| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༢. རཐཀཱརཝགྒོ
2. Rathakāravaggo
༡. ཉཱཏསུཏྟཾ
1. Ñātasuttaṃ
༡༡. ‘‘ཏཱིཧི , བྷིཀྑཝེ, དྷམྨེཧི སམནྣཱགཏོ ཉཱཏོ བྷིཀྑུ བཧུཛནཨཧིཏཱཡ པཊིཔནྣོ ཧོཏི བཧུཛནདུཀྑཱཡ, བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ། ཀཏམེཧི ཏཱིཧི? ཨནནུལོམིཀེ ཀཱཡཀམྨེ སམཱདཔེཏི, ཨནནུལོམིཀེ ཝཙཱིཀམྨེ སམཱདཔེཏི, ཨནནུལོམིཀེསུ དྷམྨེསུ སམཱདཔེཏི། ཨིམེཧི ཁོ, བྷིཀྑཝེ, ཏཱིཧི དྷམྨེཧི སམནྣཱགཏོ ཉཱཏོ བྷིཀྑུ བཧུཛནཨཧིཏཱཡ པཊིཔནྣོ ཧོཏི བཧུཛནདུཀྑཱཡ, བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ།
11. ‘‘Tīhi , bhikkhave, dhammehi samannāgato ñāto bhikkhu bahujanaahitāya paṭipanno hoti bahujanadukkhāya, bahuno janassa anatthāya ahitāya dukkhāya devamanussānaṃ. Katamehi tīhi? Ananulomike kāyakamme samādapeti, ananulomike vacīkamme samādapeti, ananulomikesu dhammesu samādapeti. Imehi kho, bhikkhave, tīhi dhammehi samannāgato ñāto bhikkhu bahujanaahitāya paṭipanno hoti bahujanadukkhāya, bahuno janassa anatthāya ahitāya dukkhāya devamanussānaṃ.
‘‘ཏཱིཧི, བྷིཀྑཝེ, དྷམྨེཧི སམནྣཱགཏོ ཉཱཏོ བྷིཀྑུ བཧུཛནཧིཏཱཡ པཊིཔནྣོ ཧོཏི བཧུཛནསུཁཱཡ, བཧུནོ ཛནསྶ ཨཏྠཱཡ ཧིཏཱཡ སུཁཱཡ དེཝམནུསྶཱནཾ། ཀཏམེཧི ཏཱིཧི? ཨནུལོམིཀེ ཀཱཡཀམྨེ སམཱདཔེཏི, ཨནུལོམིཀེ ཝཙཱིཀམྨེ སམཱདཔེཏི, ཨནུལོམིཀེསུ དྷམྨེསུ སམཱདཔེཏི། ཨིམེཧི ཁོ, བྷིཀྑཝེ, ཏཱིཧི དྷམྨེཧི སམནྣཱགཏོ ཉཱཏོ བྷིཀྑུ བཧུཛནཧིཏཱཡ པཊིཔནྣོ ཧོཏི བཧུཛནསུཁཱཡ, བཧུནོ ཛནསྶ ཨཏྠཱཡ ཧིཏཱཡ སུཁཱཡ དེཝམནུསྶཱན’’ནྟི། པཋམཾ།
‘‘Tīhi, bhikkhave, dhammehi samannāgato ñāto bhikkhu bahujanahitāya paṭipanno hoti bahujanasukhāya, bahuno janassa atthāya hitāya sukhāya devamanussānaṃ. Katamehi tīhi? Anulomike kāyakamme samādapeti, anulomike vacīkamme samādapeti, anulomikesu dhammesu samādapeti. Imehi kho, bhikkhave, tīhi dhammehi samannāgato ñāto bhikkhu bahujanahitāya paṭipanno hoti bahujanasukhāya, bahuno janassa atthāya hitāya sukhāya devamanussāna’’nti. Paṭhamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡. ཉཱཏསུཏྟཝཎྞནཱ • 1. Ñātasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡. ཉཱཏསུཏྟཝཎྞནཱ • 1. Ñātasuttavaṇṇanā
