| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
(২০) ৫. অপরপুগ্গলৰগ্গো
(20) 5. Aparapuggalavaggo
নসেৰিতব্বাদিসুত্তানি
Nasevitabbādisuttāni
১৯৯. ‘‘দসহি , ভিক্খৰে, ধম্মেহি সমন্নাগতো পুগ্গলো ন সেৰিতব্বো। কতমেহি দসহি? পাণাতিপাতী হোতি, অদিন্নাদাযী হোতি, কামেসুমিচ্ছাচারী হোতি, মুসাৰাদী হোতি, পিসুণৰাচো হোতি, ফরুসৰাচো হোতি, সম্ফপ্পলাপী হোতি, অভিজ্ঝালু হোতি, ব্যাপন্নচিত্তো হোতি, মিচ্ছাদিট্ঠিকো হোতি – ইমেহি খো, ভিক্খৰে, দসহি ধম্মেহি সমন্নাগতো পুগ্গলো ন সেৰিতব্বো।
199. ‘‘Dasahi , bhikkhave, dhammehi samannāgato puggalo na sevitabbo. Katamehi dasahi? Pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇavāco hoti, pharusavāco hoti, samphappalāpī hoti, abhijjhālu hoti, byāpannacitto hoti, micchādiṭṭhiko hoti – imehi kho, bhikkhave, dasahi dhammehi samannāgato puggalo na sevitabbo.
‘‘দসহি, ভিক্খৰে, ধম্মেহি সমন্নাগতো পুগ্গলো সেৰিতব্বো। কতমেহি দসহি? পাণাতিপাতা পটিৰিরতো হোতি, অদিন্নাদানা পটিৰিরতো হোতি, কামেসুমিচ্ছাচারা পটিৰিরতো হোতি, মুসাৰাদা পটিৰিরতো হোতি, পিসুণায ৰাচায পটিৰিরতো হোতি, ফরুসায ৰাচায পটিৰিরতো হোতি, সম্ফপ্পলাপা পটিৰিরতো হোতি, অনভিজ্ঝালু হোতি, অব্যাপন্নচিত্তো হোতি, সম্মাদিট্ঠিকো হোতি – ইমেহি খো, ভিক্খৰে, দসহি ধম্মেহি সমন্নাগতো পুগ্গলো সেৰিতব্বো’’।
‘‘Dasahi, bhikkhave, dhammehi samannāgato puggalo sevitabbo. Katamehi dasahi? Pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti, abyāpannacitto hoti, sammādiṭṭhiko hoti – imehi kho, bhikkhave, dasahi dhammehi samannāgato puggalo sevitabbo’’.
২০০-২০৯. ‘‘দসহি, ভিক্খৰে, ধম্মেহি সমন্নাগতো পুগ্গলো ন ভজিতব্বো…পে॰… ভজিতব্বো… ন পযিরুপাসিতব্বো… পযিরুপাসিতব্বো… ন পুজ্জো হোতি… পুজ্জো হোতি… ন পাসংসো হোতি… পাসংসো হোতি… অগারৰো হোতি… গারৰো হোতি… অপ্পতিস্সো হোতি… সপ্পতিস্সো হোতি… ন আরাধকো হোতি… আরাধকো হোতি… ন ৰিসুজ্ঝতি… ৰিসুজ্ঝতি… মানং নাধিভোতি 1 … মানং অধিভোতি… পঞ্ঞায ন ৰড্ঢতি… পঞ্ঞায ৰড্ঢতি…পে॰…।
200-209. ‘‘Dasahi, bhikkhave, dhammehi samannāgato puggalo na bhajitabbo…pe… bhajitabbo… na payirupāsitabbo… payirupāsitabbo… na pujjo hoti… pujjo hoti… na pāsaṃso hoti… pāsaṃso hoti… agāravo hoti… gāravo hoti… appatisso hoti… sappatisso hoti… na ārādhako hoti… ārādhako hoti… na visujjhati… visujjhati… mānaṃ nādhibhoti 2 … mānaṃ adhibhoti… paññāya na vaḍḍhati… paññāya vaḍḍhati…pe….
২১০. ‘‘দসহি , ভিক্খৰে, ধম্মেহি সমন্নাগতো পুগ্গলো বহুং অপুঞ্ঞং পসৰতি… বহুং পুঞ্ঞং পসৰতি। কতমেহি দসহি? পাণাতিপাতা পটিৰিরতো হোতি, অদিন্নাদানা পটিৰিরতো হোতি , কামেসুমিচ্ছাচারা পটিৰিরতো হোতি, মুসাৰাদা পটিৰিরতো হোতি, পিসুণায ৰাচায পটিৰিরতো হোতি, ফরুসায ৰাচায পটিৰিরতো হোতি, সম্ফপ্পলাপা পটিৰিরতো হোতি, অনভিজ্ঝালু হোতি , অব্যাপন্নচিত্তো হোতি, সম্মাদিট্ঠিকো হোতি – ইমেহি খো, ভিক্খৰে, দসহি ধম্মেহি সমন্নাগতো পুগ্গলো বহুং পুঞ্ঞং পসৰতী’’তি।
210. ‘‘Dasahi , bhikkhave, dhammehi samannāgato puggalo bahuṃ apuññaṃ pasavati… bahuṃ puññaṃ pasavati. Katamehi dasahi? Pāṇātipātā paṭivirato hoti, adinnādānā paṭivirato hoti , kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti , abyāpannacitto hoti, sammādiṭṭhiko hoti – imehi kho, bhikkhave, dasahi dhammehi samannāgato puggalo bahuṃ puññaṃ pasavatī’’ti.
অপরপুগ্গলৰগ্গো পঞ্চমো।
Aparapuggalavaggo pañcamo.
চতুত্থপণ্ণাসকং সমত্তং।
Catutthapaṇṇāsakaṃ samattaṃ.
Footnotes:
Related texts:
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৪৪. ব্রাহ্মণপচ্চোরোহণীসুত্তাদিৰণ্ণনা • 1-44. Brāhmaṇapaccorohaṇīsuttādivaṇṇanā
