| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
2. රථකාරවග්‌ගො
2. Rathakāravaggo
1. ඤාතසුත්‌තවණ්‌ණනා
1. Ñātasuttavaṇṇanā
11. දුතියස්‌ස පඨමෙ ඤාතොයෙව පඤ්‌ඤාතොති ආහ ‘‘ඤාතො පඤ්‌ඤාතො’’ති. කස්‌ස අනනුලොමිකෙති ආහ ‘‘සාසනස්‌සා’’ති, සාසනස්‌ස අනනුලොමිකෙ අප්‌පතිරූපෙති අත්‌ථො. ඉදානි අනනුලොමිකසද්‌දස්‌ස නිබ්‌බචනං දස්‌සෙන්‌තො ‘‘න අනුලොමෙතීති අනනුලොමික’’න්‌ති ආහ . සාසනස්‌සාති වා සාසනන්‌ති අත්‌ථො. සාසනං න අනුලොමෙතීති අනනුලොමිකන්‌ති එවමෙත්‌ථ සම්‌බන්‌ධො දට්‌ඨබ්‌බො. සභාගවිසභාගන්‌ති ලිඞ්‌ගතො සභාගවිසභාගං. ‘‘වියපුග්‌ගලෙ’’ති ආහාති ලිඞ්‌ගසභාගෙහි අවිසෙසෙත්‌වා ආහ. උම්‌මාදං පාපුණීති සො කිර සීලං අධිට්‌ඨාය පිහිතද්‌වාරගබ්‌භෙ සයනපිට්‌ඨෙ නිසීදිත්‌වා භරියං ආරබ්‌භ මෙත්‌තං භාවෙන්‌තො මෙත්‌තාමුඛෙන උප්‌පන්‌නෙන රාගෙන අන්‌ධීකතො භරියාය සන්‌තිකං ගන්‌තුකාමො ද්‌වාරං අසල්‌ලක්‌ඛෙත්‌වා භිත්‌තිං භින්‌දිත්‌වාපි නික්‌ඛමිතුකාමතාය භිත්‌තිං පහරන්‌තො සබ්‌බරත්‌තිං භිත්‌තියුද්‌ධමකාසි. සෙසමෙත්‌ථ සුවිඤ්‌ඤෙය්‍යමෙව.
11. Dutiyassa paṭhame ñātoyeva paññātoti āha ‘‘ñāto paññāto’’ti. Kassa ananulomiketi āha ‘‘sāsanassā’’ti, sāsanassa ananulomike appatirūpeti attho. Idāni ananulomikasaddassa nibbacanaṃ dassento ‘‘na anulometīti ananulomika’’nti āha . Sāsanassāti vā sāsananti attho. Sāsanaṃ na anulometīti ananulomikanti evamettha sambandho daṭṭhabbo. Sabhāgavisabhāganti liṅgato sabhāgavisabhāgaṃ. ‘‘Viyapuggale’’ti āhāti liṅgasabhāgehi avisesetvā āha. Ummādaṃ pāpuṇīti so kira sīlaṃ adhiṭṭhāya pihitadvāragabbhe sayanapiṭṭhe nisīditvā bhariyaṃ ārabbha mettaṃ bhāvento mettāmukhena uppannena rāgena andhīkato bhariyāya santikaṃ gantukāmo dvāraṃ asallakkhetvā bhittiṃ bhinditvāpi nikkhamitukāmatāya bhittiṃ paharanto sabbarattiṃ bhittiyuddhamakāsi. Sesamettha suviññeyyameva.
ඤාතසුත්‌තවණ්‌ණනා නිට්‌ඨිතා.
Ñātasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 1. ඤාතසුත්‌තං • 1. Ñātasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1. ඤාතසුත්‌තවණ්‌ණනා • 1. Ñātasuttavaṇṇanā
