Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

    5. н̃аад̇игасуд̇д̇ам̣

    5. Ñātikasuttaṃ

    45. звам̣ мз суд̇ам̣ – згам̣ самаяам̣ бхаг̇аваа н̃аад̇игз вихарад̇и г̇ин̃ж̇агаавасат̇з. ат̇а ко бхаг̇аваа рахог̇ад̇о бадисаллаано имам̣ д̇хаммабарияааяам̣ абхааси –

    45. Evaṃ me sutaṃ – ekaṃ samayaṃ bhagavā ñātike viharati giñjakāvasathe. Atha kho bhagavā rahogato paṭisallāno imaṃ dhammapariyāyaṃ abhāsi –

    ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣ам̣. д̇ин̣н̣ам̣ сан̇г̇ад̇и пассо. пассабажжаяаа взд̣̇анаа, взд̣̇анаабажжаяаа д̇ан̣хаа; д̇ан̣хаабажжаяаа убаад̣̇аанам̣…бз… звамзд̇асса гзваласса д̣̇угкагканд̇хасса самуд̣̇аяо ход̇и.

    ‘‘Cakkhuñca paṭicca rūpe ca uppajjati cakkhuviññāṇaṃ. Tiṇṇaṃ saṅgati phasso. Phassapaccayā vedanā, vedanāpaccayā taṇhā; taṇhāpaccayā upādānaṃ…pe… evametassa kevalassa dukkhakkhandhassa samudayo hoti.

    ‘‘сод̇ан̃жа бадижжа сад̣̇д̣̇з жа…бз… гхаанан̃жа бадижжа г̇анд̇хз жа… ж̇ивхан̃жа бадижжа расз жа… гааяан̃жа бадижжа подтаб̣б̣з жа… манан̃жа бадижжа д̇хаммз жа уббаж̇ж̇ад̇и мановин̃н̃аан̣ам̣. д̇ин̣н̣ам̣ сан̇г̇ад̇и пассо. пассабажжаяаа взд̣̇анаа; взд̣̇анаабажжаяаа д̇ан̣хаа; д̇ан̣хаабажжаяаа убаад̣̇аанам̣…бз… звамзд̇асса гзваласса д̣̇угкагканд̇хасса самуд̣̇аяо ход̇и.

    ‘‘Sotañca paṭicca sadde ca…pe… ghānañca paṭicca gandhe ca… jivhañca paṭicca rase ca… kāyañca paṭicca phoṭṭhabbe ca… manañca paṭicca dhamme ca uppajjati manoviññāṇaṃ. Tiṇṇaṃ saṅgati phasso. Phassapaccayā vedanā; vedanāpaccayā taṇhā; taṇhāpaccayā upādānaṃ…pe… evametassa kevalassa dukkhakkhandhassa samudayo hoti.

    ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣ам̣. д̇ин̣н̣ам̣ сан̇г̇ад̇и пассо. пассабажжаяаа взд̣̇анаа; взд̣̇анаабажжаяаа д̇ан̣хаа. д̇ассааязва д̇ан̣хааяа асзсавирааг̇анирод̇хаа убаад̣̇аананирод̇хо; убаад̣̇аананирод̇хаа бхаванирод̇хо…бз… звамзд̇асса гзваласса д̣̇угкагканд̇хасса нирод̇хо ход̇и.

    ‘‘Cakkhuñca paṭicca rūpe ca uppajjati cakkhuviññāṇaṃ. Tiṇṇaṃ saṅgati phasso. Phassapaccayā vedanā; vedanāpaccayā taṇhā. Tassāyeva taṇhāya asesavirāganirodhā upādānanirodho; upādānanirodhā bhavanirodho…pe… evametassa kevalassa dukkhakkhandhassa nirodho hoti.

