| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. н̃аад̇игасуд̇д̇аван̣н̣анаа
5. Ñātikasuttavaṇṇanā
45. ан̃н̃аман̃н̃ам̣ д̣̇виннам̣ н̃аад̇ийнам̣ г̇аамо н̃аад̇игод̇и вуд̇д̇од̇и ааха ‘‘д̣̇виннам̣ н̃аад̇агаанам̣ г̇аамз’’д̇и. г̇ин̃ж̇агаа вужжанд̇и идтагаа, г̇ин̃ж̇агаахи зва гад̇о аавасат̇о г̇ин̃ж̇агаавасат̇о. со гира ааваасо яат̇аа суд̇хаабаригаммзна баяож̇анам̣ над̇т̇и, звам̣ идтагаахи зва жинид̇ваа чаад̣̇зд̇ваа гад̇о. д̇аад̣̇исан̃хи чад̣̇анам̣ санд̇хааяа бхаг̇авад̇аа идтагаачад̣̇анам̣ анун̃н̃аад̇ам̣. д̇зна вуд̇д̇ам̣ ‘‘идтагаахи гад̇з махаабаасаад̣̇з’’д̇и. д̇ад̇т̇а д̣̇ваараб̣анд̇хагаваадапалагаад̣̇ийни бана д̣̇аарумаяааниязва. барияааяад̇и ад̇д̇ано палам̣ бариг̇г̇ахзд̇ваа вад̇д̇ад̇ийд̇и барияааяо, гааран̣анд̇и ааха ‘‘д̇хаммабарияааяанд̇и д̇хаммагааран̣а’’нд̇и, барияад̇д̇ид̇хаммабхууд̇ам̣ висзсаад̇хиг̇амасса хзд̇унд̇и ад̇т̇о. убзжжа суяяад̇и зд̇т̇аад̇и убассуд̇ийд̇и вуд̇д̇ам̣ ‘‘убассуд̇ийд̇и убассуд̇идтаана’’нд̇и. ад̇д̇ано гамманд̇и яад̣̇ад̇т̇ам̣ д̇ад̇т̇а г̇ад̇о, д̇ам̣ баривзн̣асамаж̇ж̇анагирияам̣. бахааяаад̇и агад̇ваа. звам̣ махад̇т̇ан̃хи вимуд̇д̇ааяад̇анасийсз тад̇ваа сун̣анд̇асса махад̇о ад̇т̇ааяа сам̣вад̇д̇ад̇и. зган̇г̇ан̣ам̣ ахосийд̇и саб̣б̣ам̣ вивадам̣ ахоси. д̇ийсу хи бхавзсу сан̇каараг̇ад̇ам̣ бажжаяуббаннавасзна манасигарод̇о бхаг̇авад̇о гин̃жи асзсзд̇ваа саб̣б̣амби д̇ам̣ н̃аан̣амукз аабаат̇ам̣ убаг̇ажчи. д̇зна вуд̇д̇ам̣ ‘‘яаавабхаваг̇г̇аа зган̇г̇ан̣ам̣ ахосий’’д̇и. д̇анд̇ивасзна д̇амад̇т̇ам̣ ваажааяа нижчаарзнд̇о ‘‘важасаа саж̇жхааяам̣ гаронд̇о’’д̇и вуд̇д̇о. бажжаяабажжаяуббаннавасзна жа ад̇т̇ам̣ аахарид̇ваа д̇зсам̣ нирод̇хзна виваддасса аахад̇ад̇д̇аа ‘‘яат̇аанусанд̇хинаа’’д̇и вуд̇д̇ам̣. ад̣̇д̣̇аса н̃аан̣ажагкунаа.
