| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೨. ನತ್ಥಿ ಅರಹತೋ ಅಕಾಲಮಚ್ಚೂತಿಕಥಾವಣ್ಣನಾ
2. Natthi arahato akālamaccūtikathāvaṇṇanā
೭೮೦. ಇದಾನಿ ನತ್ಥಿ ಅರಹತೋ ಅಕಾಲಮಚ್ಚೂತಿಕಥಾ ನಾಮ ಹೋತಿ। ತತ್ಥ ‘‘ನಾಹಂ, ಭಿಕ್ಖವೇ, ಸಞ್ಚೇತನಿಕಾನಂ ಕಮ್ಮಾನಂ ಕತಾನಂ ಉಪಚಿತಾನಂ ಅಪಟಿಸಂವೇದಿತ್ವಾ ಬ್ಯನ್ತೀಭಾವಂ ವದಾಮೀ’’ತಿ (ಅ॰ ನಿ॰ ೧೦.೨೧೭) ಸುತ್ತಸ್ಸ ಅತ್ಥಂ ಅಯೋನಿಸೋ ಗಹೇತ್ವಾ ‘‘ಅರಹತಾ ನಾಮ ಸಬ್ಬಕಮ್ಮವಿಪಾಕಂ ಪಟಿಸಂವೇದಯಿತ್ವಾವ ಪರಿನಿಬ್ಬಾಯಿತಬ್ಬಂ, ತಸ್ಮಾ ನತ್ಥಿ, ಅರಹತೋ ಅಕಾಲಮಚ್ಚೂ’’ತಿ ಯೇಸಂ ಲದ್ಧಿ, ಸೇಯ್ಯಥಾಪಿ ರಾಜಗಿರಿಕಾನಞ್ಚೇವ ಸಿದ್ಧತ್ಥಿಕಾನಞ್ಚ; ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ಅಥ ನಂ ‘‘ಸಚೇ ತಸ್ಸ ನತ್ಥಿ ಅಕಾಲಮಚ್ಚು, ಅರಹನ್ತಘಾತಕೇನ ನಾಮ ನ ಭವಿತಬ್ಬ’’ನ್ತಿ ಚೋದೇತುಂ ನತ್ಥಿ ಅರಹನ್ತಘಾತಕೋತಿ ಆಹ। ಇತರೋ ಆನನ್ತರಿಯಕಮ್ಮಸ್ಸ ಚೇವ ತಾದಿಸಾನಞ್ಚ ಪುಗ್ಗಲಾನಂ ಸಬ್ಭಾವತೋ ಪಟಿಕ್ಖಿಪತಿ।
780. Idāni natthi arahato akālamaccūtikathā nāma hoti. Tattha ‘‘nāhaṃ, bhikkhave, sañcetanikānaṃ kammānaṃ katānaṃ upacitānaṃ apaṭisaṃveditvā byantībhāvaṃ vadāmī’’ti (a. ni. 10.217) suttassa atthaṃ ayoniso gahetvā ‘‘arahatā nāma sabbakammavipākaṃ paṭisaṃvedayitvāva parinibbāyitabbaṃ, tasmā natthi, arahato akālamaccū’’ti yesaṃ laddhi, seyyathāpi rājagirikānañceva siddhatthikānañca; te sandhāya pucchā sakavādissa, paṭiññā itarassa. Atha naṃ ‘‘sace tassa natthi akālamaccu, arahantaghātakena nāma na bhavitabba’’nti codetuṃ natthi arahantaghātakoti āha. Itaro ānantariyakammassa ceva tādisānañca puggalānaṃ sabbhāvato paṭikkhipati.
೭೮೧. ವಿಸಂ ನ ಕಮೇಯ್ಯಾತಿ ಪಞ್ಹೇ ‘‘ಯಾವ ಪುಬ್ಬೇ ಕತಕಮ್ಮಂ ಪರಿಕ್ಖಯಂ ನ ಗಚ್ಛತಿ, ತಾವ ನ ಕಮತೀ’’ತಿ ಲದ್ಧಿಯಾ ಪಟಿಕ್ಖಿಪತಿ। ಸೇಸಮೇತ್ಥ ಯಥಾಪಾಳಿಮೇವ ನಿಯ್ಯಾತಿ।
781. Visaṃ na kameyyāti pañhe ‘‘yāva pubbe katakammaṃ parikkhayaṃ na gacchati, tāva na kamatī’’ti laddhiyā paṭikkhipati. Sesamettha yathāpāḷimeva niyyāti.
