| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੭. ਸਤ੍ਤਰਸਮવਗ੍ਗੋ
17. Sattarasamavaggo
(੧੬੭) ੨. ਨਤ੍ਥਿ ਅਰਹਤੋ ਅਕਾਲਮਚ੍ਚੂਤਿਕਥਾ
(167) 2. Natthi arahato akālamaccūtikathā
੭੮੦. ਨਤ੍ਥਿ ਅਰਹਤੋ ਅਕਾਲਮਚ੍ਚੂਤਿ? ਆਮਨ੍ਤਾ। ਨਤ੍ਥਿ ਅਰਹਨ੍ਤਘਾਤਕੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਅਰਹਨ੍ਤਘਾਤਕੋਤਿ? ਆਮਨ੍ਤਾ। ਅਤ੍ਥਿ ਅਰਹਤੋ ਅਕਾਲਮਚ੍ਚੂਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਤ੍ਥਿ ਅਰਹਤੋ ਅਕਾਲਮਚ੍ਚੂਤਿ? ਆਮਨ੍ਤਾ। ਯੋ ਅਰਹਨ੍ਤਂ ਜੀવਿਤਾ વੋਰੋਪੇਤਿ, ਸਤਿ ਜੀવਿਤੇ ਜੀવਿਤਾવਸੇਸੇ ਜੀવਿਤਾ વੋਰੋਪੇਤਿ, ਅਸਤਿ ਜੀવਿਤੇ ਜੀવਿਤਾવਸੇਸੇ ਜੀવਿਤਾ વੋਰੋਪੇਤੀਤਿ? ਸਤਿ ਜੀવਿਤੇ ਜੀવਿਤਾવਸੇਸੇ ਜੀવਿਤਾ વੋਰੋਪੇਤੀਤਿ। ਹਞ੍ਚਿ ਸਤਿ ਜੀવਿਤੇ ਜੀવਿਤਾવਸੇਸੇ ਜੀવਿਤਾ વੋਰੋਪੇਤਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਨਤ੍ਥਿ ਅਰਹਤੋ ਅਕਾਲਮਚ੍ਚੂ’’ਤਿ। ਅਸਤਿ ਜੀવਿਤੇ ਜੀવਿਤਾવਸੇਸੇ ਜੀવਿਤਾ વੋਰੋਪੇਤੀਤਿ, ਨਤ੍ਥਿ ਅਰਹਨ੍ਤਘਾਤਕੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
780. Natthi arahato akālamaccūti? Āmantā. Natthi arahantaghātakoti? Na hevaṃ vattabbe…pe… atthi arahantaghātakoti? Āmantā. Atthi arahato akālamaccūti? Na hevaṃ vattabbe…pe… natthi arahato akālamaccūti? Āmantā. Yo arahantaṃ jīvitā voropeti, sati jīvite jīvitāvasese jīvitā voropeti, asati jīvite jīvitāvasese jīvitā voropetīti? Sati jīvite jīvitāvasese jīvitā voropetīti. Hañci sati jīvite jīvitāvasese jīvitā voropeti, no ca vata re vattabbe – ‘‘natthi arahato akālamaccū’’ti. Asati jīvite jīvitāvasese jīvitā voropetīti, natthi arahantaghātakoti? Na hevaṃ vattabbe…pe….