45. Aññamaññaṃ dvinnaṃ ñātīnaṃ gāmo ñātikoti vuttoti āha ‘‘dvinnaṃ ñātakānaṃ gāme’’ti. Giñjakā vuccanti iṭṭhakā, giñjakāhi eva kato āvasatho giñjakāvasatho. So kira āvāso yathā sudhāparikammena payojanaṃ natthi, evaṃ iṭṭhakāhi eva cinitvā chādetvā kato. Tādisañhi chadanaṃ sandhāya bhagavatā iṭṭhakāchadanaṃ anuññātaṃ. Tena vuttaṃ ‘‘iṭṭhakāhi kate mahāpāsāde’’ti. Tattha dvārabandhakavāṭaphalakādīni pana dārumayāniyeva. Pariyāyati attano phalaṃ pariggahetvā vattatīti pariyāyo, kāraṇanti āha ‘‘dhammapariyāyanti dhammakāraṇa’’nti, pariyattidhammabhūtaṃ visesādhigamassa hetunti attho. Upecca suyyati etthāti upassutīti vuttaṃ ‘‘upassutīti upassutiṭṭhāna’’nti. Attano kammanti yadatthaṃ tattha gato, taṃ pariveṇasamajjanakiriyaṃ. Pahāyāti akatvā. Evaṃ mahatthañhi vimuttāyatanasīse ṭhatvā suṇantassa mahato atthāya saṃvattati. Ekaṅgaṇaṃ ahosīti sabbaṃ vivaṭaṃ ahosi. Tīsu hi bhavesu saṅkhāragataṃ paccayuppannavasena manasikaroto bhagavato kiñci asesetvā sabbampi taṃ ñāṇamukhe āpāthaṃ upagacchi. Tena vuttaṃ ‘‘yāvabhavaggā ekaṅgaṇaṃ ahosī’’ti. Tantivasena tamatthaṃ vācāya nicchārento ‘‘vacasā sajjhāyaṃ karonto’’ti vutto. Paccayapaccayuppannavasena ca atthaṃ āharitvā tesaṃ nirodhena vivaṭṭassa āhatattā ‘‘yathānusandhinā’’ti vuttaṃ. Addasa ñāṇacakkhunā.
манасаа саж̇жхааяам̣ гаронд̇о ‘‘д̇ун̣хийбхууд̇ова баг̇ун̣ам̣ гаронд̇о’’д̇и вуд̇д̇о. бад̣̇аанубад̣̇анд̇и бад̣̇ан̃жа анубад̣̇ан̃жа. буриман̃хи бад̣̇ам̣ наама, д̇ад̣̇ананд̇арам̣ анубад̣̇ам̣. гхадзд̇ваа самб̣анд̇хам̣ гад̇ваа авижчинд̣̇ид̇ваа. барияаабун̣аад̇ийд̇и аж̇жхаяад̇и. аад̇хаараббад̇д̇анд̇и аад̇хаарам̣ жид̇д̇асанд̇аанаббад̇д̇ам̣ аббамудтам̣ г̇ад̇ад̇д̇аа аад̇хаараббад̇д̇ам̣ наама. гааран̣аниссид̇од̇и логуд̇д̇арад̇хаммасса гааран̣асанниссид̇о. аад̣̇иб̣рахмажарияагод̇и аад̣̇иб̣рахмажарияам̣, д̇ад̣̇зва аад̣̇иб̣рахмажарияагам̣. д̇хаммабарияааяаабзгкааяа буллин̇г̇анид̣̇д̣̇зсо. д̇ийсуби имзсууд̇и д̇ад̇ияажад̇уд̇т̇абан̃жамзсу д̇ийсу суд̇д̇зсу.
Manasā sajjhāyaṃ karonto ‘‘tuṇhībhūtova paguṇaṃ karonto’’ti vutto. Padānupadanti padañca anupadañca. Purimañhi padaṃ nāma, tadanantaraṃ anupadaṃ. Ghaṭetvā sambandhaṃ katvā avicchinditvā. Pariyāpuṇātīti ajjhayati. Ādhārappattanti ādhāraṃ cittasantānappattaṃ appamuṭṭhaṃ gatattā ādhārappattaṃ nāma. Kāraṇanissitoti lokuttaradhammassa kāraṇasannissito. Ādibrahmacariyakoti ādibrahmacariyaṃ, tadeva ādibrahmacariyakaṃ. Dhammapariyāyāpekkhāya pulliṅganiddeso. Tīsupi imesūti tatiyacatutthapañcamesu tīsu suttesu.
н̃аад̇игасуд̇д̇аван̣н̣анаа нидтид̇аа.
Ñātikasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. н̃аад̇игасуд̇д̇ам̣ • 5. Ñātikasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. н̃аад̇игасуд̇д̇аван̣н̣анаа • 5. Ñātikasuttavaṇṇanā
