| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
(༢༠) ༥. ཨཔརཔུགྒལཝགྒོ
(20) 5. Aparapuggalavaggo
ནསེཝིཏབྦཱདིསུཏྟཱནི
Nasevitabbādisuttāni
༡༩༩. ‘‘དསཧི , བྷིཀྑཝེ, དྷམྨེཧི སམནྣཱགཏོ པུགྒལོ ན སེཝིཏབྦོ། ཀཏམེཧི དསཧི? པཱཎཱཏིཔཱཏཱི ཧོཏི, ཨདིནྣཱདཱཡཱི ཧོཏི, ཀཱམེསུམིཙྪཱཙཱརཱི ཧོཏི, མུསཱཝཱདཱི ཧོཏི, པིསུཎཝཱཙོ ཧོཏི, ཕརུསཝཱཙོ ཧོཏི, སམྥཔྤལཱཔཱི ཧོཏི, ཨབྷིཛ྄ཛྷཱལུ ཧོཏི, བྱཱཔནྣཙིཏྟོ ཧོཏི, མིཙྪཱདིཊྛིཀོ ཧོཏི – ཨིམེཧི ཁོ, བྷིཀྑཝེ, དསཧི དྷམྨེཧི སམནྣཱགཏོ པུགྒལོ ན སེཝིཏབྦོ།
199. ‘‘Dasahi , bhikkhave, dhammehi samannāgato puggalo na sevitabbo. Katamehi dasahi? Pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇavāco hoti, pharusavāco hoti, samphappalāpī hoti, abhijjhālu hoti, byāpannacitto hoti, micchādiṭṭhiko hoti – imehi kho, bhikkhave, dasahi dhammehi samannāgato puggalo na sevitabbo.
‘‘དསཧི, བྷིཀྑཝེ, དྷམྨེཧི སམནྣཱགཏོ པུགྒལོ སེཝིཏབྦོ། ཀཏམེཧི དསཧི? པཱཎཱཏིཔཱཏཱ པཊིཝིརཏོ ཧོཏི, ཨདིནྣཱདཱནཱ པཊིཝིརཏོ ཧོཏི, ཀཱམེསུམིཙྪཱཙཱརཱ པཊིཝིརཏོ ཧོཏི, མུསཱཝཱདཱ པཊིཝིརཏོ ཧོཏི, པིསུཎཱཡ ཝཱཙཱཡ པཊིཝིརཏོ ཧོཏི, ཕརུསཱཡ ཝཱཙཱཡ པཊིཝིརཏོ ཧོཏི, སམྥཔྤལཱཔཱ པཊིཝིརཏོ ཧོཏི, ཨནབྷིཛ྄ཛྷཱལུ ཧོཏི, ཨབྱཱཔནྣཙིཏྟོ ཧོཏི, སམྨཱདིཊྛིཀོ ཧོཏི – ཨིམེཧི ཁོ, བྷིཀྑཝེ, དསཧི དྷམྨེཧི སམནྣཱགཏོ པུགྒལོ སེཝིཏབྦོ’’།
‘‘Dasahi, bhikkhave, dhammehi samannāgato puggalo sevitabbo. Katamehi dasahi? Pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti, abyāpannacitto hoti, sammādiṭṭhiko hoti – imehi kho, bhikkhave, dasahi dhammehi samannāgato puggalo sevitabbo’’.
༢༠༠-༢༠༩. ‘‘དསཧི, བྷིཀྑཝེ, དྷམྨེཧི སམནྣཱགཏོ པུགྒལོ ན བྷཛིཏབྦོ…པེ॰… བྷཛིཏབྦོ… ན པཡིརུཔཱསིཏབྦོ… པཡིརུཔཱསིཏབྦོ… ན པུཛྫོ ཧོཏི… པུཛྫོ ཧོཏི… ན པཱསཾསོ ཧོཏི… པཱསཾསོ ཧོཏི… ཨགཱརཝོ ཧོཏི… གཱརཝོ ཧོཏི… ཨཔྤཏིསྶོ ཧོཏི… སཔྤཏིསྶོ ཧོཏི… ན ཨཱརཱདྷཀོ ཧོཏི… ཨཱརཱདྷཀོ ཧོཏི… ན ཝིསུཛ྄ཛྷཏི… ཝིསུཛ྄ཛྷཏི… མཱནཾ ནཱདྷིབྷོཏི 1 … མཱནཾ ཨདྷིབྷོཏི… པཉྙཱཡ ན ཝཌྜྷཏི… པཉྙཱཡ ཝཌྜྷཏི…པེ॰…།
200-209. ‘‘Dasahi, bhikkhave, dhammehi samannāgato puggalo na bhajitabbo…pe… bhajitabbo… na payirupāsitabbo… payirupāsitabbo… na pujjo hoti… pujjo hoti… na pāsaṃso hoti… pāsaṃso hoti… agāravo hoti… gāravo hoti… appatisso hoti… sappatisso hoti… na ārādhako hoti… ārādhako hoti… na visujjhati… visujjhati… mānaṃ nādhibhoti 2 … mānaṃ adhibhoti… paññāya na vaḍḍhati… paññāya vaḍḍhati…pe….
༢༡༠. ‘‘དསཧི , བྷིཀྑཝེ, དྷམྨེཧི སམནྣཱགཏོ པུགྒལོ བཧུཾ ཨཔུཉྙཾ པསཝཏི… བཧུཾ པུཉྙཾ པསཝཏི། ཀཏམེཧི དསཧི? པཱཎཱཏིཔཱཏཱ པཊིཝིརཏོ ཧོཏི, ཨདིནྣཱདཱནཱ པཊིཝིརཏོ ཧོཏི , ཀཱམེསུམིཙྪཱཙཱརཱ པཊིཝིརཏོ ཧོཏི, མུསཱཝཱདཱ པཊིཝིརཏོ ཧོཏི, པིསུཎཱཡ ཝཱཙཱཡ པཊིཝིརཏོ ཧོཏི, ཕརུསཱཡ ཝཱཙཱཡ པཊིཝིརཏོ ཧོཏི, སམྥཔྤལཱཔཱ པཊིཝིརཏོ ཧོཏི, ཨནབྷིཛ྄ཛྷཱལུ ཧོཏི , ཨབྱཱཔནྣཙིཏྟོ ཧོཏི, སམྨཱདིཊྛིཀོ ཧོཏི – ཨིམེཧི ཁོ, བྷིཀྑཝེ, དསཧི དྷམྨེཧི སམནྣཱགཏོ པུགྒལོ བཧུཾ པུཉྙཾ པསཝཏཱི’’ཏི།
210. ‘‘Dasahi , bhikkhave, dhammehi samannāgato puggalo bahuṃ apuññaṃ pasavati… bahuṃ puññaṃ pasavati. Katamehi dasahi? Pāṇātipātā paṭivirato hoti, adinnādānā paṭivirato hoti , kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti , abyāpannacitto hoti, sammādiṭṭhiko hoti – imehi kho, bhikkhave, dasahi dhammehi samannāgato puggalo bahuṃ puññaṃ pasavatī’’ti.
ཨཔརཔུགྒལཝགྒོ པཉྩམོ།
Aparapuggalavaggo pañcamo.
ཙཏུཏྠཔཎྞཱསཀཾ སམཏྟཾ།
Catutthapaṇṇāsakaṃ samattaṃ.
Footnotes:
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༤༤. བྲཱཧྨཎཔཙྩོརོཧཎཱིསུཏྟཱདིཝཎྞནཱ • 1-44. Brāhmaṇapaccorohaṇīsuttādivaṇṇanā
