| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੧੨੩. ਞਾਤਕਾਦਿਗ੍ਗਹਣਕਥਾ
123. Ñātakādiggahaṇakathā
੨੧੪. ਤੇਨ ਖੋ ਪਨ ਸਮਯੇਨ ਅਞ੍ਞਤਰਂ ਭਿਕ੍ਖੁਂ ਤਦਹੁ ਪવਾਰਣਾਯ ਞਾਤਕਾ ਗਣ੍ਹਿਂਸੁ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਇਧ ਪਨ, ਭਿਕ੍ਖવੇ, ਭਿਕ੍ਖੁਂ ਤਦਹੁ ਪવਾਰਣਾਯ ਞਾਤਕਾ ਗਣ੍ਹਨ੍ਤਿ। ਤੇ ਞਾਤਕਾ ਭਿਕ੍ਖੂਹਿ ਏવਮਸ੍ਸੁ વਚਨੀਯਾ – ‘‘ਇਙ੍ਘ, ਤੁਮ੍ਹੇ ਆਯਸ੍ਮਨ੍ਤੋ ਇਮਂ ਭਿਕ੍ਖੁਂ ਮੁਹੁਤ੍ਤਂ ਮੁਞ੍ਚਥ, ਯਾવਾਯਂ ਭਿਕ੍ਖੁ ਪવਾਰੇਤੀ’’ਤਿ। ਏવਞ੍ਚੇਤਂ ਲਭੇਥ, ਇਚ੍ਚੇਤਂ ਕੁਸਲਂ। ਨੋ ਚੇ ਲਭੇਥ, ਤੇ ਞਾਤਕਾ ਭਿਕ੍ਖੂਹਿ ਏવਮਸ੍ਸੁ વਚਨੀਯਾ – ‘‘ਇਙ੍ਘ, ਤੁਮ੍ਹੇ ਆਯਸ੍ਮਨ੍ਤੋ ਮੁਹੁਤ੍ਤਂ ਏਕਮਨ੍ਤਂ ਹੋਥ, ਯਾવਾਯਂ ਭਿਕ੍ਖੁ ਪવਾਰਣਂ ਦੇਤੀ’’ਤਿ। ਏવਞ੍ਚੇਤਂ ਲਭੇਥ, ਇਚ੍ਚੇਤਂ ਕੁਸਲਂ। ਨੋ ਚੇ ਲਭੇਥ, ਤੇ ਞਾਤਕਾ ਭਿਕ੍ਖੂਹਿ ਏવਮਸ੍ਸੁ વਚਨੀਯਾ – ‘‘ਇਙ੍ਘ, ਤੁਮ੍ਹੇ ਆਯਸ੍ਮਨ੍ਤੋ ਇਮਂ ਭਿਕ੍ਖੁਂ ਮੁਹੁਤ੍ਤਂ ਨਿਸ੍ਸੀਮਂ ਨੇਥ, ਯਾવ ਸਙ੍ਘੋ ਪવਾਰੇਤੀ’’ਤਿ। ਏવਞ੍ਚੇਤਂ ਲਭੇਥ, ਇਚ੍ਚੇਤਂ ਕੁਸਲਂ। ਨੋ ਚੇ ਲਭੇਥ, ਨ ਤ੍વੇવ વਗ੍ਗੇਨ ਸਙ੍ਘੇਨ ਪવਾਰੇਤਬ੍ਬਂ। ਪવਾਰੇਯ੍ਯ ਚੇ, ਆਪਤ੍ਤਿ ਦੁਕ੍ਕਟਸ੍ਸ।
214. Tena kho pana samayena aññataraṃ bhikkhuṃ tadahu pavāraṇāya ñātakā gaṇhiṃsu. Bhagavato etamatthaṃ ārocesuṃ. Idha pana, bhikkhave, bhikkhuṃ tadahu pavāraṇāya ñātakā gaṇhanti. Te ñātakā bhikkhūhi evamassu vacanīyā – ‘‘iṅgha, tumhe āyasmanto imaṃ bhikkhuṃ muhuttaṃ muñcatha, yāvāyaṃ bhikkhu pavāretī’’ti. Evañcetaṃ labhetha, iccetaṃ kusalaṃ. No ce labhetha, te ñātakā bhikkhūhi evamassu vacanīyā – ‘‘iṅgha, tumhe āyasmanto muhuttaṃ ekamantaṃ hotha, yāvāyaṃ bhikkhu pavāraṇaṃ detī’’ti. Evañcetaṃ labhetha, iccetaṃ kusalaṃ. No ce labhetha, te ñātakā bhikkhūhi evamassu vacanīyā – ‘‘iṅgha, tumhe āyasmanto imaṃ bhikkhuṃ muhuttaṃ nissīmaṃ netha, yāva saṅgho pavāretī’’ti. Evañcetaṃ labhetha, iccetaṃ kusalaṃ. No ce labhetha, na tveva vaggena saṅghena pavāretabbaṃ. Pavāreyya ce, āpatti dukkaṭassa.
