| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
89. н̃аад̇агаад̣̇иг̇г̇ахан̣агат̇аа
89. Ñātakādiggahaṇakathā
166. д̇зна ко бана самаязна ан̃н̃ад̇арам̣ бхигкум̣ д̇ад̣̇ахубосат̇з н̃аад̇агаа г̇ан̣хим̣сум̣. бхаг̇авад̇о зд̇амад̇т̇ам̣ аарожзсум̣.
166. Tena kho pana samayena aññataraṃ bhikkhuṃ tadahuposathe ñātakā gaṇhiṃsuṃ. Bhagavato etamatthaṃ ārocesuṃ.
ид̇ха бана, бхигкавз, бхигкум̣ д̇ад̣̇ахубосат̇з н̃аад̇агаа г̇ан̣ханд̇и. д̇з н̃аад̇агаа бхигкуухи звамассу важанийяаа – ‘‘ин̇гха, д̇умхз ааяасманд̇о имам̣ бхигкум̣ мухуд̇д̇ам̣ мун̃жат̇а, яаавааяам̣ бхигку убосат̇ам̣ гарод̇ий’’д̇и. зван̃жзд̇ам̣ лабхзт̇а, ижжзд̇ам̣ гусалам̣. но жз лабхзт̇а, д̇з н̃аад̇агаа бхигкуухи звамассу важанийяаа – ‘‘ин̇гха, д̇умхз ааяасманд̇о мухуд̇д̇ам̣ згаманд̇ам̣ хот̇а, яаавааяам̣ бхигку баарисуд̣̇д̇хим̣ д̣̇зд̇ий’’д̇и. зван̃жзд̇ам̣ лабхзт̇а, ижжзд̇ам̣ гусалам̣. но жз лабхзт̇а, д̇з н̃аад̇агаа бхигкуухи звамассу важанийяаа – ‘‘ин̇гха, д̇умхз ааяасманд̇о имам̣ бхигкум̣ мухуд̇д̇ам̣ ниссиймам̣ нзт̇а, яаава сан̇гхо убосат̇ам̣ гарод̇ий’’д̇и. зван̃жзд̇ам̣ лабхзт̇а, ижжзд̇ам̣ гусалам̣. но жз лабхзт̇а, на д̇взва ваг̇г̇зна сан̇гхзна убосат̇о гаад̇аб̣б̣о. гарзяяа жз, аабад̇д̇и д̣̇уггадасса.
Idha pana, bhikkhave, bhikkhuṃ tadahuposathe ñātakā gaṇhanti. Te ñātakā bhikkhūhi evamassu vacanīyā – ‘‘iṅgha, tumhe āyasmanto imaṃ bhikkhuṃ muhuttaṃ muñcatha, yāvāyaṃ bhikkhu uposathaṃ karotī’’ti. Evañcetaṃ labhetha, iccetaṃ kusalaṃ. No ce labhetha, te ñātakā bhikkhūhi evamassu vacanīyā – ‘‘iṅgha, tumhe āyasmanto muhuttaṃ ekamantaṃ hotha, yāvāyaṃ bhikkhu pārisuddhiṃ detī’’ti. Evañcetaṃ labhetha, iccetaṃ kusalaṃ. No ce labhetha, te ñātakā bhikkhūhi evamassu vacanīyā – ‘‘iṅgha, tumhe āyasmanto imaṃ bhikkhuṃ muhuttaṃ nissīmaṃ netha, yāva saṅgho uposathaṃ karotī’’ti. Evañcetaṃ labhetha, iccetaṃ kusalaṃ. No ce labhetha, na tveva vaggena saṅghena uposatho kātabbo. Kareyya ce, āpatti dukkaṭassa.
ид̇ха бана, бхигкавз, бхигкум̣ д̇ад̣̇ахубосат̇з рааж̇аано г̇ан̣ханд̇и,…бз… жораа г̇ан̣ханд̇и – д̇худ̇д̇аа г̇ан̣ханд̇и – бхигкубажжад̇т̇игаа г̇ан̣ханд̇и, д̇з бхигкубажжад̇т̇игаа бхигкуухи звамассу важанийяаа – ‘‘ин̇гха, д̇умхз ааяасманд̇о имам̣ бхигкум̣ мухуд̇д̇ам̣ мун̃жат̇а, яаавааяам̣ бхигку убосат̇ам̣ гарод̇ий’’д̇и. зван̃жзд̇ам̣ лабхзт̇а, ижжзд̇ам̣ гусалам̣. но жз лабхзт̇а, д̇з бхигкубажжад̇т̇игаа бхигкуухи звамассу важанийяаа – ‘‘ин̇гха, д̇умхз ааяасманд̇о мухуд̇д̇ам̣ згаманд̇ам̣ хот̇а, яаавааяам̣ бхигку баарисуд̣̇д̇хим̣ д̣̇зд̇ий’’д̇и. зван̃жзд̇ам̣ лабхзт̇а, ижжзд̇ам̣ гусалам̣. но жз лабхзт̇а, д̇з бхигкубажжад̇т̇игаа бхигкуухи звамассу важанийяаа – ‘‘ин̇гха, д̇умхз ааяасманд̇о имам̣ бхигкум̣ мухуд̇д̇ам̣ ниссиймам̣ нзт̇а, яаава сан̇гхо убосат̇ам̣ гарод̇ий’’д̇и. зван̃жзд̇ам̣ лабхзт̇а, ижжзд̇ам̣ гусалам̣. но жз лабхзт̇а, на д̇взва ваг̇г̇зна сан̇гхзна убосат̇о гаад̇аб̣б̣о. гарзяяа жз, аабад̇д̇и д̣̇уггадассаад̇и.
Idha pana, bhikkhave, bhikkhuṃ tadahuposathe rājāno gaṇhanti,…pe… corā gaṇhanti – dhuttā gaṇhanti – bhikkhupaccatthikā gaṇhanti, te bhikkhupaccatthikā bhikkhūhi evamassu vacanīyā – ‘‘iṅgha, tumhe āyasmanto imaṃ bhikkhuṃ muhuttaṃ muñcatha, yāvāyaṃ bhikkhu uposathaṃ karotī’’ti. Evañcetaṃ labhetha, iccetaṃ kusalaṃ. No ce labhetha, te bhikkhupaccatthikā bhikkhūhi evamassu vacanīyā – ‘‘iṅgha, tumhe āyasmanto muhuttaṃ ekamantaṃ hotha, yāvāyaṃ bhikkhu pārisuddhiṃ detī’’ti. Evañcetaṃ labhetha, iccetaṃ kusalaṃ. No ce labhetha, te bhikkhupaccatthikā bhikkhūhi evamassu vacanīyā – ‘‘iṅgha, tumhe āyasmanto imaṃ bhikkhuṃ muhuttaṃ nissīmaṃ netha, yāva saṅgho uposathaṃ karotī’’ti. Evañcetaṃ labhetha, iccetaṃ kusalaṃ. No ce labhetha, na tveva vaggena saṅghena uposatho kātabbo. Kareyya ce, āpatti dukkaṭassāti.
Related texts:
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / чанд̣̇ад̣̇аанаад̣̇игат̇ааван̣н̣анаа • Chandadānādikathāvaṇṇanā
