| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၂. ရထကာရဝဂ္ဂော
2. Rathakāravaggo
၁. ဉာတသုတ္တဝဏ္ဏနာ
1. Ñātasuttavaṇṇanā
၁၁. ဒုတိယသ္သ ပဌမေ ဉာတောယေဝ ပညာတောတိ အာဟ ‘‘ဉာတော ပညာတော’’တိ။ ကသ္သ အနနုလောမိကေတိ အာဟ ‘‘သာသနသ္သာ’’တိ, သာသနသ္သ အနနုလောမိကေ အပ္ပတိရူပေတိ အတ္ထော။ ဣဒာနိ အနနုလောမိကသဒ္ဒသ္သ နိဗ္ဗစနံ ဒသ္သေန္တော ‘‘န အနုလောမေတီတိ အနနုလောမိက’’န္တိ အာဟ ။ သာသနသ္သာတိ ဝာ သာသနန္တိ အတ္ထော။ သာသနံ န အနုလောမေတီတိ အနနုလောမိကန္တိ ဧဝမေတ္ထ သမ္ဗန္ဓော ဒဋ္ဌဗ္ဗော။ သဘာဂဝိသဘာဂန္တိ လိင္ဂတော သဘာဂဝိသဘာဂံ။ ‘‘ဝိယပုဂ္ဂလေ’’တိ အာဟာတိ လိင္ဂသဘာဂေဟိ အဝိသေသေတ္ဝာ အာဟ။ ဥမ္မာဒံ ပာပုဏီတိ သော ကိရ သီလံ အဓိဋ္ဌာယ ပိဟိတဒ္ဝာရဂဗ္ဘေ သယနပိဋ္ဌေ နိသီဒိတ္ဝာ ဘရိယံ အာရဗ္ဘ မေတ္တံ ဘာဝေန္တော မေတ္တာမုခေန ဥပ္ပန္နေန ရာဂေန အန္ဓီကတော ဘရိယာယ သန္တိကံ ဂန္တုကာမော ဒ္ဝာရံ အသလ္လက္ခေတ္ဝာ ဘိတ္တိံ ဘိန္ဒိတ္ဝာပိ နိက္ခမိတုကာမတာယ ဘိတ္တိံ ပဟရန္တော သဗ္ဗရတ္တိံ ဘိတ္တိယုဒ္ဓမကာသိ။ သေသမေတ္ထ သုဝိညေယ္ယမေဝ။
11. Dutiyassa paṭhame ñātoyeva paññātoti āha ‘‘ñāto paññāto’’ti. Kassa ananulomiketi āha ‘‘sāsanassā’’ti, sāsanassa ananulomike appatirūpeti attho. Idāni ananulomikasaddassa nibbacanaṃ dassento ‘‘na anulometīti ananulomika’’nti āha . Sāsanassāti vā sāsananti attho. Sāsanaṃ na anulometīti ananulomikanti evamettha sambandho daṭṭhabbo. Sabhāgavisabhāganti liṅgato sabhāgavisabhāgaṃ. ‘‘Viyapuggale’’ti āhāti liṅgasabhāgehi avisesetvā āha. Ummādaṃ pāpuṇīti so kira sīlaṃ adhiṭṭhāya pihitadvāragabbhe sayanapiṭṭhe nisīditvā bhariyaṃ ārabbha mettaṃ bhāvento mettāmukhena uppannena rāgena andhīkato bhariyāya santikaṃ gantukāmo dvāraṃ asallakkhetvā bhittiṃ bhinditvāpi nikkhamitukāmatāya bhittiṃ paharanto sabbarattiṃ bhittiyuddhamakāsi. Sesamettha suviññeyyameva.
ဉာတသုတ္တဝဏ္ဏနာ နိဋ္ဌိတာ။
Ñātasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. ဉာတသုတ္တံ • 1. Ñātasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁. ဉာတသုတ္တဝဏ္ဏနာ • 1. Ñātasuttavaṇṇanā
