| Library / Tipiṭaka / ติปิฎก • Tipiṭaka / ปญฺจปกรณ-อนุฎีกา • Pañcapakaraṇa-anuṭīkā |
๒. นตฺถิอรหโตอกาลมจฺจูติกถาวณฺณนา
2. Natthiarahatoakālamaccūtikathāvaṇṇanā
๗๘๐. อลทฺธวิปากวารานนฺติ วิปากทานํ ปติ อลโทฺธกาสานํฯ พฺยนฺตีภาวนฺติ วิคตนฺตตํ, วิคมํ อวิปากนฺติ อโตฺถฯ
780. Aladdhavipākavārānanti vipākadānaṃ pati aladdhokāsānaṃ. Byantībhāvanti vigatantataṃ, vigamaṃ avipākanti attho.
๗๘๑. ตโต ปรนฺติ พฺยติเรเกน อตฺถสิทฺธิ, น เกวเลน อนฺวเยนาติ อาห ‘‘ตาว น กมติ, ตโต ปรํ กมตีติ ลทฺธิยา ปฎิกฺขิปตี’’ติฯ ตตฺถ ตโต ปรนฺติ ปุเพฺพ กตสฺส กมฺมสฺส ปริกฺขยคมนโต ปรํฯ นตฺถิ ปาณาติปาโต ปาณาติปาตลกฺขณาภาวโตติ อธิปฺปาโยฯ ตเมว ลกฺขณาภาวํ ทเสฺสตุํ ‘‘ปาโณปาณสญฺญิตา’’ติอาทิ วุตฺตํฯ ตตฺถ น เตนาติ โย ปเรน อุปกฺกโม กโต , เตน อุปกฺกเมน น มโต, ธมฺมตามรเณเนว มโตติ ทุพฺพิเญฺญยฺยํ อวิเสสวิทูหิ, ทุพฺพิเญฺญยฺยํ วา โหตุ สุวิเญฺญยฺยํ วา, องฺคปาริปูริยาว ปาณาติปาโตฯ
781. Tato paranti byatirekena atthasiddhi, na kevalena anvayenāti āha ‘‘tāva na kamati, tato paraṃ kamatīti laddhiyā paṭikkhipatī’’ti. Tattha tato paranti pubbe katassa kammassa parikkhayagamanato paraṃ. Natthi pāṇātipāto pāṇātipātalakkhaṇābhāvatoti adhippāyo. Tameva lakkhaṇābhāvaṃ dassetuṃ ‘‘pāṇopāṇasaññitā’’tiādi vuttaṃ. Tattha na tenāti yo parena upakkamo kato , tena upakkamena na mato, dhammatāmaraṇeneva matoti dubbiññeyyaṃ avisesavidūhi, dubbiññeyyaṃ vā hotu suviññeyyaṃ vā, aṅgapāripūriyāva pāṇātipāto.
นตฺถิอรหโตอกาลมจฺจูติกถาวณฺณนา นิฎฺฐิตาฯ
Natthiarahatoakālamaccūtikathāvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๑๖๗) ๒. นตฺถิ อรหโต อกาลมจฺจูติกถา • (167) 2. Natthi arahato akālamaccūtikathā
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๒. นตฺถิ อรหโต อกาลมจฺจูติกถาวณฺณนา • 2. Natthi arahato akālamaccūtikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๒. นตฺถิอรหโตอกาลมจฺจูติกถาวณฺณนา • 2. Natthiarahatoakālamaccūtikathāvaṇṇanā
