| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๗. สตฺตรสมวโคฺค
17. Sattarasamavaggo
(๑๖๗) ๒. นตฺถิ อรหโต อกาลมจฺจูติกถา
(167) 2. Natthi arahato akālamaccūtikathā
๗๘๐. นตฺถิ อรหโต อกาลมจฺจูติ? อามนฺตาฯ นตฺถิ อรหนฺตฆาตโกติ? น เหวํ วตฺตเพฺพ…เป.… อตฺถิ อรหนฺตฆาตโกติ? อามนฺตาฯ อตฺถิ อรหโต อกาลมจฺจูติ? น เหวํ วตฺตเพฺพ…เป.… นตฺถิ อรหโต อกาลมจฺจูติ? อามนฺตาฯ โย อรหนฺตํ ชีวิตา โวโรเปติ, สติ ชีวิเต ชีวิตาวเสเส ชีวิตา โวโรเปติ, อสติ ชีวิเต ชีวิตาวเสเส ชีวิตา โวโรเปตีติ? สติ ชีวิเต ชีวิตาวเสเส ชีวิตา โวโรเปตีติฯ หญฺจิ สติ ชีวิเต ชีวิตาวเสเส ชีวิตา โวโรเปติ, โน จ วต เร วตฺตเพฺพ – ‘‘นตฺถิ อรหโต อกาลมจฺจู’’ติฯ อสติ ชีวิเต ชีวิตาวเสเส ชีวิตา โวโรเปตีติ, นตฺถิ อรหนฺตฆาตโกติ? น เหวํ วตฺตเพฺพ…เป.…ฯ
780. Natthi arahato akālamaccūti? Āmantā. Natthi arahantaghātakoti? Na hevaṃ vattabbe…pe… atthi arahantaghātakoti? Āmantā. Atthi arahato akālamaccūti? Na hevaṃ vattabbe…pe… natthi arahato akālamaccūti? Āmantā. Yo arahantaṃ jīvitā voropeti, sati jīvite jīvitāvasese jīvitā voropeti, asati jīvite jīvitāvasese jīvitā voropetīti? Sati jīvite jīvitāvasese jīvitā voropetīti. Hañci sati jīvite jīvitāvasese jīvitā voropeti, no ca vata re vattabbe – ‘‘natthi arahato akālamaccū’’ti. Asati jīvite jīvitāvasese jīvitā voropetīti, natthi arahantaghātakoti? Na hevaṃ vattabbe…pe….
๗๘๑. นตฺถิ อรหโต อกาลมจฺจูติ? อามนฺตาฯ อรหโต กาเย วิสํ น กเมยฺย, สตฺถํ น กเมยฺย, อคฺคิ น กเมยฺยาติ? น เหวํ วตฺตเพฺพ…เป.… นนุ อรหโต กาเย วิสํ กเมยฺย , สตฺถํ กเมยฺย, อคฺคิ กเมยฺยาติ? อามนฺตาฯ หญฺจิ อรหโต กาเย วิสํ กเมยฺย, สตฺถํ กเมยฺย, อคฺคิ กเมยฺย, โน จ วต เร วตฺตเพฺพ – ‘‘นตฺถิ อรหโต อกาลมจฺจู’’ติฯ
781. Natthi arahato akālamaccūti? Āmantā. Arahato kāye visaṃ na kameyya, satthaṃ na kameyya, aggi na kameyyāti? Na hevaṃ vattabbe…pe… nanu arahato kāye visaṃ kameyya , satthaṃ kameyya, aggi kameyyāti? Āmantā. Hañci arahato kāye visaṃ kameyya, satthaṃ kameyya, aggi kameyya, no ca vata re vattabbe – ‘‘natthi arahato akālamaccū’’ti.
อรหโต กาเย วิสํ น กเมยฺย, สตฺถํ น กเมยฺย, อคฺคิ น กเมยฺยาติ? อามนฺตาฯ นตฺถิ อรหนฺตฆาตโกติ? น เหวํ วตฺตเพฺพ…เป.…ฯ
Arahato kāye visaṃ na kameyya, satthaṃ na kameyya, aggi na kameyyāti? Āmantā. Natthi arahantaghātakoti? Na hevaṃ vattabbe…pe….
๗๘๒. อตฺถิ อรหโต อกาลมจฺจูติ? อามนฺตาฯ นนุ วุตฺตํ ภควตา – ‘‘นาหํ, ภิกฺขเว, สเญฺจตนิกานํ กมฺมานํ กตานํ อุปจิตานํ อปฺปฎิสํเวทิตฺวา พฺยนฺตีภาวํ วทามิ; ตญฺจ โข ทิเฎฺฐว ธเมฺม อุปปชฺชํ วา อปเร วา ปริยาเย’’ติฯ อเตฺถว สุตฺตโนฺตติ? อามนฺตา ฯ เตน หิ นตฺถิ อรหโต อกาลมจฺจูติฯ
782. Atthi arahato akālamaccūti? Āmantā. Nanu vuttaṃ bhagavatā – ‘‘nāhaṃ, bhikkhave, sañcetanikānaṃ kammānaṃ katānaṃ upacitānaṃ appaṭisaṃveditvā byantībhāvaṃ vadāmi; tañca kho diṭṭheva dhamme upapajjaṃ vā apare vā pariyāye’’ti. Attheva suttantoti? Āmantā . Tena hi natthi arahato akālamaccūti.
นตฺถิ อรหโต อกาลมจฺจูติกถา นิฎฺฐิตาฯ
Natthi arahato akālamaccūtikathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๒. นตฺถิ อรหโต อกาลมจฺจูติกถาวณฺณนา • 2. Natthi arahato akālamaccūtikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๒. นตฺถิอรหโตอกาลมจฺจูติกถาวณฺณนา • 2. Natthiarahatoakālamaccūtikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๒. นตฺถิอรหโตอกาลมจฺจูติกถาวณฺณนา • 2. Natthiarahatoakālamaccūtikathāvaṇṇanā
