| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
17. сад̇д̇арасамаваг̇г̇о
17. Sattarasamavaggo
(167) 2. над̇т̇и арахад̇о агааламажжууд̇игат̇аа
(167) 2. Natthi arahato akālamaccūtikathā
780. над̇т̇и арахад̇о агааламажжууд̇и? ааманд̇аа. над̇т̇и араханд̇агхаад̇агод̇и? на хзвам̣ вад̇д̇аб̣б̣з…бз… ад̇т̇и араханд̇агхаад̇агод̇и? ааманд̇аа. ад̇т̇и арахад̇о агааламажжууд̇и? на хзвам̣ вад̇д̇аб̣б̣з…бз… над̇т̇и арахад̇о агааламажжууд̇и? ааманд̇аа. яо араханд̇ам̣ ж̇ийвид̇аа воробзд̇и, сад̇и ж̇ийвид̇з ж̇ийвид̇аавасзсз ж̇ийвид̇аа воробзд̇и, асад̇и ж̇ийвид̇з ж̇ийвид̇аавасзсз ж̇ийвид̇аа воробзд̇ийд̇и? сад̇и ж̇ийвид̇з ж̇ийвид̇аавасзсз ж̇ийвид̇аа воробзд̇ийд̇и. хан̃жи сад̇и ж̇ийвид̇з ж̇ийвид̇аавасзсз ж̇ийвид̇аа воробзд̇и, но жа вад̇а рз вад̇д̇аб̣б̣з – ‘‘над̇т̇и арахад̇о агааламажжуу’’д̇и. асад̇и ж̇ийвид̇з ж̇ийвид̇аавасзсз ж̇ийвид̇аа воробзд̇ийд̇и, над̇т̇и араханд̇агхаад̇агод̇и? на хзвам̣ вад̇д̇аб̣б̣з…бз….
780. Natthi arahato akālamaccūti? Āmantā. Natthi arahantaghātakoti? Na hevaṃ vattabbe…pe… atthi arahantaghātakoti? Āmantā. Atthi arahato akālamaccūti? Na hevaṃ vattabbe…pe… natthi arahato akālamaccūti? Āmantā. Yo arahantaṃ jīvitā voropeti, sati jīvite jīvitāvasese jīvitā voropeti, asati jīvite jīvitāvasese jīvitā voropetīti? Sati jīvite jīvitāvasese jīvitā voropetīti. Hañci sati jīvite jīvitāvasese jīvitā voropeti, no ca vata re vattabbe – ‘‘natthi arahato akālamaccū’’ti. Asati jīvite jīvitāvasese jīvitā voropetīti, natthi arahantaghātakoti? Na hevaṃ vattabbe…pe….
781. над̇т̇и арахад̇о агааламажжууд̇и? ааманд̇аа. арахад̇о гааяз висам̣ на гамзяяа, сад̇т̇ам̣ на гамзяяа, аг̇г̇и на гамзяяаад̇и? на хзвам̣ вад̇д̇аб̣б̣з…бз… нану арахад̇о гааяз висам̣ гамзяяа , сад̇т̇ам̣ гамзяяа, аг̇г̇и гамзяяаад̇и? ааманд̇аа. хан̃жи арахад̇о гааяз висам̣ гамзяяа, сад̇т̇ам̣ гамзяяа, аг̇г̇и гамзяяа, но жа вад̇а рз вад̇д̇аб̣б̣з – ‘‘над̇т̇и арахад̇о агааламажжуу’’д̇и.
781. Natthi arahato akālamaccūti? Āmantā. Arahato kāye visaṃ na kameyya, satthaṃ na kameyya, aggi na kameyyāti? Na hevaṃ vattabbe…pe… nanu arahato kāye visaṃ kameyya , satthaṃ kameyya, aggi kameyyāti? Āmantā. Hañci arahato kāye visaṃ kameyya, satthaṃ kameyya, aggi kameyya, no ca vata re vattabbe – ‘‘natthi arahato akālamaccū’’ti.
арахад̇о гааяз висам̣ на гамзяяа, сад̇т̇ам̣ на гамзяяа, аг̇г̇и на гамзяяаад̇и? ааманд̇аа. над̇т̇и араханд̇агхаад̇агод̇и? на хзвам̣ вад̇д̇аб̣б̣з…бз….
Arahato kāye visaṃ na kameyya, satthaṃ na kameyya, aggi na kameyyāti? Āmantā. Natthi arahantaghātakoti? Na hevaṃ vattabbe…pe….
782. ад̇т̇и арахад̇о агааламажжууд̇и? ааманд̇аа. нану вуд̇д̇ам̣ бхаг̇авад̇аа – ‘‘наахам̣, бхигкавз, сан̃жзд̇анигаанам̣ гаммаанам̣ гад̇аанам̣ убажид̇аанам̣ аббадисам̣взд̣̇ид̇ваа б̣яанд̇ийбхаавам̣ вад̣̇аами; д̇ан̃жа ко д̣̇идтзва д̇хаммз убабаж̇ж̇ам̣ ваа абарз ваа барияааяз’’д̇и. ад̇т̇зва суд̇д̇анд̇од̇и? ааманд̇аа . д̇зна хи над̇т̇и арахад̇о агааламажжууд̇и.
782. Atthi arahato akālamaccūti? Āmantā. Nanu vuttaṃ bhagavatā – ‘‘nāhaṃ, bhikkhave, sañcetanikānaṃ kammānaṃ katānaṃ upacitānaṃ appaṭisaṃveditvā byantībhāvaṃ vadāmi; tañca kho diṭṭheva dhamme upapajjaṃ vā apare vā pariyāye’’ti. Attheva suttantoti? Āmantā . Tena hi natthi arahato akālamaccūti.
над̇т̇и арахад̇о агааламажжууд̇игат̇аа нидтид̇аа.
Natthi arahato akālamaccūtikathā niṭṭhitā.
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 2. над̇т̇и арахад̇о агааламажжууд̇игат̇ааван̣н̣анаа • 2. Natthi arahato akālamaccūtikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. над̇т̇иарахад̇оагааламажжууд̇игат̇ааван̣н̣анаа • 2. Natthiarahatoakālamaccūtikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. над̇т̇иарахад̇оагааламажжууд̇игат̇ааван̣н̣анаа • 2. Natthiarahatoakālamaccūtikathāvaṇṇanā
