̇о гаамабхаавасид̣̇д̇хид̇о. басуурасуд̇д̇зна вибхаавзд̇аб̣б̣о ‘‘на д̇з гаамаа’’д̇иаад̣̇инаа д̇асса вад̇т̇умхи ааг̇ад̇ад̇д̇аа. ид̣̇аани д̇амад̇т̇ам̣ сан̇кзбзнзва вибхаавзнд̇о ‘‘басуурабариб̣б̣ааж̇аго хий’’д̇иаад̣̇имааха. на д̇з гаамаа яаани жид̇раани логзд̇и д̇з жз гаамаа на хонд̇и, яаани логз жид̇раани руубаад̣̇иаарамман̣аани. взд̣̇зсийд̇и гзвалам̣ сан̇габбарааг̇ан̃жа гаамам̣ гад̇ваа вад̣̇зси жз. хзхинд̇ийд̇и бхавзяяунд̇и ад̇т̇о. сун̣анд̇о сад̣̇д̣̇аани манорамаани, сад̇т̇ааби д̇з хзхид̇и гаамабхог̇ийд̇и бажжзгам̣ г̇аат̇аа, ид̇ха бана сам̣кибид̇ваа д̣̇ассид̇аа. д̇хийраа наама д̇хид̇исамбаннаад̇и ааха ‘‘бан̣д̣ид̇аа’’д̇и.
Citrānīti kilesakāmāpi vedanādiṭṭhisampayogabhedena honti, ākārabhedena ca atthi savighātāvighātāti tato visesetuṃ ‘‘ārammaṇacittānī’’ti vuttaṃ. Saṅkappitarāgoti subhādivasena saṅkappitavatthumhi rāgo. Kilesakāmo kāmoti vutto tassevidha visesato kāmabhāvasiddhito. Pasūrasuttena vibhāvetabbo ‘‘na te kāmā’’tiādinā tassa vatthumhi āgatattā. Idāni tamatthaṃ saṅkhepeneva vibhāvento ‘‘pasūraparibbājako hī’’tiādimāha. Na te kāmā yāni citrāni loketi te ce kāmā na honti, yāni loke citrāni rūpādiārammaṇāni. Vedesīti kevalaṃ saṅkapparāgañca kāmaṃ katvā vadesi ce. Hehintīti bhaveyyunti attho. Suṇanto saddāni manoramāni, satthāpi te hehiti kāmabhogīti paccekaṃ gāthā, idha pana saṃkhipitvā dassitā. Dhīrā nāma dhitisampannāti āha ‘‘paṇḍitā’’ti.
д̇ассаад̇и яо бахийнагод̇хамаано саб̣б̣асо сам̣яож̇анаад̇иг̇о наамаруубасмим̣ асаж̇ж̇анд̇о рааг̇аад̣̇игин̃жанарахид̇о, д̇асса. могхарааж̇аа наама т̇зро б̣ааварийб̣раахман̣асса барижаарагаанам̣ сол̣асаннам̣ ан̃н̃ад̇аро. яат̇аанусанд̇хим̣ аббад̇д̇о саавасзса-ад̇т̇о, гин̃жи вад̇д̇аб̣б̣ам̣ ад̇т̇ийд̇и ад̇хиббааяо . саб̣б̣асо вимуд̇д̇ад̇д̇аава д̣̇звамануссаа намассанд̇и, яз д̇ам̣ бадибаж̇ж̇анд̇и. д̇зсам̣ гим̣ ход̇и? гин̃жиби на сияаад̇и аяамзд̇т̇а ад̇т̇ависзсо? д̣̇асаб̣алам̣ санд̇хааязвамааха уггадтанид̣̇д̣̇зсзна. анубадибад̇д̇ияаад̇и бадибад̇д̇им̣ ануг̇анд̇ваа бадибаж̇ж̇анзна. намассанд̇и д̇ам̣ бууж̇знд̇и.
Tassāti yo pahīnakodhamāno sabbaso saṃyojanātigo nāmarūpasmiṃ asajjanto rāgādikiñcanarahito, tassa. Mogharājā nāma thero bāvarībrāhmaṇassa paricārakānaṃ soḷasannaṃ aññataro. Yathānusandhiṃ appatto sāvasesa-attho, kiñci vattabbaṃ atthīti adhippāyo . Sabbaso vimuttattāva devamanussā namassanti, ye taṃ paṭipajjanti. Tesaṃ kiṃ hoti? Kiñcipi na siyāti ayamettha atthaviseso? Dasabalaṃ sandhāyevamāha ukkaṭṭhaniddesena. Anupaṭipattiyāti paṭipattiṃ anugantvā paṭipajjanena. Namassanti taṃ pūjenti.
жад̇усажжад̇хаммам̣ ж̇аанид̇ваад̇и д̇зна бадивид̣̇д̇хам̣ жад̇усажжад̇хаммам̣ бадивиж̇жхид̇ваа. д̇ат̇аа жа б̣уд̣̇д̇хасуб̣уд̣̇д̇хад̇ааяа ниб̣б̣змад̇игаа хонд̇ийд̇и ааха ‘‘вижигижчам̣ бахааяаа’’д̇и. д̇ад̇о барам̣ бана ануггамзна аг̇г̇амаг̇г̇аад̇хиг̇амзна сан̇г̇аад̇иг̇ааби хонд̇и. асзгкад̇хаммабаарибуурияаа басам̣сияаа вин̃н̃уунам̣ басам̣сааби хонд̇ийд̇и.
Catusaccadhammaṃ jānitvāti tena paṭividdhaṃ catusaccadhammaṃ paṭivijjhitvā. Tathā ca buddhasubuddhatāya nibbematikā hontīti āha ‘‘vicikicchaṃ pahāyā’’ti. Tato paraṃ pana anukkamena aggamaggādhigamena saṅgātigāpi honti. Asekkhadhammapāripūriyā pasaṃsiyā viññūnaṃ pasaṃsāpi hontīti.
насанд̇исуд̇д̇аван̣н̣анаа нидтид̇аа.
Nasantisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. насанд̇исуд̇д̇ам̣ • 4. Nasantisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. насанд̇исуд̇д̇аван̣н̣анаа • 4. Nasantisuttavaṇṇanā
