| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๒. รถการวโคฺค
2. Rathakāravaggo
๑. ญาตสุตฺตํ
1. Ñātasuttaṃ
๑๑. ‘‘ตีหิ , ภิกฺขเว, ธเมฺมหิ สมนฺนาคโต ญาโต ภิกฺขุ พหุชนอหิตาย ปฎิปโนฺน โหติ พหุชนทุกฺขาย, พหุโน ชนสฺส อนตฺถาย อหิตาย ทุกฺขาย เทวมนุสฺสานํฯ กตเมหิ ตีหิ? อนนุโลมิเก กายกเมฺม สมาทเปติ, อนนุโลมิเก วจีกเมฺม สมาทเปติ, อนนุโลมิเกสุ ธเมฺมสุ สมาทเปติฯ อิเมหิ โข, ภิกฺขเว, ตีหิ ธเมฺมหิ สมนฺนาคโต ญาโต ภิกฺขุ พหุชนอหิตาย ปฎิปโนฺน โหติ พหุชนทุกฺขาย, พหุโน ชนสฺส อนตฺถาย อหิตาย ทุกฺขาย เทวมนุสฺสานํฯ
11. ‘‘Tīhi , bhikkhave, dhammehi samannāgato ñāto bhikkhu bahujanaahitāya paṭipanno hoti bahujanadukkhāya, bahuno janassa anatthāya ahitāya dukkhāya devamanussānaṃ. Katamehi tīhi? Ananulomike kāyakamme samādapeti, ananulomike vacīkamme samādapeti, ananulomikesu dhammesu samādapeti. Imehi kho, bhikkhave, tīhi dhammehi samannāgato ñāto bhikkhu bahujanaahitāya paṭipanno hoti bahujanadukkhāya, bahuno janassa anatthāya ahitāya dukkhāya devamanussānaṃ.
‘‘ตีหิ, ภิกฺขเว, ธเมฺมหิ สมนฺนาคโต ญาโต ภิกฺขุ พหุชนหิตาย ปฎิปโนฺน โหติ พหุชนสุขาย, พหุโน ชนสฺส อตฺถาย หิตาย สุขาย เทวมนุสฺสานํฯ กตเมหิ ตีหิ? อนุโลมิเก กายกเมฺม สมาทเปติ, อนุโลมิเก วจีกเมฺม สมาทเปติ, อนุโลมิเกสุ ธเมฺมสุ สมาทเปติฯ อิเมหิ โข, ภิกฺขเว, ตีหิ ธเมฺมหิ สมนฺนาคโต ญาโต ภิกฺขุ พหุชนหิตาย ปฎิปโนฺน โหติ พหุชนสุขาย, พหุโน ชนสฺส อตฺถาย หิตาย สุขาย เทวมนุสฺสาน’’นฺติฯ ปฐมํฯ
‘‘Tīhi, bhikkhave, dhammehi samannāgato ñāto bhikkhu bahujanahitāya paṭipanno hoti bahujanasukhāya, bahuno janassa atthāya hitāya sukhāya devamanussānaṃ. Katamehi tīhi? Anulomike kāyakamme samādapeti, anulomike vacīkamme samādapeti, anulomikesu dhammesu samādapeti. Imehi kho, bhikkhave, tīhi dhammehi samannāgato ñāto bhikkhu bahujanahitāya paṭipanno hoti bahujanasukhāya, bahuno janassa atthāya hitāya sukhāya devamanussāna’’nti. Paṭhamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๑. ญาตสุตฺตวณฺณนา • 1. Ñātasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑. ญาตสุตฺตวณฺณนา • 1. Ñātasuttavaṇṇanā