੭੮੧. ਨਤ੍ਥਿ ਅਰਹਤੋ ਅਕਾਲਮਚ੍ਚੂਤਿ? ਆਮਨ੍ਤਾ। ਅਰਹਤੋ ਕਾਯੇ વਿਸਂ ਨ ਕਮੇਯ੍ਯ, ਸਤ੍ਥਂ ਨ ਕਮੇਯ੍ਯ, ਅਗ੍ਗਿ ਨ ਕਮੇਯ੍ਯਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਨੁ ਅਰਹਤੋ ਕਾਯੇ વਿਸਂ ਕਮੇਯ੍ਯ , ਸਤ੍ਥਂ ਕਮੇਯ੍ਯ, ਅਗ੍ਗਿ ਕਮੇਯ੍ਯਾਤਿ? ਆਮਨ੍ਤਾ। ਹਞ੍ਚਿ ਅਰਹਤੋ ਕਾਯੇ વਿਸਂ ਕਮੇਯ੍ਯ, ਸਤ੍ਥਂ ਕਮੇਯ੍ਯ, ਅਗ੍ਗਿ ਕਮੇਯ੍ਯ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਨਤ੍ਥਿ ਅਰਹਤੋ ਅਕਾਲਮਚ੍ਚੂ’’ਤਿ।
781. Natthi arahato akālamaccūti? Āmantā. Arahato kāye visaṃ na kameyya, satthaṃ na kameyya, aggi na kameyyāti? Na hevaṃ vattabbe…pe… nanu arahato kāye visaṃ kameyya , satthaṃ kameyya, aggi kameyyāti? Āmantā. Hañci arahato kāye visaṃ kameyya, satthaṃ kameyya, aggi kameyya, no ca vata re vattabbe – ‘‘natthi arahato akālamaccū’’ti.
ਅਰਹਤੋ ਕਾਯੇ વਿਸਂ ਨ ਕਮੇਯ੍ਯ, ਸਤ੍ਥਂ ਨ ਕਮੇਯ੍ਯ, ਅਗ੍ਗਿ ਨ ਕਮੇਯ੍ਯਾਤਿ? ਆਮਨ੍ਤਾ। ਨਤ੍ਥਿ ਅਰਹਨ੍ਤਘਾਤਕੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Arahato kāye visaṃ na kameyya, satthaṃ na kameyya, aggi na kameyyāti? Āmantā. Natthi arahantaghātakoti? Na hevaṃ vattabbe…pe….
੭੮੨. ਅਤ੍ਥਿ ਅਰਹਤੋ ਅਕਾਲਮਚ੍ਚੂਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਨਾਹਂ, ਭਿਕ੍ਖવੇ, ਸਞ੍ਚੇਤਨਿਕਾਨਂ ਕਮ੍ਮਾਨਂ ਕਤਾਨਂ ਉਪਚਿਤਾਨਂ ਅਪ੍ਪਟਿਸਂવੇਦਿਤ੍વਾ ਬ੍ਯਨ੍ਤੀਭਾવਂ વਦਾਮਿ; ਤਞ੍ਚ ਖੋ ਦਿਟ੍ਠੇવ ਧਮ੍ਮੇ ਉਪਪਜ੍ਜਂ વਾ ਅਪਰੇ વਾ ਪਰਿਯਾਯੇ’’ਤਿ। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ । ਤੇਨ ਹਿ ਨਤ੍ਥਿ ਅਰਹਤੋ ਅਕਾਲਮਚ੍ਚੂਤਿ।
782. Atthi arahato akālamaccūti? Āmantā. Nanu vuttaṃ bhagavatā – ‘‘nāhaṃ, bhikkhave, sañcetanikānaṃ kammānaṃ katānaṃ upacitānaṃ appaṭisaṃveditvā byantībhāvaṃ vadāmi; tañca kho diṭṭheva dhamme upapajjaṃ vā apare vā pariyāye’’ti. Attheva suttantoti? Āmantā . Tena hi natthi arahato akālamaccūti.
ਨਤ੍ਥਿ ਅਰਹਤੋ ਅਕਾਲਮਚ੍ਚੂਤਿਕਥਾ ਨਿਟ੍ਠਿਤਾ।
Natthi arahato akālamaccūtikathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੨. ਨਤ੍ਥਿ ਅਰਹਤੋ ਅਕਾਲਮਚ੍ਚੂਤਿਕਥਾવਣ੍ਣਨਾ • 2. Natthi arahato akālamaccūtikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੨. ਨਤ੍ਥਿਅਰਹਤੋਅਕਾਲਮਚ੍ਚੂਤਿਕਥਾવਣ੍ਣਨਾ • 2. Natthiarahatoakālamaccūtikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੨. ਨਤ੍ਥਿਅਰਹਤੋਅਕਾਲਮਚ੍ਚੂਤਿਕਥਾવਣ੍ਣਨਾ • 2. Natthiarahatoakālamaccūtikathāvaṇṇanā
