| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੬. ਨਾਸੇਨ੍ਤਿਸੁਤ੍ਤਂ
6. Nāsentisuttaṃ
੩੦੯. ‘‘ਪਞ੍ਚਿਮਾਨਿ, ਭਿਕ੍ਖવੇ, ਮਾਤੁਗਾਮਸ੍ਸ ਬਲਾਨਿ। ਕਤਮਾਨਿ ਪਞ੍ਚ? ਰੂਪਬਲਂ, ਭੋਗਬਲਂ, ਞਾਤਿਬਲਂ, ਪੁਤ੍ਤਬਲਂ, ਸੀਲਬਲਂ। ਰੂਪਬਲੇਨ ਚ, ਭਿਕ੍ਖવੇ, ਮਾਤੁਗਾਮੋ ਸਮਨ੍ਨਾਗਤੋ ਹੋਤਿ, ਨ ਚ ਸੀਲਬਲੇਨ, ਨਾਸੇਨ੍ਤੇવ ਨਂ, ਕੁਲੇ ਨ વਾਸੇਨ੍ਤਿ। ਰੂਪਬਲੇਨ ਚ, ਭਿਕ੍ਖવੇ, ਮਾਤੁਗਾਮੋ ਸਮਨ੍ਨਾਗਤੋ ਹੋਤਿ, ਭੋਗਬਲੇਨ ਚ, ਨ ਚ ਸੀਲਬਲੇਨ, ਨਾਸੇਨ੍ਤੇવ ਨਂ, ਕੁਲੇ ਨ વਾਸੇਨ੍ਤਿ। ਰੂਪਬਲੇਨ ਚ, ਭਿਕ੍ਖવੇ, ਮਾਤੁਗਾਮੋ ਸਮਨ੍ਨਾਗਤੋ ਹੋਤਿ, ਭੋਗਬਲੇਨ ਚ, ਞਾਤਿਬਲੇਨ ਚ, ਨ ਚ ਸੀਲਬਲੇਨ, ਨਾਸੇਨ੍ਤੇવ ਨਂ, ਕੁਲੇ ਨ વਾਸੇਨ੍ਤਿ। ਰੂਪਬਲੇਨ ਚ, ਭਿਕ੍ਖવੇ, ਮਾਤੁਗਾਮੋ ਸਮਨ੍ਨਾਗਤੋ ਹੋਤਿ, ਭੋਗਬਲੇਨ ਚ, ਞਾਤਿਬਲੇਨ ਚ , ਪੁਤ੍ਤਬਲੇਨ ਚ, ਨ ਚ ਸੀਲਬਲੇਨ, ਨਾਸੇਨ੍ਤੇવ ਨਂ, ਕੁਲੇ ਨ વਾਸੇਨ੍ਤਿ। ਸੀਲਬਲੇਨ ਚ, ਭਿਕ੍ਖવੇ, ਮਾਤੁਗਾਮੋ ਸਮਨ੍ਨਾਗਤੋ ਹੋਤਿ, ਨ ਚ ਰੂਪਬਲੇਨ, વਾਸੇਨ੍ਤੇવ ਨਂ, ਕੁਲੇ ਨ ਨਾਸੇਨ੍ਤਿ। ਸੀਲਬਲੇਨ ਚ, ਭਿਕ੍ਖવੇ, ਮਾਤੁਗਾਮੋ ਸਮਨ੍ਨਾਗਤੋ ਹੋਤਿ, ਨ ਚ ਭੋਗਬਲੇਨ, વਾਸੇਨ੍ਤੇવ ਨਂ, ਕੁਲੇ ਨ ਨਾਸੇਨ੍ਤਿ। ਸੀਲਬਲੇਨ ਚ, ਭਿਕ੍ਖવੇ, ਮਾਤੁਗਾਮੋ ਸਮਨ੍ਨਾਗਤੋ ਹੋਤਿ, ਨ ਚ ਞਾਤਿਬਲੇਨ, વਾਸੇਨ੍ਤੇવ ਨਂ, ਕੁਲੇ ਨ ਨਾਸੇਨ੍ਤਿ। ਸੀਲਬਲੇਨ ਚ, ਭਿਕ੍ਖવੇ, ਮਾਤੁਗਾਮੋ ਸਮਨ੍ਨਾਗਤੋ ਹੋਤਿ, ਨ ਚ ਪੁਤ੍ਤਬਲੇਨ, વਾਸੇਨ੍ਤੇવ ਨਂ, ਕੁਲੇ ਨ ਨਾਸੇਨ੍ਤਿ। ਇਮਾਨਿ ਖੋ, ਭਿਕ੍ਖવੇ, ਪਞ੍ਚ ਮਾਤੁਗਾਮਸ੍ਸ ਬਲਾਨੀ’’ਤਿ। ਛਟ੍ਠਂ।
309. ‘‘Pañcimāni, bhikkhave, mātugāmassa balāni. Katamāni pañca? Rūpabalaṃ, bhogabalaṃ, ñātibalaṃ, puttabalaṃ, sīlabalaṃ. Rūpabalena ca, bhikkhave, mātugāmo samannāgato hoti, na ca sīlabalena, nāsenteva naṃ, kule na vāsenti. Rūpabalena ca, bhikkhave, mātugāmo samannāgato hoti, bhogabalena ca, na ca sīlabalena, nāsenteva naṃ, kule na vāsenti. Rūpabalena ca, bhikkhave, mātugāmo samannāgato hoti, bhogabalena ca, ñātibalena ca, na ca sīlabalena, nāsenteva naṃ, kule na vāsenti. Rūpabalena ca, bhikkhave, mātugāmo samannāgato hoti, bhogabalena ca, ñātibalena ca , puttabalena ca, na ca sīlabalena, nāsenteva naṃ, kule na vāsenti. Sīlabalena ca, bhikkhave, mātugāmo samannāgato hoti, na ca rūpabalena, vāsenteva naṃ, kule na nāsenti. Sīlabalena ca, bhikkhave, mātugāmo samannāgato hoti, na ca bhogabalena, vāsenteva naṃ, kule na nāsenti. Sīlabalena ca, bhikkhave, mātugāmo samannāgato hoti, na ca ñātibalena, vāsenteva naṃ, kule na nāsenti. Sīlabalena ca, bhikkhave, mātugāmo samannāgato hoti, na ca puttabalena, vāsenteva naṃ, kule na nāsenti. Imāni kho, bhikkhave, pañca mātugāmassa balānī’’ti. Chaṭṭhaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨-੧੦. ਪਸਯ੍ਹਸੁਤ੍ਤਾਦਿવਣ੍ਣਨਾ • 2-10. Pasayhasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨-੧੦. ਪਸਯ੍ਹਸੁਤ੍ਤਾਦਿવਣ੍ਣਨਾ • 2-10. Pasayhasuttādivaṇṇanā