    ‘‘сод̇ан̃жа бадижжа сад̣̇д̣̇з жа…бз… манан̃жа бадижжа д̇хаммз жа уббаж̇ж̇ад̇и мановин̃н̃аан̣ам̣. д̇ин̣н̣ам̣ сан̇г̇ад̇и пассо. пассабажжаяаа взд̣̇анаа; взд̣̇анаабажжаяаа д̇ан̣хаа. д̇ассааязва д̇ан̣хааяа асзсавирааг̇анирод̇хаа убаад̣̇аананирод̇хо; убаад̣̇аананирод̇хаа бхаванирод̇хо…бз… звамзд̇асса гзваласса д̣̇угкагканд̇хасса нирод̇хо ход̇ий’’д̇и.

    ‘‘Sotañca paṭicca sadde ca…pe… manañca paṭicca dhamme ca uppajjati manoviññāṇaṃ. Tiṇṇaṃ saṅgati phasso. Phassapaccayā vedanā; vedanāpaccayā taṇhā. Tassāyeva taṇhāya asesavirāganirodhā upādānanirodho; upādānanirodhā bhavanirodho…pe… evametassa kevalassa dukkhakkhandhassa nirodho hotī’’ti.

    д̇зна ко бана самаязна ан̃н̃ад̇аро бхигку бхаг̇авад̇о убассуд̇и 1 тид̇о ход̇и. ад̣̇д̣̇асаа ко бхаг̇аваа д̇ам̣ бхигкум̣ убассуд̇и тид̇ам̣. д̣̇исваана д̇ам̣ бхигкум̣ зд̇ад̣̇авожа – ‘‘ассоси но д̇вам̣, бхигку, имам̣ д̇хаммабарияааяа’’нд̇и? ‘‘звам̣, бханд̇з’’д̇и. ‘‘уг̇г̇ан̣хаахи д̇вам̣, бхигку, имам̣ д̇хаммабарияааяам̣; барияаабун̣аахи д̇вам̣, бхигку, имам̣ д̇хаммабарияааяам̣; д̇хаарзхи д̇вам̣, бхигку, имам̣ д̇хаммабарияааяам̣. ад̇т̇асам̣хид̇о аяам̣ 2, бхигку, д̇хаммабарияааяо аад̣̇иб̣рахмажарияаго’’д̇и. бан̃жамам̣.

    Tena kho pana samayena aññataro bhikkhu bhagavato upassuti 3 ṭhito hoti. Addasā kho bhagavā taṃ bhikkhuṃ upassuti ṭhitaṃ. Disvāna taṃ bhikkhuṃ etadavoca – ‘‘assosi no tvaṃ, bhikkhu, imaṃ dhammapariyāya’’nti? ‘‘Evaṃ, bhante’’ti. ‘‘Uggaṇhāhi tvaṃ, bhikkhu, imaṃ dhammapariyāyaṃ; pariyāpuṇāhi tvaṃ, bhikkhu, imaṃ dhammapariyāyaṃ; dhārehi tvaṃ, bhikkhu, imaṃ dhammapariyāyaṃ. Atthasaṃhito ayaṃ 4, bhikkhu, dhammapariyāyo ādibrahmacariyako’’ti. Pañcamaṃ.




    Next: 6. ан̃н̃ад̇араб̣раахман̣асуд̇д̇ам̣ • 6. Aññatarabrāhmaṇasuttaṃ




    Footnotes:
    1. убассуд̇им̣ (сий. бий.)
    2. ад̇т̇асам̣хид̇ояам̣ (сий. сяаа. гам̣.), ад̇т̇асам̣хид̇ааяам̣ (бий. га.)
    3. upassutiṃ (sī. pī.)
    4. atthasaṃhitoyaṃ (sī. syā. kaṃ.), atthasaṃhitāyaṃ (pī. ka.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. н̃аад̇игасуд̇д̇аван̣н̣анаа • 5. Ñātikasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. н̃аад̇игасуд̇д̇аван̣н̣анаа • 5. Ñātikasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact