| Library / Tipiṭaka / तिपिटक • Tipiṭaka / पञ्चपकरण-अनुटीका • Pañcapakaraṇa-anuṭīkā |
२. नत्थिअरहतोअकालमच्चूतिकथावण्णना
2. Natthiarahatoakālamaccūtikathāvaṇṇanā
७८०. अलद्धविपाकवारानन्ति विपाकदानं पति अलद्धोकासानं। ब्यन्तीभावन्ति विगतन्ततं, विगमं अविपाकन्ति अत्थो।
780. Aladdhavipākavārānanti vipākadānaṃ pati aladdhokāsānaṃ. Byantībhāvanti vigatantataṃ, vigamaṃ avipākanti attho.
७८१. ततो परन्ति ब्यतिरेकेन अत्थसिद्धि, न केवलेन अन्वयेनाति आह ‘‘ताव न कमति, ततो परं कमतीति लद्धिया पटिक्खिपती’’ति। तत्थ ततो परन्ति पुब्बे कतस्स कम्मस्स परिक्खयगमनतो परं। नत्थि पाणातिपातो पाणातिपातलक्खणाभावतोति अधिप्पायो। तमेव लक्खणाभावं दस्सेतुं ‘‘पाणोपाणसञ्ञिता’’तिआदि वुत्तं। तत्थ न तेनाति यो परेन उपक्कमो कतो , तेन उपक्कमेन न मतो, धम्मतामरणेनेव मतोति दुब्बिञ्ञेय्यं अविसेसविदूहि, दुब्बिञ्ञेय्यं वा होतु सुविञ्ञेय्यं वा, अङ्गपारिपूरियाव पाणातिपातो।
781. Tato paranti byatirekena atthasiddhi, na kevalena anvayenāti āha ‘‘tāva na kamati, tato paraṃ kamatīti laddhiyā paṭikkhipatī’’ti. Tattha tato paranti pubbe katassa kammassa parikkhayagamanato paraṃ. Natthi pāṇātipāto pāṇātipātalakkhaṇābhāvatoti adhippāyo. Tameva lakkhaṇābhāvaṃ dassetuṃ ‘‘pāṇopāṇasaññitā’’tiādi vuttaṃ. Tattha na tenāti yo parena upakkamo kato , tena upakkamena na mato, dhammatāmaraṇeneva matoti dubbiññeyyaṃ avisesavidūhi, dubbiññeyyaṃ vā hotu suviññeyyaṃ vā, aṅgapāripūriyāva pāṇātipāto.
नत्थिअरहतोअकालमच्चूतिकथावण्णना निट्ठिता।
Natthiarahatoakālamaccūtikathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (१६७) २. नत्थि अरहतो अकालमच्चूतिकथा • (167) 2. Natthi arahato akālamaccūtikathā
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / २. नत्थि अरहतो अकालमच्चूतिकथावण्णना • 2. Natthi arahato akālamaccūtikathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / २. नत्थिअरहतोअकालमच्चूतिकथावण्णना • 2. Natthiarahatoakālamaccūtikathāvaṇṇanā
