| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. ஞாதிகஸுத்தங்
5. Ñātikasuttaṃ
45. ஏவங் மே ஸுதங் – ஏகங் ஸமயங் ப⁴க³வா ஞாதிகே விஹரதி கி³ஞ்ஜகாவஸதே². அத² கோ² ப⁴க³வா ரஹோக³தோ படிஸல்லானோ இமங் த⁴ம்மபரியாயங் அபா⁴ஸி –
45. Evaṃ me sutaṃ – ekaṃ samayaṃ bhagavā ñātike viharati giñjakāvasathe. Atha kho bhagavā rahogato paṭisallāno imaṃ dhammapariyāyaṃ abhāsi –
‘‘சக்கு²ஞ்ச படிச்ச ரூபே ச உப்பஜ்ஜதி சக்கு²விஞ்ஞாணங். திண்ணங் ஸங்க³தி ப²ஸ்ஸோ. ப²ஸ்ஸபச்சயா வேத³னா, வேத³னாபச்சயா தண்ஹா; தண்ஹாபச்சயா உபாதா³னங்…பே॰… ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி.
‘‘Cakkhuñca paṭicca rūpe ca uppajjati cakkhuviññāṇaṃ. Tiṇṇaṃ saṅgati phasso. Phassapaccayā vedanā, vedanāpaccayā taṇhā; taṇhāpaccayā upādānaṃ…pe… evametassa kevalassa dukkhakkhandhassa samudayo hoti.
‘‘ஸோதஞ்ச படிச்ச ஸத்³தே³ ச…பே॰… கா⁴னஞ்ச படிச்ச க³ந்தே⁴ ச… ஜிவ்ஹஞ்ச படிச்ச ரஸே ச… காயஞ்ச படிச்ச பொ²ட்ட²ப்³பே³ ச… மனஞ்ச படிச்ச த⁴ம்மே ச உப்பஜ்ஜதி மனோவிஞ்ஞாணங். திண்ணங் ஸங்க³தி ப²ஸ்ஸோ. ப²ஸ்ஸபச்சயா வேத³னா; வேத³னாபச்சயா தண்ஹா; தண்ஹாபச்சயா உபாதா³னங்…பே॰… ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி.
‘‘Sotañca paṭicca sadde ca…pe… ghānañca paṭicca gandhe ca… jivhañca paṭicca rase ca… kāyañca paṭicca phoṭṭhabbe ca… manañca paṭicca dhamme ca uppajjati manoviññāṇaṃ. Tiṇṇaṃ saṅgati phasso. Phassapaccayā vedanā; vedanāpaccayā taṇhā; taṇhāpaccayā upādānaṃ…pe… evametassa kevalassa dukkhakkhandhassa samudayo hoti.
‘‘சக்கு²ஞ்ச படிச்ச ரூபே ச உப்பஜ்ஜதி சக்கு²விஞ்ஞாணங். திண்ணங் ஸங்க³தி ப²ஸ்ஸோ. ப²ஸ்ஸபச்சயா வேத³னா; வேத³னாபச்சயா தண்ஹா. தஸ்ஸாயேவ தண்ஹாய அஸேஸவிராக³னிரோதா⁴ உபாதா³னநிரோதோ⁴; உபாதா³னநிரோதா⁴ ப⁴வனிரோதோ⁴…பே॰… ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ நிரோதோ⁴ ஹோதி.
‘‘Cakkhuñca paṭicca rūpe ca uppajjati cakkhuviññāṇaṃ. Tiṇṇaṃ saṅgati phasso. Phassapaccayā vedanā; vedanāpaccayā taṇhā. Tassāyeva taṇhāya asesavirāganirodhā upādānanirodho; upādānanirodhā bhavanirodho…pe… evametassa kevalassa dukkhakkhandhassa nirodho hoti.
‘‘ஸோதஞ்ச படிச்ச ஸத்³தே³ ச…பே॰… மனஞ்ச படிச்ச த⁴ம்மே ச உப்பஜ்ஜதி மனோவிஞ்ஞாணங். திண்ணங் ஸங்க³தி ப²ஸ்ஸோ. ப²ஸ்ஸபச்சயா வேத³னா; வேத³னாபச்சயா தண்ஹா. தஸ்ஸாயேவ தண்ஹாய அஸேஸவிராக³னிரோதா⁴ உபாதா³னநிரோதோ⁴; உபாதா³னநிரோதா⁴ ப⁴வனிரோதோ⁴…பே॰… ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ நிரோதோ⁴ ஹோதீ’’தி.
‘‘Sotañca paṭicca sadde ca…pe… manañca paṭicca dhamme ca uppajjati manoviññāṇaṃ. Tiṇṇaṃ saṅgati phasso. Phassapaccayā vedanā; vedanāpaccayā taṇhā. Tassāyeva taṇhāya asesavirāganirodhā upādānanirodho; upādānanirodhā bhavanirodho…pe… evametassa kevalassa dukkhakkhandhassa nirodho hotī’’ti.
தேன கோ² பன ஸமயேன அஞ்ஞதரோ பி⁴க்கு² ப⁴க³வதோ உபஸ்ஸுதி 1 டி²தோ ஹோதி. அத்³த³ஸா கோ² ப⁴க³வா தங் பி⁴க்கு²ங் உபஸ்ஸுதி டி²தங். தி³ஸ்வான தங் பி⁴க்கு²ங் ஏதத³வோச – ‘‘அஸ்ஸோஸி நோ த்வங், பி⁴க்கு², இமங் த⁴ம்மபரியாய’’ந்தி? ‘‘ஏவங், ப⁴ந்தே’’தி. ‘‘உக்³க³ண்ஹாஹி த்வங், பி⁴க்கு², இமங் த⁴ம்மபரியாயங்; பரியாபுணாஹி த்வங், பி⁴க்கு², இமங் த⁴ம்மபரியாயங்; தா⁴ரேஹி த்வங், பி⁴க்கு², இமங் த⁴ம்மபரியாயங். அத்த²ஸங்ஹிதோ அயங் 2, பி⁴க்கு², த⁴ம்மபரியாயோ ஆதி³ப்³ரஹ்மசரியகோ’’தி. பஞ்சமங்.
Tena kho pana samayena aññataro bhikkhu bhagavato upassuti 3 ṭhito hoti. Addasā kho bhagavā taṃ bhikkhuṃ upassuti ṭhitaṃ. Disvāna taṃ bhikkhuṃ etadavoca – ‘‘assosi no tvaṃ, bhikkhu, imaṃ dhammapariyāya’’nti? ‘‘Evaṃ, bhante’’ti. ‘‘Uggaṇhāhi tvaṃ, bhikkhu, imaṃ dhammapariyāyaṃ; pariyāpuṇāhi tvaṃ, bhikkhu, imaṃ dhammapariyāyaṃ; dhārehi tvaṃ, bhikkhu, imaṃ dhammapariyāyaṃ. Atthasaṃhito ayaṃ 4, bhikkhu, dhammapariyāyo ādibrahmacariyako’’ti. Pañcamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. ஞாதிகஸுத்தவண்ணனா • 5. Ñātikasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. ஞாதிகஸுத்தவண்ணனா • 5. Ñātikasuttavaṇṇanā