೭೮೨. ನಾಹಂ, ಭಿಕ್ಖವೇತಿ ಸುತ್ತಂ ಇದಂ ಸನ್ಧಾಯ ವುತ್ತಂ – ಸಞ್ಚೇತನಿಕಾನಂ ಕಮ್ಮಾನಂ ಕತಾನಂ ವಿಪಾಕಂ ಅಪಟಿಸಂವೇದಿತ್ವಾ ಅವಿನ್ದಿತ್ವಾ ಅನನುಭವಿತ್ವಾ ಬ್ಯನ್ತೀಭಾವಂ ತೇಸಂ ಕಮ್ಮಾನಂ ಪರಿವಟುಮಪರಿಚ್ಛಿನ್ನಭಾವಂ ನ ವದಾಮಿ, ತಞ್ಚ ಖೋ ದಿಟ್ಠಧಮ್ಮವೇದನೀಯಾನಂ ದಿಟ್ಠೇವ ಧಮ್ಮೇ, ನ ತತೋ ಪರಂ, ಉಪಪಜ್ಜವೇದನೀಯಾನಂ ಅನನ್ತರಂ ಉಪಪತ್ತಿಂ ಉಪಪಜ್ಜಿತ್ವಾವ ನ ತತೋ ಪರಂ, ಅಪರಾಪರಿಯವೇದನೀಯಾನಂ ಯದಾ ವಿಪಾಕೋಕಾಸಂ ಲಭನ್ತಿ, ತಥಾರೂಪೇ ಅಪರಾಪರೇ ವಾ ಪರಿಯಾಯೇ। ಏವಂ ಸಬ್ಬಥಾಪಿ ಸಂಸಾರಪವತ್ತೇ ಸತಿ ಲದ್ಧವಿಪಾಕವಾರೇ ಕಮ್ಮೇ ನ ವಿಜ್ಜತೇಸೋ ಜಗತಿಪ್ಪದೇಸೋ, ಯತ್ಥಟ್ಠಿತೋ ಮುಚ್ಚೇಯ್ಯ ಪಾಪಕಮ್ಮಾತಿ। ಏವಂ ಸನ್ತೇ ಯದೇತಂ ‘‘ಅಲದ್ಧವಿಪಾಕವಾರಮ್ಪಿ ಕಮ್ಮಂ ಅವಸ್ಸಂ ಅರಹತೋ ಪಟಿಸಂವೇದಿತಬ್ಬ’’ನ್ತಿ ಕಪ್ಪನಾವಸೇನ ‘‘ನತ್ಥಿ ಅರಹತೋ ಅಕಾಲಮಚ್ಚೂ’’ತಿ ಲದ್ಧಿಪತಿಟ್ಠಾಪನಂ ಕತಂ, ತಂ ದುಕ್ಕಟಮೇವಾತಿ।
782. Nāhaṃ,bhikkhaveti suttaṃ idaṃ sandhāya vuttaṃ – sañcetanikānaṃ kammānaṃ katānaṃ vipākaṃ apaṭisaṃveditvā avinditvā ananubhavitvā byantībhāvaṃ tesaṃ kammānaṃ parivaṭumaparicchinnabhāvaṃ na vadāmi, tañca kho diṭṭhadhammavedanīyānaṃ diṭṭheva dhamme, na tato paraṃ, upapajjavedanīyānaṃ anantaraṃ upapattiṃ upapajjitvāva na tato paraṃ, aparāpariyavedanīyānaṃ yadā vipākokāsaṃ labhanti, tathārūpe aparāpare vā pariyāye. Evaṃ sabbathāpi saṃsārapavatte sati laddhavipākavāre kamme na vijjateso jagatippadeso, yatthaṭṭhito mucceyya pāpakammāti. Evaṃ sante yadetaṃ ‘‘aladdhavipākavārampi kammaṃ avassaṃ arahato paṭisaṃveditabba’’nti kappanāvasena ‘‘natthi arahato akālamaccū’’ti laddhipatiṭṭhāpanaṃ kataṃ, taṃ dukkaṭamevāti.
ನತ್ಥಿ ಅರಹತೋ ಅಕಾಲಮಚ್ಚೂತಿಕಥಾವಣ್ಣನಾ।
Natthi arahato akālamaccūtikathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೬೭) ೨. ನತ್ಥಿ ಅರಹತೋ ಅಕಾಲಮಚ್ಚೂತಿಕಥಾ • (167) 2. Natthi arahato akālamaccūtikathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೨. ನತ್ಥಿಅರಹತೋಅಕಾಲಮಚ್ಚೂತಿಕಥಾವಣ್ಣನಾ • 2. Natthiarahatoakālamaccūtikathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೨. ನತ್ಥಿಅರಹತೋಅಕಾಲಮಚ್ಚೂತಿಕಥಾವಣ್ಣನಾ • 2. Natthiarahatoakālamaccūtikathāvaṇṇanā
