| Library / Tipiṭaka / తిపిటక • Tipiṭaka / పఞ్చపకరణ-అనుటీకా • Pañcapakaraṇa-anuṭīkā |
౨. నత్థిఅరహతోఅకాలమచ్చూతికథావణ్ణనా
2. Natthiarahatoakālamaccūtikathāvaṇṇanā
౭౮౦. అలద్ధవిపాకవారానన్తి విపాకదానం పతి అలద్ధోకాసానం. బ్యన్తీభావన్తి విగతన్తతం, విగమం అవిపాకన్తి అత్థో.
780. Aladdhavipākavārānanti vipākadānaṃ pati aladdhokāsānaṃ. Byantībhāvanti vigatantataṃ, vigamaṃ avipākanti attho.
౭౮౧. తతో పరన్తి బ్యతిరేకేన అత్థసిద్ధి, న కేవలేన అన్వయేనాతి ఆహ ‘‘తావ న కమతి, తతో పరం కమతీతి లద్ధియా పటిక్ఖిపతీ’’తి. తత్థ తతో పరన్తి పుబ్బే కతస్స కమ్మస్స పరిక్ఖయగమనతో పరం. నత్థి పాణాతిపాతో పాణాతిపాతలక్ఖణాభావతోతి అధిప్పాయో. తమేవ లక్ఖణాభావం దస్సేతుం ‘‘పాణోపాణసఞ్ఞితా’’తిఆది వుత్తం. తత్థ న తేనాతి యో పరేన ఉపక్కమో కతో , తేన ఉపక్కమేన న మతో, ధమ్మతామరణేనేవ మతోతి దుబ్బిఞ్ఞేయ్యం అవిసేసవిదూహి, దుబ్బిఞ్ఞేయ్యం వా హోతు సువిఞ్ఞేయ్యం వా, అఙ్గపారిపూరియావ పాణాతిపాతో.
781. Tato paranti byatirekena atthasiddhi, na kevalena anvayenāti āha ‘‘tāva na kamati, tato paraṃ kamatīti laddhiyā paṭikkhipatī’’ti. Tattha tato paranti pubbe katassa kammassa parikkhayagamanato paraṃ. Natthi pāṇātipāto pāṇātipātalakkhaṇābhāvatoti adhippāyo. Tameva lakkhaṇābhāvaṃ dassetuṃ ‘‘pāṇopāṇasaññitā’’tiādi vuttaṃ. Tattha na tenāti yo parena upakkamo kato , tena upakkamena na mato, dhammatāmaraṇeneva matoti dubbiññeyyaṃ avisesavidūhi, dubbiññeyyaṃ vā hotu suviññeyyaṃ vā, aṅgapāripūriyāva pāṇātipāto.
నత్థిఅరహతోఅకాలమచ్చూతికథావణ్ణనా నిట్ఠితా.
Natthiarahatoakālamaccūtikathāvaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / కథావత్థుపాళి • Kathāvatthupāḷi / (౧౬౭) ౨. నత్థి అరహతో అకాలమచ్చూతికథా • (167) 2. Natthi arahato akālamaccūtikathā
అట్ఠకథా • Aṭṭhakathā / అభిధమ్మపిటక (అట్ఠకథా) • Abhidhammapiṭaka (aṭṭhakathā) / పఞ్చపకరణ-అట్ఠకథా • Pañcapakaraṇa-aṭṭhakathā / ౨. నత్థి అరహతో అకాలమచ్చూతికథావణ్ణనా • 2. Natthi arahato akālamaccūtikathāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-మూలటీకా • Pañcapakaraṇa-mūlaṭīkā / ౨. నత్థిఅరహతోఅకాలమచ్చూతికథావణ్ణనా • 2. Natthiarahatoakālamaccūtikathāvaṇṇanā