ਇਧ ਪਨ, ਭਿਕ੍ਖવੇ, ਭਿਕ੍ਖੁਂ ਤਦਹੁ ਪવਾਰਣਾਯ ਰਾਜਾਨੋ ਗਣ੍ਹਨ੍ਤਿ…ਪੇ॰… ਚੋਰਾ ਗਣ੍ਹਨ੍ਤਿ … ਧੁਤ੍ਤਾ ਗਣ੍ਹਨ੍ਤਿ… ਭਿਕ੍ਖੁਪਚ੍ਚਤ੍ਥਿਕਾ ਗਣ੍ਹਨ੍ਤਿ। ਤੇ ਭਿਕ੍ਖੁਪਚ੍ਚਤ੍ਥਿਕਾ ਭਿਕ੍ਖੂਹਿ ਏવਮਸ੍ਸੁ વਚਨੀਯਾ – ‘‘ਇਙ੍ਘ, ਤੁਮ੍ਹੇ ਆਯਸ੍ਮਨ੍ਤੋ ਇਮਂ ਭਿਕ੍ਖੁਂ ਮੁਹੁਤ੍ਤਂ ਮੁਞ੍ਚਥ, ਯਾવਾਯਂ ਭਿਕ੍ਖੁ ਪવਾਰੇਤੀ’’ਤਿ । ਏવਞ੍ਚੇਤਂ ਲਭੇਥ, ਇਚ੍ਚੇਤਂ ਕੁਸਲਂ। ਨੋ ਚੇ ਲਭੇਥ, ਤੇ ਭਿਕ੍ਖੁਪਚ੍ਚਤ੍ਥਿਕਾ ਭਿਕ੍ਖੂਹਿ ਏવਮਸ੍ਸੁ વਚਨੀਯਾ – ‘‘ਇਙ੍ਘ, ਤੁਮ੍ਹੇ ਆਯਸ੍ਮਨ੍ਤੋ ਮੁਹੁਤ੍ਤਂ ਏਕਮਨ੍ਤਂ ਹੋਥ, ਯਾવਾਯਂ ਭਿਕ੍ਖੁ ਪવਾਰਣਂ ਦੇਤੀ’’ਤਿ। ਏવਞ੍ਚੇਤਂ ਲਭੇਥ, ਇਚ੍ਚੇਤਂ ਕੁਸਲਂ। ਨੋ ਚੇ ਲਭੇਥ, ਤੇ ਭਿਕ੍ਖੁਪਚ੍ਚਤ੍ਥਿਕਾ ਭਿਕ੍ਖੂਹਿ ਏવਮਸ੍ਸੁ વਚਨੀਯਾ – ‘‘ਇਙ੍ਘ, ਤੁਮ੍ਹੇ ਆਯਸ੍ਮਨ੍ਤੋ ਇਮਂ ਭਿਕ੍ਖੁਂ ਮੁਹੁਤ੍ਤਂ ਨਿਸ੍ਸੀਮਂ ਨੇਥ, ਯਾવ ਸਙ੍ਘੋ ਪવਾਰੇਤੀ’’ਤਿ। ਏવਞ੍ਚੇਤਂ ਲਭੇਥ, ਇਚ੍ਚੇਤਂ ਕੁਸਲਂ। ਨੋ ਚੇ ਲਭੇਥ, ਨ ਤ੍વੇવ વਗ੍ਗੇਨ ਸਙ੍ਘੇਨ ਪવਾਰੇਤਬ੍ਬਂ। ਪવਾਰੇਯ੍ਯ ਚੇ, ਆਪਤ੍ਤਿ ਦੁਕ੍ਕਟਸ੍ਸਾਤਿ।
Idha pana, bhikkhave, bhikkhuṃ tadahu pavāraṇāya rājāno gaṇhanti…pe… corā gaṇhanti … dhuttā gaṇhanti… bhikkhupaccatthikā gaṇhanti. Te bhikkhupaccatthikā bhikkhūhi evamassu vacanīyā – ‘‘iṅgha, tumhe āyasmanto imaṃ bhikkhuṃ muhuttaṃ muñcatha, yāvāyaṃ bhikkhu pavāretī’’ti . Evañcetaṃ labhetha, iccetaṃ kusalaṃ. No ce labhetha, te bhikkhupaccatthikā bhikkhūhi evamassu vacanīyā – ‘‘iṅgha, tumhe āyasmanto muhuttaṃ ekamantaṃ hotha, yāvāyaṃ bhikkhu pavāraṇaṃ detī’’ti. Evañcetaṃ labhetha, iccetaṃ kusalaṃ. No ce labhetha, te bhikkhupaccatthikā bhikkhūhi evamassu vacanīyā – ‘‘iṅgha, tumhe āyasmanto imaṃ bhikkhuṃ muhuttaṃ nissīmaṃ netha, yāva saṅgho pavāretī’’ti. Evañcetaṃ labhetha, iccetaṃ kusalaṃ. No ce labhetha, na tveva vaggena saṅghena pavāretabbaṃ. Pavāreyya ce, āpatti dukkaṭassāti.
ਞਾਤਕਾਦਿਗ੍ਗਹਣਕਥਾ ਨਿਟ੍ਠਿਤਾ।
Ñātakādiggahaṇakathā niṭṭhitā.
